22 Pilɑtɔ pɛn ḿbíkŋɛ ŋɡɔ: «Tɛ mɔ pɑ́Ꞌɑ ŋ́ɡɛ pɔ ŋɡɔ́ku nǔu Yɛ́su ẅí pɛ́ fúŋnɛ ŋɡɔ Kɛlístɔ?» Pʉɔtsʉʉ pʉ̈ɔt ŋɡɔ: «Pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ!»
Pɔ́ɔpɛ́mɑ́, jínɛ ŋɡɔ pɛ́ sẅíi wʉ́ʉ lɔ́Ꞌnɛ ŋɡɔ mbɔ Sɛ́ likŋɛ mɛnu kɛpɔŋ pʉɔ pɑꞋnɛ nɛtẅɛꞋ-Yɛ́su.
Pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ tsʉʉ pɔ́ ńdɔɔ nu yí pɛ́ ɡʉ ńzɑ́p tú-Yɛ́su lɑ́ ńdɔk ŋ́ɡɛ pɛ́ jẅí wɛ́, ŋ́kɛ́ ḿbɔɔ ḿbɔ́ ńjʉ́ɔ pɔ́.
Lɑ́Ꞌ tɔ́ ńcúꞋlɛ. Pilɑtɔ píkŋɛ ŋɡɔ: «Pʉʉ kɔŋ ŋɡɔ ŋ ɡʉ nǔu pʉɔ pɔnɛ ńnɑ́ pɔ Yɛ́su Pɑnɛpɑ́ɑshi kɛ pɔ Yɛ́su ẅí pɛ́ fúŋnɛ ŋɡɔ Kɛlístɔ?»
Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.
Ŋɡɔ́mnɑɑ pɛn ńcú mbɔ̌ lɑ́Ꞌ ŋɡɔ: «Ŋ ɡʉ ńnɑ́ tɑ́Ꞌ ŋɡɑŋtsɑ́ŋ mbɔ̌ pʉʉ. Pʉʉ kɔŋ ŋɡɔ ŋ ɡʉ nǔu pʉɔ pɔnɛ pɛ́pɑ́, ńnɑ́ wɔ̌?» Pɔ́p ɡɔ Pɑnɛpɑ́ɑshi!
Pilɑtɔ píkŋɛ wɔ́p ŋɡɔ: «KwɑꞋ nu kɛpɔŋ yí ɑ ɡɛnɛ pɔ́ pɔ kʉ̈ɔ́?» Lɑ́ lɑ́Ꞌ kẅiꞋ ŋ́ɡɑ́ ɡwɑ́t, ńcú pɔ ŋɡɔ: «pɛ́ kɛ́ ŋ́kẅii wɛ́ kẅiinɛ!»
Mɑŋɡɛ́ ɛ̂wɑ́ cú mbɔ̌ wɛ́ ŋɡɔ: «N jí ŋɡɔ Nzɑ́Ꞌŋkʉ Sɛ́ kɑ kɑꞋnɛ ẅí pɛ́ fúŋnɛ ŋɡɔ Kɛlístɔ sɛ́ ńtɔ́. A ɡʉ ńtɔ́, ŋ́kyɛ́Ꞌtɛ mbɑ kʉ̈ɔ́ lɑ́ ɛ́sẅíi wɛ́k.»
ńjɑ́k yúu mi pɔ́p ɡʉ ńdɛɛ nǔu ŋ́ɡɛ pɛ́ jẅí wɛ́, ŋ́ɡʉ ńjʉ́ɔ Pilɑtɔ ŋɡɔ ɑ kɛ́ ńjẅí wɛ́ jẅínɛ.
