Mɑtʉ̈ɔ 27:51 - Kɑɑ Fí

⁵¹ Yɛ́su cʉ́ɔ pɔ́Ꞌɔ, ndẅí yi pɛ́ kɑ lɔknɛ ŋ́kʉŋ yɛcɔ́ zʉꞋ tsɛt zʉꞋ-nɔŋpɔꞋ fú tʉ́ ɛ́sɑ́ɑnɛ pɑk pɛ́pɑ́ tɛ ŋ́kúu sɛ́. Tsɛ́tsɑ́Ꞌ tsʉ́Ꞌnɛ, mɛŋɡɔꞋ sɑ́ɑtɛ,

Mɑtʉ̈ɔ 27:51 交叉引用

Mɑ́lɛ́kúshi 15:38

Tʉ́m-Yɛ́su cʉ́ɔ pɔ́Ꞌɔ, ndẅí yi pɛ́ kɑ lɔknɛ ŋ́kʉŋ yɛcɔ́ zʉꞋ tsɛt ndɑ́ yi ɛ́ zʉꞋ-nɔŋpɔꞋ, fú tʉ́ ɛ́sɑ́ɑnɛ tɛ ŋ́kúu sɛ́.

Ɛ́bɛlʉʉ 6:19

Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

Lúkɑ́shi 23:45

Ndẅí yi pɛ́ kɑ lɔknɛ ɛ́sɑ́ɑ ndɑ́-nɛnɔŋpɔꞋ, sɑnɛ tsɛtsɛt, ɛ́fú tʉ́ ŋ́kúu sɛ́.

Mɛnu ɛ́ ńdɑ́Ꞌ ńcẅɛt 11:19

Pɔ́p cú pɔ́Ꞌɔ, tɛ ŋ́ɡɔ ḿmɛkŋɛ, ntsundɑ́-nɔŋpɔꞋ-Sɛ́ yí ɛ́ tʉ́nɛ́pú tsɔ́Ꞌnɛ ńtʉ́ʉ, ŋkɔp ẅi Sɛ́ kɑ lɔknɛ ŋ́ɡwɑt kɑɑ cẅɛt ńtʉ́ʉ tsɛt zʉꞋ yɛ́ yîyɑ́. Mɛnɛ́ɛ-mbʉŋ kyɛꞌ zʉꞋ. Pɛ́ zúꞋ mɛŋɡi, ńzúꞋ nɛfɑŋ kwɛnɛ ŋɡɑ ŋɡɑ. Tsɛ́tsɑ́ꞌ tsʉ́Ꞌnɛ. Mɛzẅii pûu ḿvutɛ pɑ́ꞋtɛꞋ.

Mɑtʉ̈ɔ 27:54

Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»

Mɑtʉ̈ɔ 28:2

ŋ́ɡɔ́ ŋ́kúu zúꞋu, ńzúꞋ tsɛ́tsɑ́Ꞌ puu ńtsʉ́Ꞌnɛ tɛꞋ. MbíꞋŋɡɔ Cʉ̈ɔꞋ-Sɛ́ ɛ́fú tʉ́nɛ́pú ńcúŋ, ńtɔ́ ŋ́kiimɛ ŋɡɔꞋ yí pɛ́ kɑ lɔknɛ ńjʉ́ɔꞋ ntsu-nɛshi, ŋ́kɔ́Ꞌ ńnɑ́ŋ ndǔ ŋɡɔꞋ ɛ̂yɑ́.

Mɛnu ɛ́ ńdɑ́Ꞌ ńcẅɛt 11:13

Pɔ́p pɔ́ ŋ́kɔ́Ꞌ pɔ́Ꞌɔ, tsɛ́tsɑ́ꞌ tsʉ́Ꞌnɛ tɛꞋ. Tɑ́Ꞌ nji-tʉ́sɔŋ nǔu nji nɛɡɛ́m kɛ́mɛ. Tsɛ́tsɑ́Ꞌ tsʉ́Ꞌnɛ pɔ́Ꞌɔ, ńjẅítɛ pʉɔmɛsɔŋ ntsɑ́Ꞌ sɑɑmbɑ́. Pfuꞌ pʉɔ pi pɔ́p luknɛ, jʉ́ɔ ḿbɔ́k, ŋ́ɡɑ́ nɛɡúꞋ mbɔ̌ Sɛ́ ẅi ɑ nɑ́ŋnɛ tʉ́nɛ́pú.

Ɛ́bɛlʉʉ 9:3

Lûm wɛ tsɛtú ẅi ɑ nzʉʉ yúu ndẅí ɛ̂yɑ́ pɔ́ kwɑꞋ zʉꞋ-Sɛ́.

Lúkɑ́shi 23:47

Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.