43 Jínɛ sʉ́Ꞌnɛ ŋɡɔ, ŋɡɑŋndɑ́ ḿbɔ́ pɛ́Ꞌnɛ, ńjí ŋkɑ́ yi ntsɔ́ŋ ɡʉ ńtɔ́, mbɔ ɛ́ lɑɑ ḿbɔ́ ɑ lɛ́ kɛ́ lɛ́, nɛpyɛ́p tɛ ntsɔ́ŋ pɔɔ kúu njɛ́Ꞌ yɛ́ pɔ́.
Pʉʉ pɛn ńjí sʉ́Ꞌnɛ ŋɡɔ ŋu ḿbɔ́ pɛꞋnɛ ŋ́ɡɔ ńnɑ́ŋ njɛ́Ꞌ yɛ ńjí ŋkɑ́ yi pɛtsɔ́ŋ ɡɛ ńtɔ́, mbɔ ɛ́ lɑɑ ḿbɔ́ ɑ lɛ́ kɛ́ lɛ́, ḿbyɛ́p tɛ pɛtsɔ́ŋ pɔɔ kúu njɛ́Ꞌ yɛ́ pɔ́.
Ɛ́ Pɔ́Ꞌɔ lɑ́, mbɑ pʉʉ yʉ́ʉ, pʉʉ niitɛ mbʉʉ yʉʉ ḿbyɛ́p, mbíꞋŋɡɔ Mɔ́ɔ-Ŋu ɡʉ ŋ́ɡɛ ńtɔ́ ŋkɑ́ yi pʉʉ ḿbyɛ́p pɔ́.
Pɔ́p ɡɔ ńcẅɛ́ɛ lɔ́ŋ wɔp pɔ́ ńzɑ́ŋ ntɛ́ ŋɡɑŋkɑ́Ꞌ.
Ɛ́ ɡɛ ḿbɔ́ ŋkɔ́Ꞌnjí, Yɛ́su pɔ́ nɑ́ɑnɛ wɔ́p, ḿbɔ́ ńnɛn ndǔ ŋki.
Ɛ́ yɛ́tɛ́ lɑ́ pʉʉ pɑ́ɑ nɛmɛꞋ ku, mbíꞌŋɡɔ pʉʉ kɑ́ pɔ́ ńjí lɛ́Ꞌ yi Tsɑpʉɔ wʉʉ ɡʉ ńtɔ́ pɔ́.
Pɔ́p ɡʉ nɛzúu, ŋu ẅí ɑ zɔ́Ꞌnɛ tsʉ́Ꞌ ńtɔ́, pɔ́p pɛ́ pɔ́ɔŋɡɔɔ pínɛ yɛcɔ́ yúu ŋkɑɑ ḿbɔ́ ńjɑ́k wɔ́p pɔ́ kúu ndɑ́-ndínɑ-lɑ́ɑndɑ́, pɛ́ jʉ́ɔꞋ ntsundɑ́.
Yɛ́su mikŋɛ ŋɡɔ: «Ɛ́ yɛ́tɛ́ lɑ́ pʉʉ pɑ́ɑ nɛmɛꞋ mbʉʉ yʉʉ, mbíꞌŋɡɔ pʉʉ kɑ́ pɔ́ ńjí lɛ́Ꞌ pɔ́, ŋ́kɛ́ ḿbɔɔ ḿbɔ́ ńjí ŋkɑ́ yi Mɔ́ɔ-Ŋu ɡʉ ńdɑ́Ꞌ ńtɔ́ pɔ́.»
lɑ́ ŋ́kɛ́ ńjʉ́ɔ pɑꞋ ŋki sɛ́ ŋ́ɡɑ́ɑnɛ wɔ́p, mbíꞋŋɡɔ fɛfʉ̈ɔt kɑ pɔ́ ɛ́fú pɔ mbi nɛ mbi ńtɔ́. Ɛ́ ɡɛ ḿbɔ́ ŋkɔ́Ꞌnjí, Yɛ́su pɔ́ nɑ́ɑnɛ wɔ́p, ḿbɔ́ ńnɛn ndǔ ŋki, tɛ ńdɔɔ nɛlut wɔ́p,
Mbɑ pʉʉ yʉ́ʉ, kɔɔ pʉʉ fʉ̈ɔ́nɛ ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi ŋɡɑŋnjɛ́Ꞌ sɛ́ ńtɔ́ pɔ́. Kɛ ɑ ɡʉ ńtɔ́ pɔ mbɔ́tnjí ɔɔ? Kɛ pɔ tsɛt nɛtúꞋ ɔɔ? Kɛ pɔ ntsuŋkẅɛ́Ꞌ ɔɔ? Kɛ pɔ mbɑꞋmbɑꞋɑ́ ɔɔ?
Lɛ́Ꞌcɔ́ tɑ̌ɑfɑꞋ tɔ́ pɛ́tʉʉtúꞋ kɛ pɔ ŋkɔ́Ꞌnjí ɔ́ɔ, ńtɔ́ ńjʉ́ɔ pɔ́p pɛ́t pɔ kɛ́ lɛ́, mbɔ pɔ́p pɛpɔ́ttú.
Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»
Pɔ́Ꞌɔ lɑ́, pʉʉ kɛ́ ŋ́kẅíitɛ yúu mi pɛ́ kɑ zíꞋnɛ wʉ́ʉ, ḿbɛn ŋ́kẅíitɛ ntɛ́ yi pʉʉ kɑ lɔknɛ ńzúꞋ. Pʉʉ ɡẅɛɛ yîyɑ́ yúu, ŋ́kúpmɛ mɑt wʉ́ʉ. Pʉʉ lɑɑ ḿbɛ́t ńdɛ́ lɛ́nɛ, mbɔ ŋ ɡʉ ḿvukŋɛ vukŋɛnɛ ńtɔ́ pɑ́Ꞌ ntsɔ́ŋ lɑ́, tɛ pʉʉ pɔɔ jí ŋkɑ́ yi mɔ ŋ́ɡɛ ńtɔ́ pɔ́.
Tsɑpʉɔ cú ŋɡɔ: «Pʉʉ kɛ́ ńjí ŋɡɔ, mɔ ńtɔ́ pɑ́Ꞌ ntsɔ́ŋ lɑ́. Pɔ́ttú ɑ ŋu ẅí mɔ ŋ́ɡɛ ŋ́ɡɔ ńtɔ́, ɑ pɔɔ ḿbɔ́ ńdɛ́ pɔ́, mɛndẅí mɛ́ pɔ́ nǔu wɛ́, ḿbɔ́k pɑ́Ꞌ ɑ ɡʉ ńdɔ sɛ́ ńnɛn kɛ́ zẅík ndẅí, sʉ́ʉ kɔ́ wɛ́.»
