Mɑtʉ̈ɔ 21:15 - Kɑɑ Fí

¹⁵ Pɛtɑ́tndɑ́-pɑnɔŋpɔꞋ pɔ́p pɑkyɛ́ꞌtɛ nɛpʉ́ʉ-Mɔ̌sɛ̂ɛ, jʉ́ɔ mɛŋkʉꞋnɛ mɛnu mi Yɛ́su ɡɛnɛ, ḿbɛn ńzúꞋ pɑ́Ꞌ mbɔ́ŋkʉ̈ɔ́ tsɛt zʉꞋ-nɔŋpɔꞋ ńzɔp ńcú ŋɡɔ: «Wûuẅíi, mbɔ̌ ŋu nǔu njẅɛt-fɔɔ Ndɑvît, ńzɑ́ŋ lɔ́ŋ,»

Mɑtʉ̈ɔ 21:15 交叉引用

Mɑtʉ̈ɔ 21:9

Lɑ́Ꞌ pɔ́ mbi, yɛcɔ́ pɔ́ nzʉʉ, ńnɛn ńcú ŋɡɔ: «Wûuẅíi»! Mbɔ̌ ŋu nǔu njẅɛt-fɔɔ Ndɑvît. Mbɔ́tnɛ pɔ́ mbɔ̌ ŋu ẅí ɑ tɔ́nɛ nǔu lík-Tsɑpʉɔ. Wûuẅíi mbɔ̌ Sɛ́ tɛ tʉ́nɛ́pú.

Jɑ̂ŋ 12:19

Pɑfɑlísɑy jʉ́ɔ pɔ́Ꞌɔ, ńcú tsɛtsɛt pɔ́p ŋɡɔ: pʉʉ kɑ́ jʉ́ɔ? Yɛcɔ́ yúu mi ɛ́ lɑɑ ḿbɔ́ pɛkŋɛ ɡɛ kɑ́ pɔ́ ɡú pɔ́. Lɑ́Ꞌ tsʉꞋ ḿbɔ́ pɔ nzʉʉ yɛ́.

Jɑ̂ŋ 11:57

Ɛ́ kɑ ɡɔ́ ḿbɔ́, mbɔ pɛtɑ́tndɑ́-pɑnɔŋpɔꞋ, pɔ́p pɑfɑlísɑy kɑ cú ŋɡɔ, ŋu lɑɑ ḿbɔ́ ńjí zʉꞋ yí Yɛ́su zúꞋu, ɑ kíɛꞋ, pɛ́ ɡʉ ŋ́ɡẅɛɛ wɛ́.

Jɑ̂ŋ 7:42

Ntɛ́ ŋɡɔ pɛ́ kɑ ŋwɑꞋnɛ tsɛt ŋwɑꞋnɛ-ndɛn kɑɑ ŋɡɔ: «Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ nǔu njẅɛtndɑ́-fɔɔ Ndɑvît, ŋɡɔ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ńdɑ́Ꞌ ɛ́fú pɔ Mbɛ́tɛlɛhɛ̂m ẅí ɛ́ lɑ́Ꞌ pɛ́ fɔɔ Ndɑvît.»

Jɑ̂ŋ 4:1

Pɑfɑlísɑy zúꞋ pɛ́ pɔ́ ńcú ŋɡɔ ndɛn pʉɔ pínɛ pɔ́p sɛ́ ńcʉ́ɔ nzʉʉ Yɛ́su lɛɛ pɛ́ Jɑ̂ŋ, ɑ pɛn ḿbɔ́ ńnuꞋ pʉɔ ŋki ɛ́ zɑ́ɑ ńtsɑ pɛ́ Jɑ̂ŋ. Ńzɛɛ ŋ́kɛ́ ŋ́ɡɔ ńcú pɔ́Ꞌɔ, kwɑꞋ Yɛ́su zɛɛ ḿbɔɔ ńnuꞋ pʉɔ ŋki pɔ́, ɡɑŋku pɛ́ pɔ́nɛ ńnuꞋ wɔ́p. Yɛ́su jí ŋɡɔ pɑfɑlísɑy zúꞋ, ɛ́fú tsɛt pɑk-ŋɡɔŋ-Judɛ̂ ńcʉ́ɔ sɛ̂ndúŋ nɛpɛn tsɛt pɑk-ŋɡɔŋ-Ŋɡɑlilɛɛ.

Lúkɑ́shi 22:66

Njí ɡɛ ḿbɔ́ tɛ ŋ́kiɛ, pɛkɛ́m tsɛt lɑ́Ꞌ pɔ́p pɛtɑ́tndɑ́-pɑnɔ́ŋpɔꞋ, mbɑ pɑkyɛ́Ꞌtɛ nɛpʉ́ʉ-Mɔ̌sɛ̂ɛ cúꞋlɛ, ńcú pɛ́ lɔk Yɛ́su ńtɔ́ zʉꞋ-cúꞋlɛ-ŋɡɔŋ.

Lúkɑ́shi 22:2

Pɛtɑ́tndɑ́ pɑnɔ́ŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔ́ɔ shʉ́ nɛɡɛ pɛ́ jẅí Yɛ́su, lɑ́ ḿbɔ́ ḿbɔ́k mík-lɑ́Ꞌ.

