10 Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.
MbíꞋŋɡɔ pʉɔ pi Sɛ́ kɑ zɑ́Ꞌnɛ njí ńtsɔ́Ꞌ wɔ́p, ɑ kɑ pɛn ńzɑ́Ꞌ njí ńzɑ́p ŋɡɔ mɔ́yúu ɡʉ ńdɑ́Ꞌ ḿbɔ́ ŋ́kúpmɛ nǔu pɔ́p kúpmɛ́nɛ, tɛ pɔ́p fí Mɔ́ɔ nɛ. Ɛ́ lɛɛ pɔ́Ꞌɔ, Mɔ́ɔ nɛ pɔ́ wɛ ndʉ́m nǔu nɔɔ-pɔ́ɔpɛ́mɑ́ pɛ́ pi pɔ́p zɑ́ɑ zɑ́ɑnɛ.
Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»
Pʉʉ ɡɔ́ɔ ŋ́ɡʉ ɛ́sẅíi ɡɑŋku pɛ́ ŋɡɔ ɑ zẅíimɛ nǔu nɛvú, ŋɡɔ ɑ piitɛ Ŋɡɑlilɛɛ ḿbɔ́ ńzẅíꞋlɛ wʉ́ʉ pɛ́ pɔ́p, pʉʉ ɡʉ ŋ́kúu zúꞋu lɑ ńjʉ́ɔ wɛ́. Yɔ nu yí mɔ ḿbɔ́ ŋ́ɡẅɛɛ nɛsẅíi wʉ́ʉ.
Pʉʉ ɡʉ ŋkɔ̂ɔnɛ ɛ́sẅíi ɡɑŋku Yɛ́su mbɑ mbɔ̌ Pyɛ̂ ŋɡɔ ɑ piitɛ Ŋɡɑlilɛɛ, ḿbɔ́ ńzẅíꞋlɛ wʉ́ʉ pɑꞋ ɑ kɑ sẅíinɛ wʉ́ʉ ŋɡɔ pʉʉ ɡʉ ńdɑ́Ꞌ ńjʉ́ɔ wɛ́ zúꞋu lɑ́.»
Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.»
Lɑ́ Yɛ́su ɡɔ́ɔ ńcú mbɔ̌ pɔ́p ŋɡɔ: Pʉʉ pɔ́tnɛ ńnɑ́ŋ, ɑ pɔ́ mɔ, kɔɔ pʉʉ pɔ́k.
Lɑ́ Yɛ́su cú mbɔ̌ pɔ́p ŋɡɔ: «kɔɔ pʉʉ pɔ́k, ɑ pɔ́ mɔ.»
Fɔɔ tsɔ́Ꞌ mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ lɑ́ yi pʉʉ ŋ́kɑɑ ɡɛ mɔnɛ mɛnu nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ pɔ́, mbɔ pʉʉ ŋ́kɑɑ pɛn ŋ́ɡɛ yúu nǔu mɔ pɔ́.»
Fɔɔ pʉ̈ɔt mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ yɛ́tɛ́ ŋkɑ́ ɔɔ yi pʉʉ kɑ ɡɛnɛ mɔnɛ mɛnu, nǔu wɛ́t mɔ́ɔ mɔ́ŋu ẅí ɑ mɔ́ɔmɑ́ mɔ lɑ́, mbɔ pʉʉ kɑ pɔ́ ŋ́ɡɛ pɔ nǔu mɔ.»
Yɛ́su pɛn ńcú ŋɡɔ: «Mɔ, ŋ ɡʉ ŋ́ɡɛ ḿbɔ́ tɛ ńzẅíimɛ nǔu nɛvú, ḿbiitɛ Ŋɡɑlilɛɛ ńzẅíꞋlɛ wʉ́ʉ.»
ńtɔ́ nɛnɛn, ḿbuutɛ Yɛ́su. A cú mbɔ̌ pɔ́p ŋɡɔ. «N cɛꞋlɛ wʉ́ʉ!» Pɔ́p pi mɛkẅíꞋlɛ mbi yɛ́, ŋ́ɡẅɛɛ mɛku mɛ́, ŋ́ɡúꞋlɛ wɛ́.
Gɑŋku-Yɛ́su ntsɔ̌pmɔꞋ nɛ́ nɛɡɛ́m ɡɛ pɔ́Ꞌɔ ŋ́ɡʉ nɛ́ Ŋɡɑlilɛɛ, ŋ́kɔ́Ꞌ ndǔ nɛŋkɔ́Ꞌ ni Yɛ́su kɑ pɔ́nɛ zúꞋu, mbɔ ɑ kɑ lɛꞋlɛ mbɔ̌ pɔ́p, ŋɡɔ pɔ́p pɛ́pɔ́p ɡʉ ńdɑ́Ꞌ ḿbuutɛ zúꞋu.
