Mɑtʉ̈ɔ 21:39 - Kɑɑ Fí

³⁹ ńcú pɔ́Ꞌɔ, ŋ́ɡẅɛɛ wɛ́, ɛ́shuŋ wɛ́ ńdɔk ɛ́fú ŋkɑ́Ꞌ ńcẅɛt, ŋ́ɡʉ ńjẅí!

Mɑtʉ̈ɔ 21:39 交叉引用

ŊwɑꞋnɛ-Gɑŋntúu Yɛ́su Kɛlístɔ 2:23

Yɔ ŋu ẅí pɛ́ kɑ níꞋnɛ mbɔ̌ pʉʉ, ɛ́ pɔ́ pɔ pɑ́Ꞌ Sɛ́ kɑ lɑ́Ꞌnɛ ŋ́kwɑŋɛ ńzɑ́p. Pʉʉ kɑ kɛ́ ŋ́ɡɛ pɑkɛ́ji Sɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ńjẅí wɛ́.

Jɑ̂k 5:6

Pʉʉ kɑ zɑ́p mɛnu tú-pɑkɛfɑɑnɛ, ńjẅítɛ wɔ́p, pɔ́p kɛ́ mbɔɔ nyɛt yɛcɔ́ tʉʉ mbi pʉʉ pɔ́.

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Jɑ̂ŋ 18:12

Nɔɔ-pɑlʉ̈ɔ́Ꞌntsɔ, pɔ́p pɛtɑ́tndɑ́-pɑnɔŋ pɔꞋ pɔ́p pɑpyɛ́p zʉꞋ-nɔŋpɔꞋ, pí pɛkɛ́m-Pɑyúdɑ lɑ́Ꞌnɛ ńtúu, ɡɔ́ɔ ŋ́kɛ́ ŋ́ɡẅɛɛ Yɛ́su, ŋ́kút wɛ́.

Mɑtʉ̈ɔ 26:57

Pʉɔ pínɛ pɔ́p ɡẅɛɛnɛ Yɛ́su lɔk wɛ́ ŋ́ɡʉ nɛ́ ntɔ́Ꞌ-Kɑyífɑ. A pɔ́ nɔŋpɔꞋ wɛ ɡwɛ́. Mbɔ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m-lɑ́Ꞌ tɛmtɛ ńcúꞋlɛ zúꞋu.

ŊwɑꞋnɛ-Gɑŋntúu Yɛ́su Kɛlístɔ 5:30

Sɛ́-pɛmɑ̂ɑŋɡɑpnjẅɛt pɛkŋɛ, kɑ ɡɛ Yɛ́su ẅí pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́, zẅíimɛ nǔu nɛvú.

ŊwɑꞋnɛ-Gɑŋntúu Yɛ́su Kɛlístɔ 4:10

Pʉʉ pɛtsʉʉ tɛ mbɑ pɑíslɑyɛ̂l tɛ ḿmɛ, ɛ́ ŋ́kɛ́ ḿbɔ́ ḿbíkŋɛ ŋɡɔ pʉʉ jí tɑ́Ꞌ nu. Yîyɑ́ nu pɔ́ ŋɡɔ pɛk kɑ lɔk pɔ lík-Yɛ́su Kɛlístɔ mɔ́ɔ-Nɑ̌zɑlɛt lɑ ŋ́ɡɛ ŋu wɔ fíitɛ pɑ́Ꞌ pʉʉ jʉ́ɔnɛ lɑɑ. A Yɛ́su Kɛlístɔ wɑ́ ẅi pʉʉ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́. Sɛ́ kɑ kɛ́ ŋ́ɡɛ ɑ zẅíimɛ nǔu nɛvú.

Jɑ̂ŋ 18:24

Áɑnɑ cú, tɛ Yɛ́su pɛ́t pɔ mɛŋkʉ, pɛ́ lɔk wɛ́ ŋ́ɡʉ ŋ́ɡɑ́ mbɔ̌ Kɑyífɑ, nɔŋpɔꞋ wɛ ɡwɛ́.

Mɑtʉ̈ɔ 26:50

Yɛ́su tsɔ́Ꞌ mbɔ̌ wɛ́ ŋɡɔ: «Súu wɑɑ, ɡɛ pɔ yúu mi ɔ tɔ́nɛ nɛɡɛ.» Lɑ́Ꞌ ɡɔ́ɔ ŋ́kɛ́ ńtɔ́ ŋ́ɡẅɛɛ Yɛ́su.

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

Mɑtʉ̈ɔ 21:40

Yɛ́su píkŋɛ ŋɡɔ: «Tɛ ndʉ́m wɔ ɡʉ ŋ́ɡɛ ńtɔ́, ŋ́ɡɛ ŋɡɔ́ku nǔu pʉɔ pí ɑ kɑ níꞋnɛ ŋkɑ́Ꞌ mbɔ̌ pɔ́p?»