24 Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»
ńcú mbɔ̌ pɔ́p ŋɡɔ: «Ŋ kɑ ɡɛ nu kɛpɔŋ pɑ́Ꞌ ŋ kɑ ɡɑ́nɛ mbúꞋ ŋɡɔ pɛ́ jẅí wɛ́.» Pɔ́p zúꞋ ḿbʉ̈ɔt ŋɡɔ: «Pɛk kɑ́ ɡẅɛɛ nu nǔu pɔ́, ɛ́ zúꞋ nɛ́ ɡu.»
Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.
Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.
Lɑ́ pɔ́p pɔ́ ńcú ŋɡɔ kɔɔ pɛ́ kɛ́ ŋ́ɡẅɛɛ wɛ́ lɛ́Ꞌ-ndínɑ, ḿbɔ́k lɑ́Ꞌ nɛtɑ́k zʉꞋ.
Pʉʉ kɑ muŋɛ ŋu ẅí Sɛ́ kɑ tsɔ́Ꞌnɛ, ɑ pɔ́ ndɑꞋ ŋu ẅí ɑ ndʉ́ŋndʉŋ, ḿbɛn ḿbúꞋ mbɔ́ mbɔ̌ pilɑ́tu ŋɡɔ ɑ nɑ́ njẅíŋu mbɔ̌ pʉʉ.
Pilɑ́tɔ pɛn ńcẅɛt píi ńcú mbɔ̌ pɛkɛ́m-Pɑyúdɑ ŋɡɔ: «Ŋ ɡʉ ńdɔk ŋu ɛ̂wɑ́ ńtɔ́ ŋ́ɡɑ́ mbɔ̌ pʉʉ. Pʉʉ kɛ́ ńjí ŋɡɔ ŋ kɑ́ jʉ́ɔ yɛcɔ́ yúu mi ɑ fɑɑnɛ́nɛ pɔ́.»
Yɛ́su kɑ pfú pɑ́Ꞌɑ, tɑ́tndɑ́-pɑlʉ̈ɔ́Ꞌntsɔ pɔ́p pɑlʉ̈ɔ́Ꞌntsɔ pí pɔ́p kɑ pɔ́ ḿbyɛ́p Yɛ́su jʉ́ɔ pɑ́Ꞌ tsɛ́tsɑ́Ꞌ púunɛ ńtsʉ́Ꞌnɛ, ḿbɛn ńjʉ́ɔ mbɑ kʉ̈ɔ́lɑ́ yi ɛ́ sɛ́ ńdɛɛ, ńcʉ̈ɔꞋ tɛꞋ, ńcú ŋɡɔ: «Ŋu wɔ ḿbɔ́ kwɑꞋ mɔ́ɔ-Sɛ́.»
Yîyɑ́ nu ɡɛ pɔ́Ꞌɔ, ḿbuutɛ nǔu pɑ́Ꞌ Ŋɡɛ́mndʉ̈ɔ́Ꞌ-Sɛ́ Yɛlɛmî kɑ cúnɛ ŋɡɔ: «Pɔ́p kɑ cẅɛ́ɛ ŋkɑ́p pɑk mɛɡɛ́mɛ́ntɑ́t, ɛ́ pɔ́ ndɛn ẅí pɑíslɑyɛ̂l kɑ zɑ́pnɛ ŋɡɔ ɛ́ pɔ́ ŋkɑ́p-tú-ŋɡɑŋ.»
Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.
Pilɑtɔ píkŋɛ wɔ́p ŋɡɔ: «KwɑꞋ nu kɛpɔŋ yí ɑ ɡɛnɛ pɔ́ pɔ kʉ̈ɔ́?» Lɑ́ lɑ́Ꞌ kẅiꞋ ŋ́ɡɑ́ ɡwɑ́t, ńcú pɔ ŋɡɔ: «pɛ́ kɛ́ ŋ́kẅii wɛ́ kẅiinɛ!»
Símɔ̂ŋ Pyɛ̂ cú mbɔ̌ wɛ́ ŋɡɔ: «Ɛ́ lɑɑ ḿbɔ́ pɔ́Ꞌɔ, mbɑ̌ɑ Ndɛ, kɔɔ suk pɔ ndɑꞋ mɛku mɑ́ɑ, ɔ tɛmtɛ ɛ́suk mbɔ́ mɑ́ɑ pɔ́p tú yɑ́ɑ.»