Mɑtʉ̈ɔ 26:61 - Kɑɑ Fí

⁶¹ «Ŋu wɑ́ lɑ́ kɑ cú ŋɡɔ: A kuꞋ nɛkɛm ndɑ́-nɔŋpɔꞋ, ńdɔk lɛ́Ꞌ pɛtɑ́t ŋ́kút.»

Mɑtʉ̈ɔ 26:61 交叉引用

Mɑtʉ̈ɔ 27:40

ńcú ŋɡɔ: «Ɔ kɑ pɔ́ ńdɔɔ nɛkɛm ndɑ́-nɔŋpɔꞋ, ńdɔk lɛ́Ꞌlɑ́Ꞌ pɛtɑ́t ŋ́kút. KwɑꞋ ɡu zɛɛ ńcẅɛ́ɛ tú yú, pɑ́Ꞌ ɔ lɑɑ ḿbɔ́ mɔ́ɔ-Sɛ́, ɛ́fú nǔu tʉ́ mbɑ́ŋtɛ pɑ́ŋtɛ́nɛ ḿpfúu.»

Mɑ́lɛ́kúshi 15:29

Pɑlɛɛ sɛ̂ndúŋ kɑ pɔ́ ńnẅɛtnɛ wɛ́ ɡúu, ḿmɑꞋ lʉ́m ḿbɔ́ ńcú ŋɡɔ: «Gu ẅí ɔ ŋ́kɛm zʉꞋ-nɔŋpɔꞋ ńdɔk lɛ́Ꞌ lɑ́Ꞌ pɛ́tɑ́t ŋ́kút,

ŊwɑꞋnɛ-Gɑŋntúu Yɛ́su Kɛlístɔ 22:22

Pɑyúdɑ pi pɔ́p kɑ zẅíꞋlɛnɛ nu yi Pɔ̂l sɛ́ ńcú, tɛ ńzúꞋ ɑ cú pɑ́Ꞌ ɑ cúnɛ lɑɑ, kɑ ɡɔ́ɔ ŋ́kɑꞋ ŋɡi yɔ́p, ŋ́ɡɑ́ tʉ́ ńcú ŋɡɔ: «Pɛ́ ɡwɛ́tnɛ ŋu wɑ́. A kɑ́ ɡẅɛɛ nɛpɔ́ ɡú pɔ́,

ŊwɑꞋnɛ-Gɑŋntúu Yɛ́su Kɛlístɔ 18:13

ńcú ŋɡɔ: «Ŋu wɔ sɛ́ ńníꞋ mɛtʉʉ pʉɔ ŋɡɔ pɔ́p ɡúꞋlɛ Sɛ́ nǔu ntɛ́ yi nɛpʉ́ʉ nɛkŋɛ kɑ́ pɔ́ ŋ́kɔŋ pɔ́.»

ŊwɑꞋnɛ-Gɑŋntúu Yɛ́su Kɛlístɔ 17:18

Pɔ́p pɛcɔ́ pɑkwɑŋɛ nu, kɑ pɛn ḿbɔ́ ɛ́sẅíŋɛ, pɔ́p pɔ́ pʉɔ pi pɔ́p tsɛtsɛt pʉɔ-Ɛ́pikẅíl mbɑ pinɛ pɔ́p tsɛtsɛt pʉɔ-Sɛtɔyisíyɛ̂ŋ. Ɛ́ kɑ pɔ́ pɔ́Ꞌɔ, Pɔ̂l pɔ́ ńcú nu-Yɛ́su mbɔ̌ pɔ́p, mbɑ nu nǔu nɛzẅíimɛ nǔu nɛvú. Pɛcɔ́ zúꞋ pɔ́Ꞌɔ, ḿbíkŋɛ ŋɡɔ: «Wɑ́ ŋɡɑŋ-nɛsẅii cú ŋɡɔ kʉ̈ɔ́ lɑ́?» Pɛcɔ́ pɔ́ ŋɡɔ ɛ́ fí pɔ pɑ́Ꞌ ɑ sẅíi wɛkŋɛ nɛ́ nu nǔu mɛcɔ́ mɛsɛ́ mɛndɛꞋ.

Jɑ̂ŋ 9:29

Pɛk sɛ́ ńjí ŋɡɔ Sɛ́ kɑ cú nu mbɔ̌ Mɔ̌sɛ̂ɛ, lɑ́ ŋ́ɡʉ nǔu wɑ́ ŋu, mbɔ pɛk kɑ́ pɔ́ ńjí nɛfú nɛ́ pɔ́.

Lúkɑ́shi 23:2

Ńzɛ nɛfɛn wɛ́ ŋɡɔ: «Pɛk jʉ́ɔ ŋu wɔ pɔ́ ńjúk ŋ́kɑ́t tsɛt ŋɡɔŋ wɛk ḿbʉ́ʉpɛ tú-lɑ́Ꞌ, ńtɔꞋ wɔ́p nɛmɑꞋ ntsup-ntʉ̈ɔꞋ, ŋ́ɡɑ́ mbɔ̌ kɑ́sɑ-Pɑlɔ́mɑ. A pɛn ḿbɔ́ ńcú ŋɡɔ ɑ Nzɑ́Ꞌŋkʉ ẅí Sɛ́ kɑ kɑꞋnɛ mbɔ̌ pɛk, ńdɔk ńcú ŋɡɔ ɑ fɔɔ.»

Mɑtʉ̈ɔ 26:71

Ŋ́ɡɔ́ɔ ŋ́kɛ́ ŋ́ɡʉ ńnɑ́ŋ nɛ́ ntsuŋkɑ́Ꞌ. Wɛcɔ́ ŋɡɑŋfɑꞋ wɛ mɑŋɡɛ́ jʉ́ɔ wɛ́, ńcú mbɔ̌ pʉɔ pínɛ pɔ́p ḿbɔ́nɛ zúꞋu ŋɡɔ: «Ŋu wɔ pɔ́p Yɛ́su ŋu-Nɑ̌ɑzɑlɛt kɑ pɔ́nɛ.»

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 26:62

NɔŋpɔꞋ wɛ ɡwɛ́ ɡɔ́ɔ ŋ́kɛ́ ńdɔ sɛ́ ḿbíkŋɛ Yɛ́su ŋɡɔ: «Ɔ nɑꞋ nɑꞋnɛ ɛɛ? Ɔ kɑ́ pɔ́ ńzúꞋ mɛnu mí pɛ́ cúnɛ nǔu ɡu lɑ́ pɔ́ kɛ?»

Mɑtʉ̈ɔ 27:5

Pɔ́Ꞌɔ lɑ́, Jẅidɑ mɑꞋ ŋkɑ́p zʉꞋ-nɔŋpɔꞋ, ɛ́fú zúꞋu ŋ́ɡʉ, ŋ́ɡɔ́ɔ ŋ́kɛ́ ŋ́ɡʉ ńcʉŋɛ.

Mɑ́lɛ́kúshi 14:58

A ɡʉ ńdɑ́Ꞌ ŋ́kɛm zʉꞋ-nɔŋpɔꞋ yí pʉɔmɛsɔŋ kɑ lɔknɛ mbɔ́ mɔ́p ŋ́kút, ńdɔk lɛ́Ꞌ pɛtɑ́t ŋ́kút wɛ ndɛꞋ, tɛ ɛ́ pɔɔ pɛn ḿbɔ́ yi pʉɔmɛsɔŋ lɔknɛ mbɔ́ mɔ́p ŋ́kút pɔ́.»