Mɑtʉ̈ɔ 24:15 - Kɑɑ Fí

¹⁵ Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ ŋu ẅí Ŋɡɛ́mndʉ̈ɔ́Ꞌ-Sɛ́ Ndɑníyɛ̂ kɑ fúŋnɛ wɛ́ ŋɡɔ ŋkʉꞋnɛ ntɑ́kzʉꞋ. A tɔ́ ńtʉ́ʉ kwɑꞋ tsɛt zʉꞋ yí Sɛ́ zúꞋu. Ŋu fúŋ zʉꞋ-ŋwɑꞋnɛ yɔ, ɑ sɑ́Ꞌ tʉʉ nɛniitɛ zúꞋ.

Mɑtʉ̈ɔ 24:15 交叉引用

Mɑ́lɛ́kúshi 13:14

«Ɛ́ ɡʉ ńdɑ́Ꞌ ḿbɔ́ ŋkɑ́ yîyɑ́, pʉʉ jʉ́ɔ yúu pʉ́ʉnɛ yí pɛ́ fúŋnɛ ŋɡɔ ŋkʉꞋnɛ tɑ́k tɔ́ ńtʉ́ʉ zʉꞋ yí ɛ́ ńdɑɑ ḿbɔ́ ɛ́ pɔɔ zɛɛ ńtʉ́ʉ zúꞋu pɔ́. (Ŋu fúŋ zʉꞋ-ŋwɑꞋnɛ yɔ, sɑ́Ꞌ tʉʉ nɛniitɛ ńzúꞋ). Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pi pɔ́p Judɛ̂ ŋ́kʉɔ ńdɔk wɛ mɛŋkɔꞋ ŋ́ɡʉ ńdʉɔmɛ.

Lúkɑ́shi 21:20

Pʉʉ ŋ́ɡɛ ḿbɔ́ tɛ ńjʉ́ɔ pɑlʉ̈ɔꞋntsɔ tɔ́ ńzɛmɛ Yɛlúsɑlɛm tɛ ḿbuutɛ, pʉʉ jí ŋɡɔ ŋkɑ́ yi pɛ́ ɡɛ ɛ́sɑt tʉ́sɔŋ sɛ́ ŋ́kuꞋ.

Mɛnu ɛ́ ńdɑ́Ꞌ ńcẅɛt 1:3

Pɔ́ttú ŋu ẅí ɑ ɡʉ fúŋ yɔ ŋwɑꞋnɛ. Pɛpɔ́ttú pɔ́ pʉɔ pi pɔ́p ɡʉ ńzúꞋ yɔ sẅiŋɛ yi ɛ́ fúnɛ mbɔ̌ Sɛ́, ŋ́ɡɛ yúu mi pɛ́ ŋwɑꞋnɛ́nɛ tsɛtú. MbíꞋŋɡɔ ŋkɑ́ yi mɔnɛ mɛnu ɡʉ ḿbuutɛ kẅɛ́Ꞌlɛ tɛ ḿbɔ́ ḿbɑ́ɑtɛ.

Lúkɑ́shi 19:43

Yɛcɔ́ ŋkɑ́ ɡʉ ŋ́ɡɛ ḿbɔ́, ɡɑŋmbuu pʉ́ʉ tɔ́, ŋ́kút ŋkɑ́Ꞌ ńdɔk kíitɛ wʉ́ʉ, ɛ́fú mɛshʉ́ mɛshʉ́ ńtɔ́ ńnɔꞋ wʉ́ʉ.

Ɛ́bɛlʉʉ 2:1

Pɔ́Ꞌɔ lɑ́, pɛkŋɛ tsuŋ ŋ́ɡẅɛɛ nɛ́ kɛ́ ŋ́kúꞋlɛ pɔ nu yí pɛkŋɛ kɑ zúꞋnɛ, ŋ́ɡẅɛɛ tɛ mbɔɔ pɔ́Ꞌɔ pɔ́, mbɔ pɛkŋɛ ɡʉ ɛ́fɑɑnɛ sɛ̂ndúŋ, ŋ́kúu pɛ́,

ŊwɑꞋnɛ-Gɑŋntúu Yɛ́su Kɛlístɔ 6:13

Pîpɑ́ pʉɔ lɔk mbɑ pɛcɔ́ ɡɑŋcɔtnu, ŋ́ɡʉ zúꞋu. Pɔ́p tɔ́ ńcú ŋɡɔ: «Ŋu wɔ júk pɔ nɛsẅíŋɛ kɛpɔŋ nǔu ndɑ́-nɔŋpɔꞋ yɛkŋɛ yi ɛ́ Yɛlúsɑlɛm wɔ, mbɑ nǔu nɛpʉ́ʉ-Mɔ̌sɛ̂ɛ.

Mɛnu ɛ́ ńdɑ́Ꞌ ńcẅɛt 3:22

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ.

ŊwɑꞋnɛ-Gɑŋntúu Yɛ́su Kɛlístɔ 21:28

ŋ́kɑꞋ ŋɡi yɔp tʉ́ ɡíɛt ŋɡɔ: «Pʉɔ-Íslɑyɛ̂l, pʉʉ tɔ́ ńcẅɛ́lɛ́ wɛ́k! Ŋu wɑ́ pʉ́ɔ. A sɛ́ ḿbɔ́ ńnɛn zʉꞋ tsʉʉ ndǔ tsɛ́tsɑ́Ꞌ ŋ́kẅíi pʉɔ-lɑ́Ꞌ pɛkŋɛ kɛpɔŋ, ɛ́sẅíŋɛ kɛpɔŋ nǔu nɛpʉ́ʉ-Mɔ̌sɛ̂ɛ. Tɛ mbɑ nǔu ZʉꞋ-nɔŋpɔꞋ yɔ. Ɛ́ pʉ́ɔ, mbɔ ɑ zɛɛ ńdɔk pʉɔ pi pɔ́p kɑ́ pɔ́ pɑyúdɑ pɔ́, ńtɔ́, ńdɔk wɔ́p ŋ́kúu tsɛt ZʉꞋ-nɔŋpɔꞋ, ńdɔk pɔ́Ꞌɔ, ńníꞋ lɔ́Ꞌ nǔu.»

Jɑ̂ŋ 11:48

Pɛkŋɛ lɑɑ ńnɑ́ wɛ́ ɑ lɔk ŋ́ɡʉ mbi, mbɔ pʉɔtsʉʉ ɡʉ ńzɑ́p tʉ́m nǔu wɛ́. Pɑlɔ́mɑ tɔ́, ńtɑ́k ndɑ́-nɔŋpɔꞋ Yɛlúsɑlɛm, mbɑ ŋɡɔŋ wɛkŋɛ.»

Mɑtʉ̈ɔ 24:16

Ɛ́ pɔŋ ŋɡɔ, pɛ́ lɑɑ ńdɑ́Ꞌ ḿbɔ́ tɛ ńjʉ́ɔ wɛ́, pʉɔ pínɛ pɔ́p Judɛ̂ kʉ̈ɔ́ ńdɔk wɛ mɛŋkɔ́Ꞌ ŋ́ɡʉ ńdʉɔmɛ.