Mɑtʉ̈ɔ 26:39 - Kɑɑ Fí

³⁹ ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»

Mɑtʉ̈ɔ 26:39 交叉引用

Jɑ̂ŋ 6:38

MbíꞋŋɡɔ mɔ ŋkɑɑ fú tʉ́nɛ́pú ńtɔ́ pɔ nɛɡɛ yɑ́ɑ yúu mi ŋ kɔŋnɛ pɔ́, ŋ kɑ tɔ́ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Filipɛ 2:8

A kɑ pɛ́m nɛkɔk mbʉʉ yɛ́ ŋ́ɡɑ́ sɛ́, ḿbɛn ḿbɛ́m nɛzúꞋ ntsu-Sɛ́, tɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ɑ pfú.

Mɑtʉ̈ɔ 26:42

Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

Jɑ̂ŋ 5:30

Ŋ kɛ́ zɑ́Ꞌ ntsɑŋ-ŋu kɛ́ píkŋɛ Sɛ́ pɔ́. Ɛ́ yɑɑ ntɛ́ nɛŋɑk, ɛ́ pɔ́ nɛ́nẅín, mbíꞋŋɡɔ ŋ kɑ́ pɔ́ ńdɔɔ pɔ nɛɡɛ yúu mi ŋ kɔŋnɛ pɔ́, ŋ ɡɛ yɑ́ɑ pɔ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ.

Jɑ̂ŋ 14:31

«Lɑ́ pɛ́ pɛ́m ŋɡɔ ɑ tɔ́ pɔ́Ꞌɔ, pʉɔmɛsɔŋ ndǔmbí jí ŋɡɔ ŋ kɔŋ Tɑ̌ɑ mɔ, mɔ sɛ́ ŋ́ɡɛ pɔ yúu mi ɑ cúnɛ ŋɡɔ ŋ ɡɛ. Pʉʉ lɔ sɛ́ pɛkŋɛ fú zɑꞋnɛ ŋ́ɡʉ.»

Jɑ̂ŋ 18:11

Lɑ́ Yɛ́su cú nɛ́ pyɛ̂ ŋɡɔ: «NíꞋ níi yu mbɑ́ɑ!» Ŋ kɛ́ nɔ́ ŋɡʉ̈ɔ́Ꞌ yí Tɑ̌ɑ mɔ ɡɑ́nɛ ŋɡɔ n nɔ́ pɔ́ ɔɔ?

Jɑ̂ŋ 11:41

Pɛ́ pɔ́ tɛ kẅɛ́Ꞌlɛ ŋɡɔꞋ, Yɛ́su pʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋ ɡɑ́ pɑꞋlɑ́ pɑ́Ꞌ n cɛꞋlɛ́nɛ wú, ɔ zúꞋ.»

Mɑtʉ̈ɔ 20:22

Yɛ́su tsɔ́Ꞌ ŋɡɔ: «Pʉʉ kɑ́ jí yúu mi pʉʉ lɔ́ɔnɛ pɔ́. Pʉʉ kuꞋ nɛnɔ́ ntúꞋ-ŋɡʉ̈ɔ́Ꞌ yi ŋ ɡʉ nɛnɔ́?» Pɔ́p pʉ̈ɔt ŋɡɔ: «Pɛk kuꞋ nɛnɔ́.»

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

ŊwɑꞋnɛ-Gɑŋntúu Yɛ́su Kɛlístɔ 10:25

Pyɛ̂ tɔ́ tɛ ḿbɔ́ ŋ́kúu ndɑ́, Kɔ̂lnɛ́ɛ tɔ́ ńzɑ́Ꞌ wɛ́, ńnɔɔ mɛku yɛ́, ŋ́ɡɛ mɛkuꞋ mɛ́.

Lúkɑ́shi 17:16

Ńtɔ́ ńnɔɔ kɛpkɛ́p mbi Yɛ́su, ŋ́ɡɑ́ pɑ́Ꞌlɑ́ mbɔ̌ wɛ́. Ŋɡɑŋ ḿbɔ́ ŋu-Sɑmɑlîi.

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Jɑ̂ŋ 5:19

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, mɔ́ɔ-Sɛ́ kɑ́ ɡɛ yɛcɔ́ yúu pɔ nɛ́ yɛ́ tú pɔ́, ɑ ɡɛ pɔ yúu mi ɑ sɛ́ ńjʉ́ɔ Tɑ́t wɛ ɡɛ. Kʉ̈ɔ́ lɑ́ yi Tɑ̌ɑ ɡɛnɛ, Mɔ́ɔ pɛn ŋ́ɡɛ pɔ yɛ́tɛ́.