9 ńtɔ́ nɛnɛn, ḿbuutɛ Yɛ́su. A cú mbɔ̌ pɔ́p ŋɡɔ. «N cɛꞋlɛ wʉ́ʉ!» Pɔ́p pi mɛkẅíꞋlɛ mbi yɛ́, ŋ́ɡẅɛɛ mɛku mɛ́, ŋ́ɡúꞋlɛ wɛ́.
Pɔ́p pɔ́ tɛ ńjʉ́ɔ Yɛ́su, ŋ́kẅíꞋlɛ sɛ́, ŋ́ɡúꞋlɛ wɛ́, lɑ́ pɛcɔ́ pʉɔ pɔ́ tsɛtsɛt pɔ́p, ḿbɔ́ ḿmʉꞋlɛ mʉꞋlɛ́nɛ.
Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»
Tɔmɑ́shi tsɔ́Ꞌ mbɔ̌ wɛ́ ŋɡɔ: «Tsɑpʉɔ wɑɑ, ḿbɔ́ Sɛ́ wɑɑ.»
Pɔ́p tsʉ́Ꞌ ńtʉ́ʉ zúꞋu ḿbɔ́ ŋ́ɡúꞋlɛ wɛ́, tɛ ɛ́ kuꞋ, pɔ́p lɔk tsɑ́ɑtɛ ḿbɛn nzʉʉ nɛ́ Yɛlúsɑlɛm.
Mɑlíyɑ nɑ́ŋ tɛ ńtíi kɛm-lítɑ lɑmɛ́ndɑɑ yí ɛ́ cɔ́k ŋkɑ́p tɛꞋ, mbɔ pɛ́ kɑ lɔk wɛcɔ́ nɛɡíi ẅi pɛ́ fúŋnɛ ŋɡɔ nɑ̂d ńniitɛ. A lɔk ńzɔ́Ꞌ mɛku-Yɛ́su, ńdɔk mɛnuk-tú mɛ́ ńtuk. Jɑ́k-lɑmɛndɑɑ kɔ́Ꞌ ḿbúu ńjʉ́ ndɑ́.
ŋ́kúu ndɑ́, ńtʉ́ʉ nzʉʉ Yɛ́su, nɛjɔ́ŋ mɛku mɛ́, ńzɛ nɛkíi, ŋ́kíi kíinɛ tɛ ŋki-mík mɛ́ cẅɛt ńcʉ̈ɔ́tɛ nǔu mɛku-Yɛ́su. Pɛ́ pɔ́ ńjʉ́ɔ mɑŋɡɛ́ ɛ̂wɑ́ pɔ́ ńdɔk, ńtɑ́ɑ ɛ́sɛntɛ, ńdɔk lɑmɛ́ndɑɑ yîyɑ́ ńzɔ́Ꞌ.
Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.
Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.
Ɛ́ pɔ́ ŋkɑ́ ntsuŋkẅɛ́Ꞌ, pɔ lɛ́Ꞌ ɛ̂yɑ́ yi ɛ́ kɑ pɔ́ sɔ́ndii, nduŋmbi lɛ́Ꞌlɑ́Ꞌ nǔu ŋɡɑp lɑ́Ꞌ, ɡɑŋku-Yɛ́su nɑ́ŋ ndɑ́, mbɔ pɔ́p lɑ́Ꞌ ńjʉ́ɔꞋ ntsundɑ́, ḿbɔ́k Pɑyúdɑ. Yɛ́su cẅɛt ńtʉ́ʉ tsɛtsɛt pɔ́p, ńcú nɛ́ pɔ́p ŋɡɔ: «Mbɔ́tnɛ pɔ́ nɛ́ pʉʉ.»
Cʉ̈ɔꞋ-Sɛ́ ɡʉ tɛ ŋ́kúu ndɑ́ pɔ́p, ńcú mbɔ̌ wɛ́ ŋɡɔ: «N cɛꞋlɛ wú, mbɑ Mɑlíyɑ, mbɔ́tnɛ-Sɛ́ nǔu wu, Tsɑpʉɔ lɔk wú ŋ́ɡɛ yúu, ɑ sɛ́ ńdíŋɛ wú tɛꞋ.»
Pɔ́p kɔŋ ŋɡɔ pɛ́ tʉ́ʉ zɑ́n, ńcɛꞋlɛ wɔ́p nɛ́ mɛkuꞋ, pʉɔ pɛn ńnɑ́ŋ ɛ́fúŋ wɔ́p nɛ́ cícɑ.»
Pɑŋɡɛ́ pɔ ɡɔ́ɔ ɛ́fú mbʉʉ nɛshi ŋ́ɡʉ nɛcú yɔ nu mbɔ̌ ɡɑŋku-Yɛ́su. CʉɔꞋ pɛ́t ḿbɔ́ pɔ nǔu pɔ́p, lɑ́ pɔ́p pɔ́ ńtsɑ́ɑtɛ tsɑ́ɑtɛ́nɛ,
Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.
