19 Pilɑtɔ kɑ pɔ́ ŋ́ŋɑk nu-Yɛ́su, nzwɛ́ wɛ túu ŋu ŋɡɔ ɑ ɡʉ, ńcú mbɔ̌ wɛ́ ŋɡɔ ɑ lɑk tú yɛ́ nǔu ntsɑŋ-ŋu wɑ́, ŋɡɔ ɑ pɑ́Ꞌɑ ḿbɔ́ mbúꞋ, ŋɡɔ ŋɡɑŋ sẅíi wɛ́ ŋɡɔ ɑ lɑ́Ꞌ ńdɛ́ lɑ́Ꞌ, ńdɛ́ njʉɔ nǔu wɛ́ ɛ́ ɡɑ́ɑnɛ wɛ́ tɛꞋ.
Pilɑtɔ jʉ́ɔ ŋɡɔ yɛcɔ́ nɛɡɛ kɑ́ pɔ́ ɡú pɔ́, ḿbɔ́ ńjʉ́ɔ ŋɡɔ mbɔ ɛ́ shɔtnɛ pʉɔ tɑ́k zʉꞋ, ŋ́ɡɔ́ɔ ŋ́kɛ́ ńtíi ŋki, ɛ́suk mbɔ́ mɛ́ mbi-lɑ́Ꞌ, ńcú ŋɡɔ: «Ŋ kɑ́ ɡẅɛɛ nu nǔu nu-ŋu wɑ́ pɔ́, ɛ́ sɛ́ ńdíŋɛ pɔ wʉ́ʉ.»
Jʉ́ Kɛlístɔ ŋ́kɑɑ kɛ́ ŋ́ɡɛ yɛcɔ́ nu kɛpɔŋ pɔ́, ŋ́kɛ́ mbɔɔ sẅíi cɔtnu pɔ́.
Pilɑ́tɔ zúꞋ pɔ́Ꞌɔ, ńdɔk Yɛ́su ɛ́fú ntɔ́Ꞌ ńcẅɛt, ńnɑ́ŋ ndǔ kɔꞋ-nzɑ́Ꞌntsɑŋ, zʉꞋ yí pɛ́ kɑ lɔknɛ mɛŋɡɔꞋ ńnɔŋ, pɛ́ fúŋ nǔu sẅiŋɛ-pʉɔ-Hɛbɛlʉ́ʉ ŋɡɔ Ŋɡɑbɑ́tɑ.
Tɑ́tndɑ́-pɑlʉ̈ɔ́Ꞌntsɔ-Pɑlɔ́mɑ zúꞋu kɑ jʉ́ɔ mbɑ kʉ̈ɔ́ lɑ́ yi ɛ́ lɛɛnɛ, tɛ yi mbʉ̈ɔt pɔ́ nɛcú ŋɡɔ: «Ŋu wɔ ŋ́kɑɑ fɑɑnɛ.» Sẅiŋɛ yɛ́ ɛ̂yɑ́ ɡɑ́ mɛkuꞋ mbɔ̌ Sɛ́.
Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.
ńcú mbɔ̌ pɔ́p ŋɡɔ: «Ŋ kɑ ɡɛ nu kɛpɔŋ pɑ́Ꞌ ŋ kɑ ɡɑ́nɛ mbúꞋ ŋɡɔ pɛ́ jẅí wɛ́.» Pɔ́p zúꞋ ḿbʉ̈ɔt ŋɡɔ: «Pɛk kɑ́ ɡẅɛɛ nu nǔu pɔ́, ɛ́ zúꞋ nɛ́ ɡu.»
ɑ zúꞋ ŋɡɔ Alkɛlɑẅís tsʉ́Ꞌnɛ ɛ́sɑ́Ꞌ pɑk-ŋɡɔŋ-Judɛ̂, tɛ ɛ́fú pɑ́Ꞌ tɑ́t wɛ Ɛlɔ̂dɛ kɑ pfúnɛ, ḿbɔ́ ńcʉ̈ɔꞋ nɛɡʉ Judɛ̂, ŋ́ɡɛ ńdɛ́ njʉɔ, Tsɑpʉɔ ɡɑ́ wɛ́ nɛ́ ntík. A tsʉ́Ꞌ ŋ́ɡʉ pɔ nɛ́ tsɛt pɑk-ŋɡɔŋ-Ŋɡɑlilɛɛ,
Ɛlɔ̂dɛ kɑ pɔ́ tɛ ḿpfú, Yɔsɛ̂p lɛ́ njʉɔ Ɛɡíptɔ, ńjʉ́ɔ wɛcɔ́ Cʉ̈ɔꞋ-Sɛ́ tɔ́,
ḿbɛ́t ŋ́kwɑŋɛ kwɑŋɛ́nɛ, ńdɛ́ njʉɔ ńjʉ́ɔ Cʉ̈ɔꞋ-Sɛ́ fúŋ wɛ́, ńcú mbɔ̌ wɛ́ ŋɡɔ: «Yɔsɛ̂p, ɡu ẅí ɔ nǔu njẅɛt-fɔɔ Ndɑvît, cẅɛ́ɛ nzwɛ́ wu Mɑlíyɑ ńníꞋ ndɑ́ kɛ́ pɔ́k, mbíꞋŋɡɔ ɑ shǔutɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ ɡɛnɛ.
