Mɑtʉ̈ɔ 25:10 - Kɑɑ Fí

¹⁰ Pɔ́p ɡʉ nɛzúu, ŋu ẅí ɑ zɔ́Ꞌnɛ tsʉ́Ꞌ ńtɔ́, pɔ́p pɛ́ pɔ́ɔŋɡɔɔ pínɛ yɛcɔ́ yúu ŋkɑɑ ḿbɔ́ ńjɑ́k wɔ́p pɔ́ kúu ndɑ́-ndínɑ-lɑ́ɑndɑ́, pɛ́ jʉ́ɔꞋ ntsundɑ́.

Mɑtʉ̈ɔ 25:10 交叉引用

Lúkɑ́shi 13:25

Ŋkɑ́ ɡɛ ńdɑ́Ꞌ ŋ́kuꞋ, ŋɡɑŋndɑ́ lɔ sɛ́ ńjʉ̈ɔ́Ꞌ ntsundɑ́, pʉʉ pi pʉʉ pɛ́t píi lɑ́, pʉʉ zɛ nɛpúꞋ ntsundɑ́, ḿbɔ́ ḿbúꞋ mbɔ́ mbɔ̌ wɛ́ ŋɡɔ: «Tsɑpʉɔ, tsɔ́Ꞌ ntsundɑ́ pɛk kúu ndɑ́. Lɑ́, ɑ cú mbɔ̌ pʉʉ ŋɡɔ: Ŋ kɑ́ pɔ́ ńjí pʉɔ pinɛ pʉʉ pɛ́t pɔ́!»

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

Mɑtʉ̈ɔ 24:44

Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.

Mɑtʉ̈ɔ 25:6

TʉʉtúꞋ ɡɛ kuꞋ, pɛ́ zúꞋ ŋu lɔk ŋɡi tɛnnɛ ŋɡɔ: «Ŋu ẅí ɑ ɡʉ ńzɔ́Ꞌ pʉ́ɔ ɑ tɔ́nɛ lɑɑ, pʉʉ cẅɛt ŋ́ɡʉ ńzɑ́Ꞌ wɛ́.»

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

Kɔlɔsíyɛ̂ŋ 1:12

Pʉʉ lɔk tsɑ́ɑtɛ ŋ́ɡɛ́mtɛ Sɛ́ ẅí ɑ Tɑ́t wɛkŋɛ, jʉ́ ẅí ɑ kɑ ɡɛnɛ pʉʉ kuꞋ nɛɡẅɛɛ yʉ́ʉ yúu nǔu ntʉ̈ɔt ẅí ɑ kɑ kɑꞋnɛ mbɔ̌ pʉɔ pɛ́. Ẅîwɑ́ ntʉ̈ɔt nǔu zʉꞋ kyɛꞌ.

Mɑtʉ̈ɔ 7:21

Ɛ́ ɡʉ nǔu pʉɔ pínɛ pɔ́p fúŋnɛ wɑ́ɑ ŋɡɔ: «Tsɑpʉɔ, Tsɑpʉɔ pɔ́p pɛtsʉʉ kɛ́ lɑ́Ꞌ ńjʉ́ pii-nɛfɔɔ-Sɛ́ pɔ́. NdɑꞋ pʉɔ pínɛ pɔ́p ɡɛnɛ yúu mi Tɑ̌ɑ mɔ ẅí ɑ tʉ́nɛ́pú sɛ́ ŋ́kɔŋ ŋɡɔ pɛ́ ɡɛ.»

Mɑtʉ̈ɔ 24:42

Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.

Mɑtʉ̈ɔ 24:43

Jínɛ sʉ́Ꞌnɛ ŋɡɔ, ŋɡɑŋndɑ́ ḿbɔ́ pɛ́Ꞌnɛ, ńjí ŋkɑ́ yi ntsɔ́ŋ ɡʉ ńtɔ́, mbɔ ɛ́ lɑɑ ḿbɔ́ ɑ lɛ́ kɛ́ lɛ́, nɛpyɛ́p tɛ ntsɔ́ŋ pɔɔ kúu njɛ́Ꞌ yɛ́ pɔ́.

Lúkɑ́shi 12:35

Pʉʉ niitɛ mbʉʉ yʉ́ʉ, ńdyɛt mɛkyɛꞋ, ńtíktɛ!

Mɛnu ɛ́ ńdɑ́Ꞌ ńcẅɛt 19:7

Pɛkŋɛ tsɑ́ɑtɛ, ŋ́ɡɑ́ wûuẅíi, ŋ́ɡɑ́ nɛɡúꞋ mbɔ̌ wɛ́. MbíꞋŋɡɔ mɔ́ɔ-Njinjɔ ɡʉ ńzɔ́Ꞌ. Nzwɛ́ŋɡʉʉ, kẅii mɔ́ mbʉʉ yɛ tɛ ḿbɔ́ ńzẅíꞋlɛ.