18 Lɑ́ Yɛ́su jí kwɑŋɛ kɛpɔŋ yɔ́p, ńcú mbɔ̌ pɔ́p ŋɡɔ: «Pɑŋkɔŋ-mík, pʉʉ kwɑꞋnɛ wɑ́ɑ mɛlɑ́Ꞌ kʉ̈ɔ́?»
Pɔ́p cú pɔ́Ꞌɔ, ɛ́ pɔ́ pɔ ŋkʉ nɛlɔk ŋ́ɡẅɛɛ wɛ́. Pɔ́p lɔɔ mbɛ̌tntɑ́ŋ nɛlɔk ɛ́fɛn wɛ́. Lɑ́ Yɛ́su ŋɔ́Ꞌnɛ sɛ́, ńzɛ nɛlɔk mɔ́ɔ-tɔ̂pɔ́ wɛ, ŋ́ŋwɑꞋnɛ yúu sɛ́.
A ŋkɑɑ pɔ́ ńtsɑ́ɑ ŋɡɔ pɛ́ kyɛ́Ꞌtɛ kyɛ́Ꞌtɛ́nɛ ɛ́sẅíi wɛ́ pɔ́. KwɑꞋ jʉ́ ḿbɔ́ ńjí yúu mi ɛ́ tsɛt tʉ́m-ŋumɛsɔŋ.
Yɛ́su ɡɔ́ɔ ńjí yúu mi pɔ́p sẅíitɛ́nɛ nǔu, ḿbíkŋɛ wɔ́p ŋɡɔ: «MbíꞋkʉ̈ɔ́ pʉʉ ɡẅɛɛ yɔ ntɛ́ kwɑŋɛ tsɛt tʉ́m pʉʉ?
Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.
Pyɛ̂ cú mbɔ̌ wɛ́ ŋɡɔ: «Pʉʉ lɔk yɛ́tɛ́ sʉktʉ́m lɑ ńtɔ́ ŋ́kwɑꞋlɛ Zẅikŋɛ-Tsɑpʉɔ? ZúꞋ pɑ́Ꞌ pʉɔ ntsundɑ́ ńnɛntɛ, pɔ́p fú nɛtẅíi ndúu mu. Lɑ́ pɔ́p ɡʉ ńtíi wú ɡúu ńdɔk ŋ́ɡʉ ńtẅíi nǔu.»
Yɛ́su jí ŋɡɔ pɔ́p zẅíꞋ pɔ ntsu wɛ, ńcú mbɔ̌ pɔ́p ŋɡɔ:
Wɛcɔ́ ŋkyɛ́Ꞌtɛ nɛpʉ́ʉ-Mɔ̌sɛ̂ɛ zúꞋ sẅiŋɛ-Yɛ́su tɛ ńdɔ sɛ́, ŋ́kwɑꞋlɛ wɛ́, ḿbíkŋɛ wɛ́ ŋɡɔ: «Cícɑ, ɛ́ píkŋɛ ŋɡɔ ŋ ɡɛ yɑ́ɑ ŋ́ɡɔ ku lɑ́ ŋ́ɡẅɛɛ luk kɛ́mɛ?»
Yɛ́su jí kwɑŋɛ yí ɛ́ tʉ́m pɔ́p, ɛ́fúŋ mɔ́yúu mɔ́ɔ, ńtík wɛ́ nɛjɔ́ŋ yɛ́,
A pɛn ńtúu wɛcɔ́ tɑꞋ. Ẅîwɑ́ ŋu tɔ́ ŋkɑ́ yîyɑ́, pɔ́p jẅí wɛ́. A pɛn ńtúu pɛcɔ́ tɛ pɔ́p zɑ́ɑ. Pɛ́ ɡẅɛɛ pɛcɔ́ ńjẅítɛ, ńtswɑ́ɑ pɛcɔ́.
Yɛ́su ɡɔ́ɔ ńjí yúu mi pɔ́p sɛ́ ŋ́kwɑŋɛ, ḿbíkŋɛ wɔ́p ŋɡɔ: «Pʉʉ ɡɛ pɑꞋɑ ŋ́ɡẅɛɛ yɑ́ ntɛ́ kwɑŋɛ tú pʉʉ?
Pʉɔ nǔu nɔɔ-pɑfɑlísɑy tɔ́ ḿbɔ́ ńdɔɔ nɛkwɑꞋnɛ Yɛ́su, ḿbíkŋɛ wɛ́ ŋɡɔ: «Tɛ ɛ́ pɛ́Ꞌɛ nɛpʉ́ʉ nɛkŋɛ pɛ́m ŋɡɔ ŋu zuŋ nzwɛ́ wɛ tɛ mbɑ nǔu yɛ́tɛ́ nu yí ɑ fɑɑnɛ́nɛ?»
Yɛ́su pɔ́ tɛ ńjí, ɛ́fú zúꞋu ŋ́ɡʉ. Lɑ́Ꞌ cʉ́ɔ nzʉʉ wɛ́ tɛ ńzɑ́ɑ. A ɡɛ ɡɑŋɡɔɔ tsʉʉ pí ɛ́ tsɛt nɔɔ-lɑ́Ꞌ fíitɛ.
Sẅíi wɛk pɑ́Ꞌ ɔ kwɑŋɛ́nɛ yú nǔu yɔ nu: Nɛpʉ́ʉ nɛkŋɛ pɛ́Ꞌɛ ḿbɛ́m ŋɡɔ pɛkŋɛ mɑꞋ ntsup-Kɑ́sɑ-Pɑlɔ́mɑ kɛ ŋɡɑ́ŋ?»
Pʉʉ nyɛt wɑ́ɑ nɛ́ ŋkɑ́p yi pɛ́ lɔknɛ ŋ́ɡɑ́ ntsup. Pɔ́p lɔk pɑk-ŋkɑ́p ńtɔ́, ńnyɛt wɛ́.