Pûu pfú mɛnu mûu. Lɑ́ ŋ́ɡʉ nǔu wɛ́, mbɔ ɑ kɑ́ fɑɑnɛ yɛcɔ́ pɔ́.»
Pilɑtɔ kɑ pɔ́ ńcú pɔ́Ꞌɔ, mbíꞋŋɡɔ ɑ ńtsuŋ ḿbɔ́ ńjí ŋɡɔ pɛ́ kɔ́Ꞌ pɔ lɔ́ŋ nǔu Yɛ́su lɑ ɛ́fɛn wɛ́.
Pɛ́ tɑ́ŋ lɛ́Ꞌ, fɔɔ Ɛlɔ̂dɛ mɑꞋ ndẅí nɛfɔɔ nɛ́, ńtɔ́ ńnɑ́ŋ ndǔ kɔꞋ-nɛfɔɔ nɛ́, ḿbɔ́ ńcú nu mbɔ̌ pɔ́p,
Ɛ́ ɡɔ́ ḿbɔ́ yɛcɔ́ ŋkɑ́, Ŋɡɑlíyɔn tsʉ́Ꞌnɛ ŋɡɔ́mnɑɑ nǔu pɑk-ŋɡɔŋ-Pɑlɔ́mɑ yi pɛ́ fúŋnɛ ŋɡɔ Akɑ̂y. Pɑyúdɑ nɑ́ŋ tɛ ńdɔ sɛ́ nzʉʉ Pɔ̂l, ŋ́ɡẅɛɛ wɛ́ ńdɔk ŋ́ɡʉ zʉꞋ yi pɛ́ ŋɑknɛ ntsɑŋ zúꞋu, ɛ́fɛn wɛ́,
Ŋɡɑlíyɔn cú pɔ́Ꞌɔ, ɛ́fú zʉꞋ yi pɛ́ ŋɑknɛ ntsɑŋ zúꞋu, ńzuŋ wɔ́p.
Nu tsɑ wɔ́p pɔ́p pɛ́tsʉʉ tsʉ́Ꞌ ŋ́ɡẅɛɛ Sɔstɛ̂n ẅi ɑ ndʉ́m tsɛt ndɑ́-cúꞋlɛ pɔ́p, ńzɛ pɔ zʉꞋ yi pɛ́ ŋɑknɛ ntsɑŋ zúꞋu nɛtswɑ́ɑ wɛ́. Ŋɡɑlíyɔn pɔɔ tsɔ́p.
Fɛstus ɡɛ pɔ́Ꞌɔ, ńnɑ́ŋ tsɛtsɛt pɔ́p Yɛlúsɑlɛm yúu lɛ́Ꞌ pɛ́nɛ́fɔ́m kɛ lɛ́Ꞌ nɛɡɛ́m yɛcɔ́ ɔɔ ndɑꞋ, ŋ́ɡɔ́ɔ ŋ́kɛ́ ḿbɛn nzʉʉ nɛ́ Sɛ́zɑlɛ̂. Njí ɡɛ ŋ́kiɛ, ɑ nɑ́ŋ sɛ́ nɛŋɑk ntsɑŋ, ńcú ŋɡɔ pɛ́ ɡɛ Pɔ̂l tɔ́.
Pɔ̂l tsɔ́Ꞌ mbɔ̌ wɛ́ ŋɡɔ: «N tʉ́ʉ pɑ́Ꞌɑ zʉꞋ-ntsɑŋ-Kɑ́sɑ. Pɛ́ ɡʉ ŋ́ŋɑk yɑɑ ntsɑŋ pɔ zɑꞋnɛ. Mɔ ŋkɑɑ yɛcɔ́ nu mbɔ̌ pɑyúdɑ fɑɑnɛ. Ɔ tsuŋ ḿbɔ́ ńjí.
Ŋ kɑ cú pɔ́Ꞌɔ, pɛk pɑyúdɑ ɛ̂pɑ́ ńtɛmtɛ ńtɔ́ nɛ́ zɑꞋnɛ. Njí kiɛ, ŋ ɡɔ́ɔ ɛ́fúŋ ntsɑŋ kɛ́ lɑ́ɑtɛ, ńcú pɛ́ lɔk ŋu ɛ̂wɑ́ ńtɔ́ mbi mɔ.
