Mɑtʉ̈ɔ 26:52 - Kɑɑ Fí

⁵² Yɛ́su cú mbɔ̌ wɛ́ ŋɡɔ: NíꞋ níi yu tsɛt mbɑ́ɑ, ŋu ẅí ɑ sɔŋnɛ níi ɡʉ ńdɑ́Ꞌ ḿpfú pɔ níi.

Mɑtʉ̈ɔ 26:52 交叉引用

Mɛnu ɛ́ ńdɑ́Ꞌ ńcẅɛt 13:10

Ŋu lɑɑ ḿbɔ́ ẅí pɛ́ kɑ zɑ́pnɛ ŋɡɔ ɑ ɡʉ ńdɑ́Ꞌ ḿbɔ́ puꞋ-ntsɔ, mbɔ ɑ ɡʉ ńdɑ́Ꞌ ḿbɔ́ pɔ wɛ́tɛ́. Ŋu ẅí pɛ́ kɑ zɑ́pnɛ ŋɡɔ pɛ́ ɡʉ ńdɑ́Ꞌ ńdɔk níi-ntsɔ ńjẅí wɛ́, mbɔ pɛ́ ɡʉ ńdɑ́Ꞌ ńdɔk pɔ yɛ́tɛ́ ńjẅí wɛ́. Yɔ nu lɔk ńcú ŋɡɔ pʉɔ pi pɔ́p pɛ́ Sɛ́ ɡẅɛɛ sʉk, ŋ́kɛ́ ḿbɔ́ ńzɑ́p pɔ tʉ́m nǔu Sɛ́.

Pʉɔ-Lɔ́mɑ 12:19

Pʉʉ pɛsúu pɑ́ɑ, kɔɔ ŋu wʉ́ʉ shɔtnɛ ńtsɔ́Ꞌ nu kɛpɔŋ yi pɛ́ ɡɛnɛ nǔu wɛ́, ŋ́ɡɑ́ yɛcɔ́. A nɑ́ Sɛ́ lɑ́Ꞌnɛ ḿbʉ̈ɔt, mbíꞋŋɡɔ ɛ́ tsɛt ŋwɑꞋnɛ-Sɛ́, jʉ́ Tsɑpʉɔ cú ŋɡɔ: «Mɔ ɡẅɛɛnɛ nɛtsɔ́Ꞌ nu kɛpɔŋ ŋ́ɡɑ́ yɛcɔ́, mɔ ɡẅɛɛnɛ nɛtsɔ́Ꞌ fɑꞋ mbɑ wɔ̌ lɑ́».

1 Pyɛ̂ 3:9

Kɔɔ pʉʉ lɔk nu kɛpɔŋ ḿbɑꞋ nu kɛpɔŋ. Kɔɔ pɛ́ zɔɔtɛ wʉ́ʉ pʉʉ pɑ́Ꞌ. Tɛ tsʉꞋ pɔ́Ꞌɔ, pʉʉ cú ŋɡɔ Sɛ́ pɔ́ nɛ́ ŋɡɑŋ, Sɛ́ kɑ tsɔ́Ꞌ wʉ́ʉ pɔ pɑ́Ꞌ ɑ ɡʉ ḿbɔ́ nɛ́ pʉʉ.

Mɛnu ɛ́ ńdɑ́Ꞌ ńcẅɛt 16:6

MbíꞋŋɡɔ pɔ́p kɑ tswɛt mɛci-pʉɔ pú, mbɑ mɛ́ pɑcẅiŋkʉʉ pú. Gu ŋ́ɡɑ́nɛ mɛci pɔ́p ńnɔ́. Ɛ́ pɔ́ pɑ́Ꞌ ɛ́ kɑ pɔ́ ḿbíkŋɛ ŋɡɔ pɛ́ ɡɛ nǔu pɔ́p pɔ́Ꞌɔ.»

1 Tɛsɑlɔník 5:15

Pʉʉ pɑ́ɑ nɛlɔk nu kɛpɔŋ ḿbɑꞋ nu kɛpɔŋ. Pʉʉ ɡɛ pɔ nu sʉ́Ꞌnɛ tsɛtsɛt pʉʉ kɛ́ tɔŋ.

Mɑtʉ̈ɔ 5:39

Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.