Mɑtʉ̈ɔ 25:41 - Kɑɑ Fí

⁴¹ Ŋ́ɡɔ́ɔ ŋ́kɛ́ ḿbɛn ńcú mbɔ̌ pʉɔ pí pɔ́p nǔu ɡúŋ-pɔ́ yɛ́ yi ŋkẅɛpmɛ, ɛ́ yɛ́tɛ́: «Pʉʉ ɡɑŋndɔɔ, pʉʉ fú nɛjɔ́ŋ mɔ ŋ́ɡʉ tɛ ŋɡɑ sɑk, ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́, ẅi pɛ́ kɑ niitɛ́nɛ ntɛ́ Sɑ́ttɑ pɔ́p pɛcʉ̈ɔ́Ꞌ pɛ́.

Mɑtʉ̈ɔ 25:41 交叉引用

2 Pyɛ̂ 2:4

Pɛcʉ̈ɔ́Ꞌ-Sɛ́ kɑ zɛɛ ɛ́fɑɑnɛ nu, Sɛ́ pɔɔ wɔ́p nɑ́. A kɑ tsʉ́ʉ wɔ́p ḿmɑꞋ tsɛt nɛpʉ́ kɛ́ ndúŋ zʉꞋ-nzɛnzʉ́ʉ, pɔ́p ɡɔ́ ḿbɔ́ tsɛt mɛŋkʉ, ḿbɔ́ ńzẅíꞋlɛ lɛ́Ꞌ yi pɛ́ ɡʉ ŋ́ŋɑk mɛtsɑŋ.

2 Tɛsɑlɔník 1:9

Ŋɡʉ̈ɔ́Ꞌ yi pɔ́p ɡʉ ńdɑ́Ꞌ jʉ́ɔ ɛ́ pɔ́ pɔ pɑ́Ꞌ pɔ́p ɡʉ ńdɑ́kŋɛ tɑ́Ꞌ ŋkɑ́, Tsɑpʉɔ wɛkŋɛ tsɛ́t ndúŋ mbɔ̌ pɔ́p tɛ pɔ́p pɔɔ sɔp lík nǔu wɛ́ pɔ́, ŋ́kɛ́ mbɔɔ jʉ́ɔ mɑ́mɑ́ nɛŋwɑ́ŋɛ wɛ pɔ́.

Mɑtʉ̈ɔ 13:42

ḿmɑꞋ wɔ́p tsɛt mɑ́mɑ́ múk, pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.

Mɑtʉ̈ɔ 13:40

Ndʉ́ŋndʉŋ pɑ́Ꞌ pɛ́ tsɔ́Ꞌnɛ yúu kɛpɔŋ ńtɔɔ múk lɑ́, ɛ́ ɡʉ ńdɑ́Ꞌ ḿbɛn ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌlɑ́Ꞌ.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Mɑtʉ̈ɔ 7:23

Ŋ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Mɔ ŋkɑɑ mɔ zɛɛ ńjí wʉ́ʉ pɔ́, pʉʉ pɑfʉꞋ mɛnu kɛpɔŋ, pʉʉ fú nɛjɔ́ŋ mɔ ńtsʉ́ʉtɛ.»

Mɑtʉ̈ɔ 3:12

A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»

Ɛ́bɛlʉʉ 6:8

Lɑ́ ḿbɔ́ yi cẅɛ́ɛnɑŋndɔ́ŋ pɔ́p mɛsɔpnzɔ́ŋ lɑɑnɛ ŋ́kɔ́Ꞌ nǔu yîyɑ́ zʉꞋ-tsɛ́tsɑ́Ꞌ, mbɔ ɛ́ kɛ́ cẅɛ́lɛ́ nǔu yɛcɔ́ yúu pɔ́, mbɔ Sɛ́ ɡʉ ńníꞋ ndɔɔ nǔu pɛ́ mɛꞋ, ŋ́ɡɛ ńtsʉ́Ꞌ ńtɔɔ tɔɔnɛ.

Mɑtʉ̈ɔ 13:50

ḿmɑꞋ wɔ́p tsɛt nɛkʉŋ-múk. Pɔ́p pɔ́ zúꞋu ḿbɔ́ ńdɑɑ, ḿbɔ́ ŋ́kwɛ́t mɛsɔŋ.»

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

Lúkɑ́shi 16:24

Ŋɡɑŋkɑ́p zɛ nɛkíi ḿbúꞋ mbɔ́ mbɔ̌ ńcú ŋɡɔ: «Tɑ̌ɑ mɔ Ábɛlɛhɑ̂m, tsɑ́ɑ mɛjʉ́ŋ mɑ́ɑ, ńtúu Lɑzɑ̂ɑ, ɑ cʉɔꞌ mɔ́ɔ tɔ̂pɔ́ wɛ nǔu ŋki ńdɔk ńtɔ́, ńcʉ̈ɔ́kŋɛ nǔu lʉ́m yɑ́ɑ. MbíꞋŋɡɔ mɔ sɛ́ ńjʉ́ɔ ŋɡʉ̈ɔ́Ꞌ tsɛt múk wɔ tɛꞋ.»

