Mɑtʉ̈ɔ 21:29 - Kɑɑ Fí

²⁹ A pʉ̈ɔt ŋɡɔ: «N dʉꞋ.» Ḿbɛn ńnɑ́ŋ, ŋ́kíi yúu mi ɑ lɑ́Ꞌnɛ ŋ́ɡɛ ɑ cú pɔ́Ꞌɔ, ŋ́ɡʉ nɛ́ ŋkɑ́Ꞌ.

Mɑtʉ̈ɔ 21:29 交叉引用

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 26:20

Tɛ ńtsʉ́Ꞌ pɔ́Ꞌɔ, mbɔ ŋ kɑ zɛ nǔu pʉɔ-Ndɑ́mɑ́s nɛcú nu yɛ́, ḿbɑ́ɑtɛ ŋ́kúu pʉɔ-pɛ́ Yɛlúsɑlɛm, ɛ́fú zúꞋu ŋ́kúu nǔu pɑk-ŋɡɔŋ-Judɛ̂ tsʉʉ, ɛ́fú zúꞋu ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́, ḿbɔ́ ńcú mbɔ̌ pʉɔ tsʉʉ ŋɡɔ pɔ́p kúpmɛ mɑt wɔp, ḿbɛn mbɔ̌ Sɛ́, ḿbɔ́ ŋ́ɡɛ mɛnu mi ɛ́ nyɛtnɛ ŋɡɔ Pɔ́p kúpmɛ mɑt.

Mɑtʉ̈ɔ 21:31

Pɔ́Ꞌ lɑ́, wɔ̌ nǔu mbɔ́ŋkʉ̈ɔ́ pɔnɛ pɛ́pɑ́ kɑ ɡɛnɛ yúu mi tɑ̌ɑ wɔp sɛ́ ŋ́kɔŋ? Pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ pʉ̈ɔt ŋɡɔ: Ɛ́ nduŋmbi. Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Ɛ sẅíi wʉ́ʉ, kwɑꞋ nɛ́nẅín, pɑcẅɛ́ɛ ntsup-Lɔ́mɑ pɔ́p ɡɑŋɡɑ́ɑ pɑŋɡɛ́ sɛ́ ńjʉ́ pii nɛkúu nǔu nu-nɛfɔɔ-Sɛ́ ńtsɑ wʉ́ʉ,»

Mɑtʉ̈ɔ 21:28

Yɛ́su pɛn ńcú ŋɡɔ: «Pʉʉ zúꞋ yɔ nu, ɛ́sẅíi wɑ́ɑ nɛ́ nu yí pʉʉ kɑ kwɑŋɛ́nɛ. Wɛcɔ́ ŋu kɑ lɑ́Ꞌ ŋ́ɡẅɛɛ mbɔ́ŋkʉ̈ɔ́ pɛ́ pɛ́pɑ́, ńcú mbɔ̌ nduŋmbi ŋɡɔ: “Mɔ́ɔ wɑɑ, ɡʉ ŋkɑ́Ꞌ lɔ́Ꞌnɛ ńjúk zúꞋu ɛ́fɑꞋ.”»

Mɑtʉ̈ɔ 21:30

Tɑ̌ɑ wɔp pɛn ńcú pɔ tɑ́Ꞌ nu mbɔ̌ wɛcɔ́ mɔ́ɔ, ẅîwɑ́ mɔ́ɔ pʉ̈ɔt ŋɡɔ: «Ɔ́ɔŋ tɑ̌ɑ mɔ, ŋ ɡʉ ŋ́ɡʉ,» lɑ́, ńcú pɔ́Ꞌɔ, ŋ́kɛ́ mbɔɔ zúꞋu ɡʉ.