Biblia Todo Logo
在线圣经

- 广告 -




Mɑtʉ̈ɔ 27:2 - Kɑɑ Fí

2 pɔ́Ꞌɔ lɑ́, ŋ́ɡɛ pɛ́ kút wɛ́, ńdɔk wɛ́ ŋ́ɡʉ ŋ́ɡɑ́ mbɔ̌ ŋɡɔ́mnɑɑ Pilɑtɔ.

参见章节 复制




Mɑtʉ̈ɔ 27:2
25 交叉引用  

Ɛ́ pɔ́ pɔ ŋɡɔ Sɛ́-Ábɛlɛhɑ̂m, ḿbɔ́ Sɛ́-Ɛsɑk, mbɑ wɛ Yɑkɔ̂p, mbɔ Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɑ́nɛ nɛɡúꞋ mbɔ̌ ŋɡɑŋfɑꞋ wɛ Yɛ́su. Mbɔ pʉʉ kɑ fɛn wɛ́ mbɔ̌ pɑsɑ́Ꞌlɑ́Ꞌ, ḿmuŋɛ wɛ́ mbi Pilɑ́tu. Lɑ́, mbɔ ɑ kɑ ŋɑk ntsɑŋ Yɛ́su ɛ̂wɑ́ tɛ ńzɑ́p ŋɡɔ pɛ́ nɑ́ wɛ́.


ŋ́ɡɑ́ wɛ́ mbɔ̌ pʉɔ pɔ́p kɑ́ pɔ́ pɑyúdɑ pɔ́, pɔ́p zɔɔtɛ wɛ́, ńdɔk ŋɡwɑɑ ńtswɑ́ɑ wɛ́, ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. A pɛn ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»


Mɔ sɛ́ ńcú yɔ nu mbɔ̌ wú, ńtʉ́ʉ mbi Sɛ́ ẅí ɑ ɡɛnɛ yúu tsʉʉ pɔ́ ɡú, mbɑ mbi Yɛ́su Kɛlístɔ ẅí ɑ kɑ tʉ́ʉnɛ mbi Pɔ́ŋtí Pilɑ́tɔ ńcú nu nɛ́nẅín yi ɑ jínɛ:


Ɛ́ pɔ́ ŋkɑ́ yîyɑ́, pɛcɔ́ pʉɔ tɔ́ ḿbɔ́ ḿbɛ́ɛtɛ mɛnu mi ɛ́ kɑ lɛɛnɛ sẅíi Yɛ́su, ɛ́sẅíi wɛ́ pɑ́Ꞌ Pilɑ́tɔ kɑ ɡɛnɛ pɛ́ jẅítɛ pʉɔ-Ŋɡɑlíliyɑ, ŋkɑ́ yi pɔ́p kɑ pɔ́ ŋ́ɡɑ́ yúu pɔꞋ mbɔ̌ Sɛ́.


Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.


N jʉ́ɔ ŋɡʉ̈ɔ́Ꞌ tɛ pɛ́ níꞋ wɑ́ɑ ndɑ́tsɑ́ŋ pɑ́Ꞌ ŋkɑ́ yi mɔ ŋu kɛpɔŋ lɑ́ pɑ́Ꞌɑ mbíꞋ pɔ Ŋkʉʉ Sʉ́Ꞌnɛ ɛ̂wɑ́. Lɑ́ pɛ́ kɑ́ níꞋ sẅiŋɛ-sɛ́ ndɑ́tsɑ́ŋ pɔ́.


Yɔ yúu mi ɛ́ lɑ́Ꞌnɛ ŋ́ɡɛ lɑ́ n tsɑ́ɑ nɛjʉ́ɔ wʉ́ʉ pɛkŋɛ sẅiŋɛ. Pʉʉ jí yʉ́ʉ yúu mi pɑíslɑyɛ̂l lɔ ńjúk ḿbyɛ́p. Mɛcɛ̂n mɔnɛ pɛn ḿbɔ́ nǔu mbɔ́ mɑ́ɑ pɑ́Ꞌɑ ntɛ́ pɔ yúu mi pɛkŋɛ pyɛ́pnɛ.»


ḿbɔ́ ŋ́ɡɛ pɔ pɔ́Ꞌɔ, tɛ ɛ́ ɡɔ́ ḿbɔ́ ŋɡuꞋ yɛ́pɑ́, pɛ́ lɔk ŋɡɔ́mnɑɑ Pɔlsíyus Fɛstus ŋ́kúp Fɛlɛshi. Pɑ́Ꞌ Fɛlɛshi kɑ pɔ́ ŋ́kɔŋ nɛɡɛ yúu mi ɛ́ ɡʉ ḿbɔŋ pɑyúdɑ lɑ́, ɑ nɑ́ Pɔ̂l pɔ ndɑ́tsɑ́ŋ.


