Mɑtʉ̈ɔ 28:18 - Kɑɑ Fí

¹⁸ Yɛ́su tɔ́ nɛjɔ́ŋ pɔ́p, ńcú mbɔ̌ pɔ́p ŋɡɔ: «Sɛ́ kɑ ɡɑ́ mɛtʉʉ tsʉʉ mbɔ̌ mɔ nɛlɔk ɛ́sɑ́Ꞌ yúu mi ɛ́ tʉ́nɛ́pú mbɑ yi ɛ́ ndǔ tsɛ́tsɑ́Ꞌ.»

Mɑtʉ̈ɔ 28:18 交叉引用

Jɑ̂ŋ 3:35

Tɑ̌ɑ Sɛ́ kɔŋ Mɔ́ɔ nɛ, mbɔ ɑ kɑ níꞋ yúu tsʉʉ nǔu lɑ́ɑpɔ́-Mɔ́ɔ nɛ.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Mɑtʉ̈ɔ 11:27

Yɛ́su pɛn ńcú ŋɡɔ: «Tɑ̌ɑ mɔ kɑ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ, mbɔ sɑ̌ɑ ŋu pɔɔ jí mɔ́ɔ pɔ́, ndɑꞋ Tɑ̌ɑ jínɛ wɛ́. Ŋu kɛ́ mbɔɔ jí Tɑ̌ɑ pɔ́, ndɑꞋ mɔ́ɔ nɛ jínɛ wɛ́, ḿbɛn ŋ́ɡɛ ŋu ẅí mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.

Ɛ́bɛlʉʉ 2:8

Ɔ kɑ lɔk wɛ́ ŋ́ɡɛ ŋu ẅí ɑ sɑ́Ꞌnɛ mɛyúu tsʉʉ mi ɔ kɑ niitɛ́nɛ, ŋ́ɡɛ ŋɡɔ mbɑ kʉ̈ɔ́lɑ́ zúꞋ ntsu wɛ́. Sɛ́ kɑ ɡɔ́ ńcú ŋɡɔ mbɑ kʉ̈ɔ́lɑ́ zúꞋ ntsu-ŋumɛsɔŋ pɑ́Ꞌɑ, ŋ́kɛ́ ḿbɔɔ ńcú tɛ ḿbɑꞋnɛ yɛcɔ́ yi ɛ́ ɡʉ ńnɑ́ kɛ́ zúꞋ ntsu wɛ́ pɔ́. Ɛ́ kɛ́ ḿbɔ́ ŋkɔ̂ɔnɛ pɑ́Ꞌɑ, pɛkŋɛ kɑ́ pɔ́ ńjʉ́ɔ ŋɡɔ yúu tsʉʉ sɛ́ ńzúꞋ ntsu-ŋumɛsɔŋ ɛ̂wɑ́ pɔ́.

1 Kɔlɛ̂ŋtɛ 15:27

Ɛ́ zɛɛ ḿbɔ́ tsɛt ŋwɑꞋnɛ-Sɛ́, Sɛ́ cú ŋɡɔ: «A lɔk mbɑ kʉ̈ɔ́ lɑ́ ŋ́ɡɛ ntíknɛ mɛku-Kɛlístɔ». Sɛ́ cú pɔ́Ꞌɔ, pɑ́Ꞌɑ, ɛ́ pɔɔ ńdɔk ḿbɔ́ ŋɡɔ jʉ́ Sɛ́ ɡʉ ńdɑ́Ꞌ ḿbɔ́ nǔu mbɔ́-Kɛlístɔ pɔ́, mbíꞋŋɡɔ Sɛ́ zɛɛnɛ ŋ́ɡɑ́ mɛtʉʉ mbɔ̌ Kɛlístɔ lɑ ɑ lɔk ɛ́sɑ́Ꞌ mbɑ kʉ̈ɔ́ lɑ́.

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Ɛ́bɛlʉʉ 1:2

Ɛ́ kɛ́ ḿbɔ́ nǔu yɛkŋɛ kɛm-njí yɔ yí ɛ́ tsʉ́Ꞌ ḿbɔ́ pɔ yɛ́ lɔk ndẅiklɛ, ɑ cú nu mbɔ̌ pɛkŋɛ, ŋ́ɡɔ ńcú, ńdɛɛ pɔ nǔu Mɔ́ɔ nɛ. A pɔ́ jʉ́ ẅi ɑ kɑ lɛɛnɛ nǔu wɛ́, ńniitɛ ndǔmbí tsʉʉ, ḿbɛn ńzɑ́p wɛ́ pɑ́Ꞌ mbɑ kʉ̈ɔ́lɑ́ ɡʉ ńdɑ́Ꞌ ḿbɔ́ pɔ yɛ́.

