39 lɑ́Ꞌ zɛɛ ḿbɔɔ ḿbɔ́ ḿmʉk yɛcɔ́ nu pɔ́, tɛ ŋki ɡɛ ŋ́kɔ́Ꞌ, ḿbuu ḿbík wɔ́p pɛtsʉʉ. Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́ ɛ́ pɛn ḿbɔ́ pɔ pɔ́Ꞌɔ.
Ŋu lɑɑ ŋ́ɡɛ nu kɛpɔŋ, mbɔ ŋɡɑŋ ḿbɑɑ kyɛꞌ pɑɑnɛ, mbɔɔ kɔŋ nɛnɛn zʉꞋ yí kyɛꞌ zúꞋu pɔ́, ḿbɔ́k ŋɡɔ mɛnu mɛ́ ńcẅɛt mɑ́ntɑ́ɑ.
Mɔ́ɔ-Ŋu ɡʉ ńdɑ́Ꞌ ŋ́ɡɔ ńtɔ́, mɛnu mí ɛ́ kɑ ɡɛnɛ ŋkɑ́ Nɔwɛ pɛn ŋ́ɡɛ.
«Pʉʉ pɑɡwɑ́k wɑ́ɑ mɔ Sɛ́, pʉʉ líŋɛ lɑ́ ńjʉ́ɔ. Yúu mi mɔ ŋ́ɡɛ ɡʉ ŋ́ɡɛ tɛ pʉʉ lɑ́kŋɛ! Pʉʉ ɡʉ ńzɛɛ ḿbɛ́t ḿbɔ́ pɔ ndǔ tsɛ́tsɑ́Ꞌ, ŋ ɡɛ yɛcɔ́ mɑ́mɑ́ nu, tɛ ḿbɔ́ yi pɛ́ ḿbɔ́ pɛ́Ꞌɛ ɛ́sẅíi wʉ́ʉ sẅíinɛ, mbɔ ɛ́ ńdɑɑ ḿbɔ́ pʉʉ pɔɔ pɛ́m.»
Pɔ́p ɡɔ́ ńcú pɔ́Ꞌɔ, ḿbɔ́ ńdikŋɛ tɛ ńjí jínɛ ŋɡɔ Sɛ́ kɑ lɑ́Ꞌ ńniitɛ tʉ́nɛ́pú pɔ́p tsɛ́tsɑ́Ꞌ tɛ ntí sɑk. A kɑ lɔk pɔ sẅiŋɛ yɛ́ ŋ́ɡɛ, tsɛ́tsɑ́Ꞌ fú tsɛt ŋki ńcẅɛt, ɑ lɔk pɔ ŋki ńniitɛ.
Pɔ́p ɡʉ ŋ́ɡɛ ńtɔ́, ŋ́ɡɔꞋ wʉ́ʉ, pɔ́p pɔ́ɔ pʉ́ʉ tsʉʉ, ḿbɛn ɛ́sɑt tʉ́sɔŋ yʉ́ʉ tɛ ḿbɔɔ nɑ́ ŋɡɔꞋ pɛn ńzɑ́pmɛ nǔu yɛcɔ́ pɔ́. Ɛ́ zɛɛ ḿbɔ́ pɔ́Ꞌɔ, mbíꞋŋɡɔ pʉʉ kɑ muŋɛ ŋkɑ́ yi Sɛ́ ńtɔ́ nɛɡɛ nu sʉ́Ꞌnɛ nǔu pʉʉ.
Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.
Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.
Yɛ́su ɡʉ tɛ ńnɑ́ŋ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ, ɡɑŋku pɛ́ fɑk mbʉʉ yɔp ńtɔ́ ḿbíkŋɛ wɛ́ ŋɡɔ: «Sẅíi wɛ́k nɛ́ ŋkɑ́ yi yɔ nu ɡʉ ńdɑ́Ꞌ ŋ́ɡɛ. Sẅíi wɛ́k nɛ́ lii yi pɛ́ ɡʉ ńdɑ́Ꞌ ńdɔk ńjí ŋɡɔ ɔ sɛ́ ńtɔ́, mbɑ yi ɛ́ ɡʉ ŋ́ɡɛ pɛ́ jí ŋɡɔ lɛ́Ꞌ yi píi mbí ɡʉ ḿmɛ kuꞋ.»
Lii-Mɔ́ɔ-Ŋu ɡɔ́ɔ ŋ́kɛ́ ńcẅɛt nɛpú. Mɛŋɡɔŋ mɛŋɡɔŋ mí ɛ́ ndǔ tsɛ́tsɑ́Ꞌ kʉ́ɔꞋ nɛvú ńdɑɑ, pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ tʉ́ nɛpú ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ,
Mbɛ́ɛnɛ yɛ́pɑ́ ɡʉ ńdɑ́Ꞌ ḿbɔ́ ŋkɑ́Ꞌ, pɛ́ lɔk tɑ́Ꞌ ŋ́ɡʉ, ńnɑ́ wɛcɔ́.