Pʉɔ pi pɔ́p lɑ́Ꞌnɛ ńtʉ́ʉ nɛtswɑ́ɑ Pɔ̂l, nɛlɔk ŋ́ɡɛ ɑ cú nu, fú nɛjɔ́ŋ wɛ́ ŋ́kʉɔ. Tɑ́tndɑ́-pɛtɑ́tndɑ́-ntsɔ jí ŋɡɔ ɑ lɑ́Ꞌ ɛ́fɑɑnɛ nɛɡɛ pɛ́ kút mɔ́ɔ-lɑ́Ꞌ-Lɔ́mɑ nɛ́ mɛcɛ̂n, tʉ́ʉ ńtsʉ́Ꞌ ḿbɔ́k pɔ́knɛ.


Ńdɔk wɛ́ ŋ́ɡʉ pɔ́Ꞌɔ, pɛ́ zɛ nɛkút Pɔ̂l pɑ́Ꞌ pɛ́ ɡʉ ńtswɑ́ɑ wɛ́. A cú mbɔ̌ tɑ́tndɑ́-ntsɔ ẅi ɑ zúꞋu ŋɡɔ: «Pɛ́ ɡʉ ńdíŋɛ líŋɛ́nɛ pʉʉ tswɑ́ɑ mɔ́ɔ-lɑ́Ꞌ-Pɑlɔ́mɑ kɛ́ pɔ́ yi pɛ́ zɛɛ sǐi ŋ́ŋɑk wɛ́ pɔ́ ɔɔ? Wɔ̌ cúnɛ pɔ́Ꞌɔ?»


A tɔ́ ńcú pɛ́ ɡẅɛɛ Pɔ̂l ńdɔk mɛcɛ̂n mɛmbɑ́ ŋ́kút wɛ́, ḿbɛn ḿbíkŋɛ ŋɡɔ: «Ŋu wɔ wɔ̌? A ɡɛ ŋɡɔ́ku?»


Njí ḿbɔ́ ŋ́ɡʉ ŋ́kiɛ, fɔɔ Ɛlɔ̂dɛ tík Pyɛ̂ mbi lɑ́Ꞌ, pɛ́ ŋɑk wɛ́. Pyɛ̂ pɔ́ nɛtúꞋ, ńnɔɔ tsɛtsɛt pɑlʉ̈ɔ́Ꞌntsɔ pɛ́pɑ́, ḿbɔ́ ńdɛ́. Mbɔ pɛ́ lɔk mɛcɛ̂n mɛmbɑ́ ŋ́kút mbɔ́ mɛ́. Pɑpyɛ́p zʉꞋ pɔ́ ntsundɑ́, nɛpyɛ́p wɛ́.


ḿbíkŋɛ wɛ́ ŋɡɔ ɑ ŋwɑꞋnɛ mɛŋwɑꞋnɛ ŋ́ɡɑ́ mbɔ̌ wɛ́. A lɔk ŋ́ɡʉ Ndɑmɑs, ŋ́ɡɑ́ mbɔ̌ pɑtʉ́ʉmbi nǔu mɛndɑ́-cúꞋlɛ-pɑyúdɑ mi ɛ́ zúꞋu. A píkŋɛ pɔ́Ꞌɔ, nɛlɔk ŋ́ɡẅɛɛ pɑ́Ꞌ ɑ lɑɑ ńtɔ́ zúꞋu, ńjʉ́ɔ pʉɔ pi pɔ́p nǔu sɛ̂ndúŋ-Yɛ́su ɛ̂wɑ́, kɛ ɛ́ pɔ́ pɔ mbɛ́ɛnɛ ɔɔ, kɛ pɑŋɡɛ́ ɔɔ, ɑ kuꞋ nɛɡẅɛɛtɛ wɔ́p, ŋ́kút wɔ́p, ńdɔk ḿbɛn nɛ́ Yɛlúsɑlɛm.


Ɛ́ kwɑꞋ nu. Ɛlɔ̂dɛ pɔ́p Pɔ́ŋntí Pilɑ́tu cúꞋlɛ tsɛt tʉ́sɔŋ yɔ pɔ́p pɑtúu tɛ mbɑ mɛcɔ́ mɛtsɛ́nndɑ́-Íslɑyɛ̂l, ńcúꞋlɛ pɔ́Ꞌɔ, nɛlʉ̈ɔ́Ꞌ Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ, ńzɔ́Ꞌ wɛ́.


