Mɑtʉ̈ɔ 22:19 - Kɑɑ Fí

¹⁹ Pʉʉ nyɛt wɑ́ɑ nɛ́ ŋkɑ́p yi pɛ́ lɔknɛ ŋ́ɡɑ́ ntsup. Pɔ́p lɔk pɑk-ŋkɑ́p ńtɔ́, ńnyɛt wɛ́.

Mɑtʉ̈ɔ 22:19 交叉引用

Mɛnu ɛ́ ńdɑ́Ꞌ ńcẅɛt 6:6

N zúꞋ yɛcɔ́ yúu fú tsɛtsɛt mɛnɑɑ mɛ́nɛ́kwɑ ńcẅɛt, ḿbɔ́ pɑꞋ ŋɡi-ŋu lɑ́, ḿbɔ́ ńcú ŋɡɔ: Gɛ nǔu ntɛ́ yi pɛ́ ɡʉ ńdɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu pɔ ndɑꞋ tɑ́Ꞌ kílɔ mɛsɑ́ŋntsʉ́ʉ, ḿbɔ́ yi ɛ́ lɑɑ ḿbɔ́ ŋɡɛsɑ́ŋ yɛkŋɛ, pɛ́ lɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu kílɔ yɛ́tɑ́t, ŋ́ɡʉ nǔu mɛɡwɛ́t pɔ́p mɛluꞋ, kɔɔ ɡɛ nǔu ntɛ́ yi pɛ́ ɡʉ ńjɑ́k.

Mɑtʉ̈ɔ 20:2

Pɔ́p pɛ́ ɡɑŋfɑꞋ niitɛ pɑ́Ꞌ ɑ ɡʉ ŋ́ɡɑ́ tɑ́Ꞌ pɑk-ŋkɑ́p mbɔ̌ tɑ́Ꞌ ŋu nǔu lɛ́Ꞌlɑ́Ꞌ. A ɡɔ́ɔ ŋ́kɛ́ ńcú pɔ́p ɡʉ nɛ́ ŋkɑ́Ꞌ yɛ́.

Mɑtʉ̈ɔ 18:28

Lɑ́ ŋɡɑŋfɑꞋ wɑ́ fú mbi fɔɔ ŋ́ɡʉ ŋ́kúu sɛ̂ndúŋ, ḿbuutɛ wɛcɔ́ súu nɛ ŋɡɑŋfɑꞋ, mbɔ ẅîwɑ́ ŋɡɑŋfɑꞋ kɑ tɔ́ ńcẅɛ́ɛ ŋkɑ́p yɛ́ tɛ ɛ́ pɔ́ ŋkɑ́p pɑk ŋkʉ. A puutɛ wɛ́ pɔ́Ꞌɔ, ŋ́ɡẅɛɛ wɛ́, ńtík ŋɡɑk lɔ́ŋ wɛ́, ńcú ŋɡɔ: «Gɑ́ ŋkɑ́p yɑɑ yɑ́ pɔ ŋkɔ̂ɔnɛ.»

Mɑtʉ̈ɔ 17:25

Pyɛ̂ tsɔ́Ꞌ ŋɡɔ: A ɡɑ́ ɡɑ́nɛ, ńcú pɔ́Ꞌɔ, ŋ́kúu ndɑ́, ḿbɛ́t pɔ kɛ́ ŋɑ́Ꞌ ntsu wɛ́, Yɛ́su cú mbɔ̌ wɛ́ ŋɡɔ: «Símɔ, ɔ kwɑŋɛ yú ŋɡɔ kʉ̈ɔ́. Ɛ́ ndǔ mbí yɔ pɛ́Ꞌɛ, pɛ́ wɔ̌ mɑꞋnɛ ntsup-ntʉ̈ɔꞋ pɔ́p mɛcɔ́ mɛntsup, mbɔ̌ pɛfɔɔ? Pɑlɑ́Ꞌ pɛ́ kɛ pɑlɑ́Ꞌ-ntʉɔꞋ?»

Mɑtʉ̈ɔ 22:18

Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»

Mɑtʉ̈ɔ 22:20

A píkŋɛ wɔ́p ŋɡɔ: «Yɔ shʉ́ wɔ̌ yi ɛ́ nǔu ŋkɑ́p? Yɔ pɔ́ lík wɔ̌ yi ɛ́ nǔu?

Mɑ́lɛ́kúshi 12:16

Pɔ́p lɔk pɑk-ŋkɑ́p ńtɔ́, ɑ píkŋɛ wɔ́p ŋɡɔ: «Yɔ shʉ́ wɔ̌ ẅi ɛ́ nǔu ŋkɑ́p? Yɔ lík wɔ̌ yi ɛ́ nǔu?» Pɔ́p tsɔ́Ꞌ mbɔ̌ wɛ́ ŋɡɔ: «Ɛ́ yɛ́ Kɑ́sɑ, lík pɛn ḿbɔ́ pɔ yɛ́.»