37 ɛ́fɑk pyɛ̂ pɔ́p mbɔ́ŋkʉ̈ɔ́ Zɛbɛ́dɛ̂ pɛ́pɑ́, pɔ́p pɛpɔ́p ɡʉ, ɑ zɛ nɛzúꞋ kɛ́kɑ́ŋ tʉ́m yɛ́, nɛvú kwɛ́t wɛ́,
Pɛ́ nɑꞋ ńzɛɛ ńnɛn, Yɛ́su pɛn ńjʉ́ɔ pɛcɔ́ pɔ́ɔpɛ́mɑ́ pɛ́pɑ́ Jɑ̂k pɔ́p Jɑ̂ŋ, pɔ́p pɔ́ pɔ́ɔ-Zɛbɛ́dɛ́ɛ, pɔ́p pɛ́ tɑ̌ɑ wɔp pɔ́ tsɛt kɑnúꞋ ḿbɔ́ ńniitɛ mɛŋkʉ mɔ́p, ɑ fúŋ wɔ́p.
Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.
Yɛ́su pɔ́p Yɑyɛ́lɔ pɔ́ ŋ́ɡʉ, Yɛ́su pɔɔ pɛ́m ŋɡɔ wɛcɔ́ ŋu cʉ́ɔ nzʉʉ pɔ́p pɔ́, ndɑꞋ Pyɛ̂ ŋ́ɡɛ Jɑ̂k pɔ́p mɔ́ɔmɑ́ wɛ Jɑ̂ŋ.
Yɛ́su pɛn ŋɡɔ: «Mɔ pɑ́Ꞌnɛ, mbɔ lɛ́m yɑ́ɑ sɑ́ɑnɛ. Ŋ ɡʉ ŋ́kɛ́ ńcú ŋɡɔ ku? N cú ŋɡɔ Tɑ̌ɑ mɔ ɡɛ n duk yɔ ŋkɑ́ kíi? Mɔ ḿbɔ́ ńzɛɛ ńtɔ́ ntɛ́ pɔ yɔ ŋkɑ́.»
Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.
Mɑ́ pɛ́ Jɑ̂k pɔ́p Jɑ̂ŋ, pɔ́ɔ-Zɛbɛ́dɛ́ɛ, lɔk wɔ́p ńtɔ́ mbi Yɛ́su, ŋ́kẅíꞋlɛ sɛ́ nɛlɔ́ɔ yɛcɔ́ yúu mbɔ̌ wɛ́.
Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.
