14 Wɛcɔ́ tɑ́Ꞌ ŋu nǔu pʉɔ ntsɔ̌ppɑ́ nɛ́ nɛɡɛ́m, lík yɛ́ pɔ́ Jẅidɑ Iskɑlyɔt, ɡʉ ńjʉ́ɔ pɛtɑ́tndɑ́-pɑnɔŋpɔꞋ,
ŋ́ɡɛ Símɔ mɔ́ɔ-ŋɡɔŋ pɔ́p Jẅidɑ Iskɑlyɔt ẅí ɑ kɑ ɡɛnɛ ɛ́fɛn Yɛ́su.
«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»
Jẅidɑ cẅɛ́ɛ mbʉ̈ɔ́Ꞌ-yúujʉ́ pɔ́Ꞌɔ, ŋ́ɡɔ́ɔ ɛ́fú ndɑ́ ńcẅɛt. Mbɔ túꞋ lɑ́Ꞌ sʉ́ʉ.
Ntsuŋkẅɛ́Ꞌ ɡɛ ḿbɔ́, pɔ́p pɛ́ pɔ́p nɑ́ŋ sɛ́ nɛjʉ́ yúu. Ɛ́ ɡɔ́ ḿbɔ́, mbɔ Sɑ́ttɑ lɑ́Ꞌ mɔ ńníꞋ kwɑŋɛ nɛfɛn Yɛ́su tsɛt tʉ́m Júdɑs Iskɑlyɔt, mɔ́ɔ-Símɔ.
Jẅidɑ ẅí ɑ kɑ fɛnnɛ Yɛ́su zúꞋ pɑ́Ꞌ pɛ́ zɑ́Ꞌnɛ ntsɑŋ ŋɡɔ pɛ́ ɡʉ ńjẅí Yɛ́su, ŋ́ɡɔ́ɔ ŋ́kɛ́ ńzɛ nɛmʉk yúu mi ɑ kɑ ɡɛnɛ, ḿbɛ́ɛ ŋkɑ́p yi ɑ kɑ cẅɛ́ɛnɛ pɑk mɛɡɛ́mɛ́ntɑ́t nǔu yɔ nu lɑ́, ńdɔk ŋ́ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ,
Yɛ́su pɛ́t ńcú cúnɛ, Jẅidɑ, ẅí ɑ wɛcɔ́ tɑ́Ꞌ nǔu ɡɑŋku pɛ́ ntsɔ̌ppɑ́ nɛ́ nɛɡɛ́m tɔ́, lɑ́Ꞌ pɔ́ nzʉʉ yɛ́ tɛ ńzɑ́ɑ, ŋ́ɡẅɛɛ mɛníi-ntsɔ pɔ́p pɛsʉʉ, ḿbɔ́ pʉɔ pínɛ pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ túunɛ wɔ́p.
Ɛ́ kɑ ɡɔ́ ḿbɔ́ Jẅidɑ ẅí ɑ ɡʉ fɛn wɛ́ pɔ́ ńjí zʉꞋ ɛ̂yɑ́ kwɑꞋ sʉ́Ꞌnɛ, mbíꞋŋɡɔ Yɛ́su pɔ́p ɡɑŋku pɛ́ m̄bɔ́ ńnɑ́ŋ ńcúꞋlɛ zúꞋu.
Jẅidɑ, ŋɡɑŋmɛnɑŋ ɛ̂wɑ́, píkŋɛ yɛ́ Yɛ́su ŋɡɔ: «Cícɑ ɔ lɑ́Ꞌ wɑ́ɑ kɛkʉ̈ɔ́?» Yɛ́su pʉ̈ɔt mbɔ̌ wɛ́ ŋɡɔ: «Gu kɛ́ nɛ́ ńcú!»
Wɛcɔ́ Ŋɡɑŋku-Yɛ́su, Júdɑs Iskɑlyɔt ẅi ɑ kɑ pɔ́ ŋ́ɡʉ ŋ́ɡɛ ɛ́fɛn Yɛ́su cú ŋɡɔ:
Yɛ́su tsɔ́Ꞌ ŋɡɔ: «A ŋu ẅí ŋ ɡʉ ńcʉ̈ɔꞋ mbʉ̈ɔꞋ-yúu pɛjʉ́, ŋ́ɡɑ́ mbɔ̌ wɛ́.» Ńcú pɔ́Ꞌɔ, ḿbɛ́ɛ mbʉ̈ɔꞋ-yúu, ńcʉ̈ɔꞋ. Ŋ́ɡɑ́ mbɔ̌ Jẅidɑ Iskɑlyɔt, mɔ́ɔ-Símɔ.
A ńcẅɛ́ɛ ŋkɑ́p-sɔ́ɔ, ńdɔk ńzúu ŋkɑ́Ꞌ, ŋ́kúu zúꞋu, ḿvu sɛ́ mbi nɛ mbi. Tɛ nɛpɛm nɛ́ sɑ́Ꞌ. Mɛtɔ́ mɛ́ cẅɛt ɛ́sɑt zʉꞋ.