Lúkɑ́shi 13:27

Lɑ́, ɑ pɛn ńcú mbɔ̌ pʉʉ ŋɡɔ: «Ŋ kɑ́ pɔ́ ńjí pʉɔ pinɛ pʉʉ pɛ́t pɔ́. Pʉʉ fú ntsundɑ́ mɔ ŋ́ɡʉtɛ, pʉʉ ɡɑŋmɛzɛm!»

Mɑtʉ̈ɔ 25:46

Pɔnɛ pʉɔ ɡɔ́ɔ ŋ́kɛ́ ŋ́ɡʉ nɛ́ zʉꞋ yí pɔ́p ɡʉ ńdɑ́Ꞌ ńtswɛ́ zúꞋu, ńjʉ́ɔ pɔ ŋɡʉ̈ɔ́Ꞌ kɛ́ mɛ. Pʉɔ pí pɔ́p kɑ ɡɛnɛ yúu mi Sɛ́ sɛ́ ŋ́kɔŋ, pɔ́p kúu tsɛt luk kɛ́ mɛ.

Mɑtʉ̈ɔ 18:8

Pɔ́Ꞌɔ lɑ́, ɛ́ lɑɑ ńtsʉ́Ꞌ yi pɔ́ yú kɛ ku yú ɔɔ, tsʉ́ʉnɛ wú, ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi ɡu nɛpɔ́ ŋkɛmpɔ́ kɛ kɛmku ɔɔ, ńdɑ́Ꞌ ḿbɔ́ ɡú, ńtsɑ pɑ́Ꞌ ɛ́ lɑɑ ḿbɔ́, ɔ ɡẅɛɛ mbɔ́ mú mɛmbɑ́ kɛ mɛku mú mɛmbɑ́ ɔɔ, ńdɑ́Ꞌ ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́.

Mɑtʉ̈ɔ 5:22

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńzɑ́ŋ lɔ́ŋ nǔu mɔ́ɔmɑ́ wɛ, mbɔ pɛ́ ɡẅɛɛ nɛlɔk wɛ́ ŋ́ɡʉ mbi nzɑ́Ꞌmɛntsɑŋ. Ŋu ẅí ɑ fúŋnɛ mɔ́ɔmɑ́ wɛ nɛ́ ɡʉɡʉʉ, pɛ́ ɡẅɛɛ nɛlɔk wɛ́ ẅi ɑ fúŋnɛ ŋ́ɡʉ mbi-cúꞋlɛ-pɑsɑ́Ꞌlɑ́Ꞌ. Ŋu ẅí ɑ fúŋnɛ mɔ́ɔmɑ́ wɛ ŋɡɔ pʉ̈ɔt ɔ kɛ́jísɛ́, ɑ kuꞋ ŋu ẅí ḿbɔ́ Sɛ́ mɑꞋ wɛ́ múk.

Mɑtʉ̈ɔ 4:10

Yɛ́su cú mbɔ̌ wɛ́ ŋɡɔ: «Sɑ́ttɑ, fú nɛjɔ́ŋ mɔ kẅɛ́Ꞌlɛ, mbíꞋŋɡɔ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: “Ŋu ɡúꞋlɛ pɔ ndɑꞋ Tsɑpʉɔ Sɛ́ wɛ zɛnɛ́jʉ́ ḿbɛn ńzúꞋ pɔ ndɑꞋ ntsu wɛ́.”»

Mɑtʉ̈ɔ 25:42

MbíꞋŋɡɔ njí kɑ zɑ́ŋ wɑ́ɑ, pʉʉ pɔɔ ɡɑ́ yúu ŋ kwɛ́t pɔ́, ɡɑ́k yɑ́ɑ shí, pʉʉ pɔɔ ɡɑ́ ŋki n nɔ́ pɔ́.

2 Tɛsɑlɔník 1:7

ŋ́ɡɑ́ mɔ́fíitɛ mbɔ̌ pʉʉ pi pʉʉ sɛ́ ńjʉ́ɔ ŋɡʉ̈ɔ́Ꞌ ŋkɔ̂ɔnɛ lɑɑ, ḿbɛn ŋ́ɡɑ́ mbɑ mbɔ̌ pɛk ɡúu. Mɔnɛ mɛnu ɡʉ ńdɑ́Ꞌ ńdɛɛtɛ ŋkɑ́ yi Tsɑpʉɔ wɛkŋɛ Yɛ́su Kɛlístɔ ɡʉ ńdɑ́Ꞌ ɛ́fú tʉ́nɛ́pú ńcẅɛt, ńnyɛt mbʉʉ yɛ. Pɔ́p pɛcʉ̈ɔ́Ꞌ pɛ́ pi pɔ́p ɡẅɛɛnɛ mɛtʉʉ tɛꞋ pɔ́nɛ.