Kɔlɔsíyɛ̂ŋ 2:10

Pʉʉ pɛ́ Kɛlístɔ tɛmtɛ, Sɛ́ fú nǔu ŋ́ɡɑ́ yʉ́ʉ fuꞋ ntɛ́ nɛ́ ntɛ́. Kɛlístɔ ɛ̂wɑ́ lɛɛ mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ, ḿbɛn ḿbɔ́ ɛ́sɑ́Ꞌ mbí.

Lúkɑ́shi 10:22

Yɛ́su pɛn ńcú ŋɡɔ: «Tɑ̌ɑ mɔ nɑ́ mbɑ kʉ̈ɔ́ lɑ́ nǔu mbɔ́ mɑ́ɑ. Mbɔ wɛcɔ́ ŋu pɔɔ jí mɔ́ɔ pɔ́, ńdíꞋ ńdɑ́Ꞌ tɑ́t jínɛ wɛ́. Ŋu kɛ́ ḿbɔɔ Tɑ́t jí, ńdíꞋ ńdɑ́Ꞌ mɔ́ɔ nɛjí wɛ́, ḿbɛn ŋ́ɡɛ ŋu ẅi mɔ́ɔ kɔŋnɛ nɛnyɛt Tɑ́t wɛ mbɔ̌ wɛ́.»

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»

Pʉɔ-Lɔ́mɑ 14:9

Kɛlístɔ kɑ zɛɛ ḿpfú ḿbɛn ńzẅíimɛ nɛpɔ́ yi ɑ ɡʉ ḿbɔ́ Tsɑpʉɔ pɛpfú mbɑ wɛ pʉɔ pi pɔ́p ntʉʉ.

Mɛnu ɛ́ ńdɑ́Ꞌ ńcẅɛt 17:14

Pɔ́p ɡʉ ḿmɑꞋ Mɔ́ɔ-Njinjɔ nɛ́ ntsɔ, lɑ́ ɑ kɛ́ ńdɛɛ wɔ́p, mbíꞋŋɡɔ ɑ Tsɑpʉɔ pɛtsɑpʉɔ, ḿbɔ́ Fɔɔ pɛfɔɔ. Pʉɔ pí ɑ kɑ fúŋnɛ wɔ́p, ńtsɔ́Ꞌ wɔ́p, pɔ́p jí pɔ́ ndɑꞋ wɛ́, pɔ́p pɛpɔ́p lɛɛ nɑɑ ɛ̂wɑ́.

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

Mɑtʉ̈ɔ 26:64

Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»

ŊwɑꞋnɛ-Gɑŋntúu Yɛ́su Kɛlístɔ 2:36

Pɔ́Ꞌɔ lɑ́, ŋɡɔŋ njẅɛtndɑ́-Íslɑyɛ̂l, pʉʉ ɡẅɛɛ nɛtsuŋ ńjí sʉ́Ꞌnɛ ŋɡɔ, Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, ɑ jʉ́ ẅi Sɛ́ kɑ lɔknɛ wɛ́ ŋ́ɡɛ Tsɑpʉɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ ẅi Sɛ́ kɑ kɑꞋnɛ.

ŊwɑꞋnɛ-Gɑŋntúu Yɛ́su Kɛlístɔ 10:36

Sɛ́ kɑ túu sẅiŋɛ yɛ́ mbɔ̌ pɔ́ɔ-Íslɑyɛ̂l. Ɛ́ pɔ́ Ŋkʉʉ Sʉ́Ꞌnɛ, ńcú nu nǔu mbɔ́tnɛ yí pɛ́ lɛɛnɛ nǔu Yɛ́su Kɛlístɔ ẅí ɑ Tsɑpʉɔ-pʉɔ tsʉʉ ŋ́ɡẅɛɛ.

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

Jɑ̂ŋ 3:31

Ŋu ẅí ɑ fúnɛ tʉ́nɛ́pú, ɑ lɛɛ pʉɔ pɛtsʉʉ. Ŋu ẅí ɑ ndǔ tsɛ́tsɑ́Ꞌ ɑ ŋu-tsɛ́tsɑ́Ꞌ, ḿbɛn ńcú nu pɔ nǔu mɛnu mí ɛ́ ndǔ tsɛ́tsɑ́Ꞌ. Lɑ́, ŋu ẅí ɑ fúnɛ tʉ́nɛ́pú ɑ lɛɛ pʉɔ tsʉʉ.