6 TʉʉtúꞋ ɡɛ kuꞋ, pɛ́ zúꞋ ŋu lɔk ŋɡi tɛnnɛ ŋɡɔ: «Ŋu ẅí ɑ ɡʉ ńzɔ́Ꞌ pʉ́ɔ ɑ tɔ́nɛ lɑɑ, pʉʉ cẅɛt ŋ́ɡʉ ńzɑ́Ꞌ wɛ́.»
Lɛ́Ꞌ lɑ́Ꞌ-Tsɑpʉɔ ɡʉ ńdɑ́Ꞌ ńtɔ́ pɔ pɑ́Ꞌ tsɔ́ŋ tɔ́nɛ lɑ́. Ɛ́ pɔ́ lɛ́Ꞌ ɛ̂yɑ́, nɛfɑŋ ɡɔ́ ḿmɛ, zʉꞋ zɔtnɛ tɛ pɛ́ pɔ́k. Yúu mi ɛ́ nɛfɑŋ puu ɛ́shí, tsɛ́tsɑ́Ꞌ pɔ́p yúu mi ɛ́ ndǔ puu mɛ.
Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.
Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.
ńtúu pɛcʉ̈ɔ́Ꞌ pɛ́, ŋkɑ́ yi pɛ́ tɔ́ŋnɛ mɑ́mɑ́ ntɑŋ-nɛsɔŋ-shʉ́ɔ, ńdɔk ńcúꞋlɛ pʉɔ pɛ́ pi ɑ kɑ tsɔ́Ꞌnɛ ndǔ mbí mɛsɑ́k mɛ́nɛ́kwɑ, pɔ́p fú mɛshʉ́ mɛshʉ́ ńtɔ́.
Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»
Ɛ́ ɡʉ ńdɑ́Ꞌ lɛ́Ꞌ ɛ̂yɑ́, pɛ́ zúꞋ yúu mi ɛ́ pʉ́nɛ, tɑ́tndɑ́-pɛcʉ̈ɔ́Ꞌ-Sɛ́ ɡʉ ńdɑ́Ꞌ ŋ́ɡɑ́ ŋɡi yɛ́ tʉ́ ńcú nu, pɛ́ ɡʉ ńzúꞋ ŋɡi-ntɑŋ-Sɛ́, kwɑꞋ Tsɑpʉɔ fú tʉ́nɛ́pú ḿpfúu, pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu wɛ́ piitɛ ńzẅíimɛ nǔu nɛvú.
Ɛ́ pɔ́ pɔ́Ꞌɔ, mbɔ tɑ̌ɑfɑꞋ wɛ lɑɑ ḿvukŋɛ ḿvukŋɛ́nɛ ńtɔ́ nǔu ŋkɑ́ yi ɑ kɑ́ pɔ́ ńjí pɔ́. A ńtɔ́ ńjʉ́ɔ pɔ́Ꞌɔ, ńníꞋ tsɑ́ŋ tú yɛ́ tɛꞋ, ńzuŋ wɛ́, ɑ ɡʉ nɛ zʉꞋ yi pɛ́ zuŋnɛ pʉɔ kɛpɔŋ ŋ́ɡɑ́ zúꞋu.»
Lɑ́, Sɛ́ cú mbɔ̌ wɛ́ ŋɡɔ: «Ɔ ɡʉɡʉʉ, ŋ ɡɛ ńdɔk wú ŋ́ɡʉ pɔ kwɑꞋ nɛtúꞋ lɔ́Ꞌnɛ. Yúu pi ɔ cúꞋlɛ́nɛ tsɛt mɛŋkɛn lɑ́ tsʉ́Ꞌ pɛ́ wɔ̌?»
Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.
Ŋu ẅí ɑ ɡʉ ńzɔ́Ꞌ, pɔɔ fɛ́Ꞌnɛ ńtɔ́ pɔ́, pɔ́p nɑ́ŋ tɛ fɛlɔ́k ɡẅɛɛ wɔ́p pɔ́p lɛ́tɛ.»
Pɔ́ɔŋɡɔɔ pɑ́ pɛtsʉʉ ɡɔ́ɔ ńjʉɔmɛ, mbɑ wɔ̌ lɑ́ kɑꞋ ŋkʉ-lɑ̂m yɛ́.