Lúkɑ́shi 20:1

Yɛ́su pɔ́ yɛcɔ́ lɛ́Ꞌ, ḿbɛ́t ḿbɔ́ pɔ tsɛt ndɑ́-nɛnɔŋpɔꞋ ḿbɔ́ ńzíꞋ pʉɔ nɛ́ yúu ńdɔk ɛ́sɑ́Ꞌ Ŋkʉʉ sʉ́Ꞌnɛ mbɔ̌ lɑ́Ꞌ, pɛtɑ́tndɑ́ pɑnɔŋ pɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́p pɛkɛ́m tsɛt lɑ́Ꞌ tɔ́.

Mɑ́lɛ́kúshi 11:18

Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ ɡɛ ńzúꞋ, ńzɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí wɛ́. Pɔ́p kɑ pɔ́ ḿbɔ́k ŋɡɔ nu yɛ́ ɡʉ ńjʉ́ lɑ́Ꞌ, mbíꞌŋɡɔ lɑ́Ꞌ tsʉʉ kɑ pɔ́ ŋ́ɡʉ̈ɔꞋtɛ yúu mi ɑ kɑ pɔ́ ńzíꞋ pʉɔ.

Mɑtʉ̈ɔ 27:20

Pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ pɔ́ ńtsʉ́ʉnɛ lɑ́Ꞌ ŋɡɔ pɔ́p píkŋɛ ŋɡɔ Pilɑtɔ tsɔ́Ꞌ pɔ Pɑnɛpɑ́ɑshi ŋ́ɡɛ pɛ́ jẅí Yɛ́su.

Mɑtʉ̈ɔ 27:1

Njí ɡɛ ŋ́kiɛ, ŋɡɔŋ pɛtɑ́tndɑ́-pɑnɔŋpɔꞋ, pɔ́p pɛkɛ́m-lɑ́Ꞌ mʉ́ʉ mbɑ́ꞋmbɑꞋɑ́, ńcúꞋlɛ ńzɑ́p ŋɡɔ pɔ́p ɡʉ ŋ́ɡɛ pɛ́ jẅí Yɛ́su,

Mɑtʉ̈ɔ 26:59

Pɛtɑ́tndɑ́-pɑnɔŋpɔꞋ pɔ́p pɑsɑ́Ꞌlɑ́Ꞌ, pɔ́ ńdɔɔ cɔtnu yí pɔ́p ɡʉ ńzɑ́p tú-Yɛ́su lɑ ńdɔk ŋ́ɡɛ pɛ́ jẅí wɛ́.

Mɑtʉ̈ɔ 26:3

Ɛ́ pɔ́ pɔ nǔu mɛlɛ́Ꞌ ɛ̂mɑ́, pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ cúꞋlɛ ntɔ́Ꞌ-Kɑyífɑ, ɑ pɔ́ nɔŋpɔꞋ wɛ ɡwɛ́,

Mɑtʉ̈ɔ 22:42

«Pʉʉ kwɑŋɛ yʉ́ʉ ŋɡɔ nzɑ́Ꞌŋkʉ wɔ̌? Ŋɡɔ ɑ mɔ́ɔ wɔ̌?» Pɔ́p pʉ̈ɔt mbɔ̌ wɛ́ ŋɡɔ: «A ŋu nǔu njẅɛt-fɔɔ Ndɑvît.»

Mɑtʉ̈ɔ 21:23

Yɛ́su pɛn ḿbɛn tsɛt zʉꞋ-nɔŋpɔꞋ tɛ ńzɛ nɛzíꞋ pʉɔ nɛ́ nu-Sɛ́, pɛtɑ́tndɑ́-pɑnɔŋpɔꞋ pɔ́p pɛlʉ́m tsɛt lɑ́Ꞌ tɔ́ ḿbíkŋɛ wɛ́ ŋɡɔ: «Ɔ lɔk lík wɔ̌ ŋ́ɡɛ mɔnɛ mɛnu? KwɑꞋ wɔ̌ túunɛ wú ŋɡɔ ɔ ɡɛ pɔ́Ꞌɔ?»

Mɑtʉ̈ɔ 9:27

Yɛ́su fú zúꞋu ḿbɔ́ ŋ́ɡʉ, pɛcɔ́ pɛfʉmík pɛ́pɑ́ cʉ́ɔ nzʉʉ yɛ́, ḿbɔ́ ŋ́ɡɑ́ ŋɡi tʉ́ ńcú ŋɡɔ: «Ŋu nǔu njẅɛt-fɔɔ Ndɑvît tsɑ́ɑ mɛjʉ́ŋ mɛ́k!»

Mɑtʉ̈ɔ 20:24

Pɛcɔ́ ɡɑŋku-Yɛ́su nɛɡɛ́m pɔ́ tɛ ńzúꞋ nu yí pɔ́ɔ-Zɛ́bɛ́dɛ́ cúnɛ, ńzɑ́ŋ lɔ́ŋ ntɛ́ wɔ́p.