Biblia Todo Logo
在线圣经

- 广告 -




Mɑtʉ̈ɔ 26:53 - Kɑɑ Fí

53 Ɔ kɑ́ pɔ́ ńjí ŋɡɔ ɛ́ lɑ́Ꞌ ḿbɔ́ pɛ́Ꞌnɛ ḿbɔ́ nu-ntsɔ, mbɔ n dɑ́Ꞌ ɛ́fúŋ Tɑ̌ɑ mɔ ɑ ɡɔ́ɔ ńtúu pɛcʉ̈ɔ́Ꞌ pɛ́, tɛ pɔ́p lɛɛ ntsɑ́Ꞌ nɛ ntsɑ́Ꞌ.

参见章节 复制




Mɑtʉ̈ɔ 26:53
12 交叉引用  

Sɑ́ttɑ ɡɔ́ɔ ŋ́kɛ́ ńnɑ́ Yɛ́su. Pɛcʉ̈ɔ́Ꞌ-Sɛ́ tɔ́, ḿbɔ́ ńniitɛ yúu ńdɔk ńdíŋɛ wɛ́.


Yɛ́su píkŋɛ ŋu ɛ̂wɑ́ ŋɡɔ: «Lík yú wɔ̌?» A cú ŋɡɔ: «Pʉɔ tɛ ńzɑ́ɑ.» A ḿbɔ́ ńcú pɔ́Ꞌɔ, mbíꞋŋɡɔ mɛzẅikŋɛ kɛpɔŋ ɛ̂mɑ́ ḿbɔ́ nǔu wɛ́ tɛ ńzɑ́ɑ zɑ́ɑnɛ.


Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»


ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.


Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.


Yɛ́su píkŋɛ ŋu ɛ̂wɑ́ ŋɡɔ: «Lík yú ŋɡɔ wɔ̌?» A pʉ̈ɔt mbɔ̌ wɛ́ ŋɡɔ: «Lík yɑ́ɑ ŋɡɔ mɛnu, mbíꞌŋɡɔ pɛk mɛzẅikŋɛ kɛpɔŋ ńzɑ́ɑ zɑ́ɑnɛ,»


ŋ́ɡʉ tɛ ŋ́kúu nɛjɔ́ŋ Yɛ́su, ńjʉ́ɔ ŋu ẅí mɛzẅikŋɛ kɛpɔŋ kɑ pɔ́ nǔu wɛ́ tɛ ńzɑ́ɑ zɑ́ɑnɛ lɑ́, ɑ nɑ́ŋ ḿmɑꞋ mɛndẅí, mbɔ jínu yɛ́ pɛn, pɔ́p pɔ́k tɛꞋ.


Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.


Yɛ́su tsɔ́Ꞌ ŋɡɔ: «Nɑ́ɑ nɛfɔɔ kɑ́ pɔ́ nɛ́ yɔ mbí pɔ́. Nɛfɔɔ nɑ́ɑ pɛ́Ꞌnɛ ḿbɔ́ nɛ́ yɔ mbí, mbɔ pʉɔ pɑ́ɑ lɑ́Ꞌ mbɔɔ nɑ́ nzʉʉ yɑɑ, tɛ pɛ́ níꞋ wɑ́ɑ mbɔ̌ pɛkɛ́m-Pɑyúdɑ pɔ́. Lɑ́, n zɛɛ ńcú ŋɡɔ nɑ́ɑ nɛfɔɔ kɑ́ pɔ́ nɛ́ ndǔmbí yɔ pɔ́.»


跟着我们:

广告


广告