Áɑnɑ cú, tɛ Yɛ́su pɛ́t pɔ mɛŋkʉ, pɛ́ lɔk wɛ́ ŋ́ɡʉ ŋ́ɡɑ́ mbɔ̌ Kɑyífɑ, nɔŋpɔꞋ wɛ ɡwɛ́.


Nɔɔ-pɑlʉ̈ɔ́Ꞌntsɔ, pɔ́p pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ, pí pɛkɛ́m-Pɑyúdɑ lɑ́Ꞌnɛ ńtúu, ɡɔ́ɔ ŋ́kɛ́ ŋ́ɡẅɛɛ Yɛ́su, ŋ́kút wɛ́.


Ŋ́ɡɔ́ɔ ńzɛ nɛpɔ́ ḿbɑ́tɛ wɛ́, ńtúu pɛ mɑ́nɑ́ŋ nzʉʉ yɛ, lɑ́ pɔ́p pɔ́ yɔ́p nzʉʉ yɛ pɔ pɑꞋ pʉɔ sʉ́Ꞌnɛ, lɑ́ ḿbɔ́ ńzẅíꞋlɛ pɑꞋ ɑ ɡɛ ɛ́fɑɑnɛ ntsu wɛ́, lɑ pɛ́ lɔk ŋ́ɡẅɛɛ wɛ́ ŋ́ɡɑ́ mbɔ̌ ŋɡɔ́mnɑɑ-Pɑlɔ́mɑ.


Jɑ̂ŋ mɔ́ɔ Sɑkɑlíyɑ lɑ́Ꞌ ńtswɛ́ kɔ̂ŋtɛt tɛ Sɛ́ túu wɛ́ ŋɡɔ ɑ ɡʉ ɛ́sẅíi nu yɛ́. Ɛ́ pɔ́ ŋɡuꞋ ɛ̂yɑ́, mbɔ Kɑ́sɑ Tíbɛɛ ẅi ɑ m̄bɔ́nɛ ɛ́sɑ́Ꞌ ŋɡɔŋ nɛ́ ŋɡɔŋ, mbɔ ɑ nɑ́ŋ nǔu kɔꞋ ŋɡuꞋ ntsɔ̌pɛ́tɑɑ nɛ́ nɛɡɛ́m. Pɔ́ŋnti Pilɑ́tɔ pɔ́ ŋɡɔ́mnɑɑ ŋɡɔ́ŋ-Jẅidɛ̂, Ɛlɔ̂dɛ pɔ́ sɑ́Ꞌ ŋɡɔ́ŋ-Ŋɡɑlilɛ́, mɔ́ɔmɑ́ wɛ Filîp pɔ́ sɑ́Ꞌ Itẅílíyɑ pɔ́p Tɛ́lɑkɔnît, Lisɑníyɑs pɔ́nɛ ɛ́sɑ́Ꞌ Abilɛ̂n. Ánɑ pɔ́p Kɑyífɑ pɔ́ pɛtɑ́tndɑ́-pɑnɔ́ŋpɔꞋ.


Ŋɡɔ́mnɑɑ lɑɑ ŋ́kɛ́ ńzúꞋ, mbɔ pɛk ɡʉ ńjí nu yí pɛk ɡʉ ɛ́sẅíi wɛ́, ḿbɔ́k wʉ́ʉ nɛjʉ́ɔ ŋɡʉ̈ɔ́Ꞌ.»


Gɑŋ-cúꞋlɛ cú pɔ́Ꞌɔ, ńdɔ sɛ́ pɛtsʉʉ, ńdɔk Yɛ́su ŋ́ɡʉ nɛ́ mbi-Pilɑ́tu.


Ɛ́ kɑ ɡɔ́ ḿbɔ́ Pilɑ́tu pɔ́p Ɛlɔ̂dɛ pɔ́ nɛ́ mbuu, tɛ ɛ́fú lɛ́Ꞌ ɛ̂yɑ́ pɔ́p tsʉ́Ꞌ pɛsúu.


Pɛ́ fú ntɔ́Ꞌ-Kɑyífɑ, ńdɔk Yɛ́su ŋ́ɡʉ nɛ́ njɛ́Ꞌ-ŋɡɔ́mnɑɑ-Pʉɔ-Lɔ́mɑ. Ɛ́ pɔ́ mbɑꞋmbɑꞋɑ́. Pɛkɛ́m pí pɔ́p lɔknɛ Yɛ́su ńtɔ́ kɛ́ mbɔɔ yɔ́p ndɑ́ ŋɡɔ́mnɑɑ kúu, ḿbɔ́k nɛtíi lɔ́Ꞌ, ɛ́ tɔꞋ wɔ́p nɛjʉ́ ndínɑ-Pɑ́skɑ.


跟着我们:

广告


广告