Mɑtʉ̈ɔ 20:2 - Kɑɑ Fí

² Pɔ́p pɛ́ ɡɑŋfɑꞋ niitɛ pɑ́Ꞌ ɑ ɡʉ ŋ́ɡɑ́ tɑ́Ꞌ pɑk-ŋkɑ́p mbɔ̌ tɑ́Ꞌ ŋu nǔu lɛ́Ꞌlɑ́Ꞌ. A ɡɔ́ɔ ŋ́kɛ́ ńcú pɔ́p ɡʉ nɛ́ ŋkɑ́Ꞌ yɛ́.

Mɑtʉ̈ɔ 20:2 交叉引用

Mɛnu ɛ́ ńdɑ́Ꞌ ńcẅɛt 6:6

N zúꞋ yɛcɔ́ yúu fú tsɛtsɛt mɛnɑɑ mɛ́nɛ́kwɑ ńcẅɛt, ḿbɔ́ pɑꞋ ŋɡi-ŋu lɑ́, ḿbɔ́ ńcú ŋɡɔ: Gɛ nǔu ntɛ́ yi pɛ́ ɡʉ ńdɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu pɔ ndɑꞋ tɑ́Ꞌ kílɔ mɛsɑ́ŋntsʉ́ʉ, ḿbɔ́ yi ɛ́ lɑɑ ḿbɔ́ ŋɡɛsɑ́ŋ yɛkŋɛ, pɛ́ lɔk ŋkɑ́p-fɑꞋ-tɑ́Ꞌ lɛ́Ꞌlɑ́Ꞌ, ńzúu kílɔ yɛ́tɑ́t, ŋ́ɡʉ nǔu mɛɡwɛ́t pɔ́p mɛluꞋ, kɔɔ ɡɛ nǔu ntɛ́ yi pɛ́ ɡʉ ńjɑ́k.

2 Timɔtɛ́ɛ 3:15

Ɔ kɑ ɡɔ́ ńdɔ sɛ́ ḿbɔ́ ńjí yúu mi ŋwɑꞋnɛ-Sɛ́ yɛ́tɛ́, ḿbɔ́ yɛ́tɛ́ ɡɑ́nɛ wú nɛ́ jínu nɛlɔk ńzɑ́p tʉ́m nǔu Yɛ́su Kɛlístɔ, Sɛ́ ɡɛ ɔ luk.

Lúkɑ́shi 10:35

Njí ɡɛ ŋ́kiɛ, ɑ jʉ́ɔ ŋɡɑŋndɑ́, ńdɔɔ ŋkɑ́p pɑk pɛ́pɑ́, ŋ́ɡɑ́ mbɔ̌ wɛ́, ńcú ŋɡɔ: Kɔ ŋkɑ́p yɔ, ńtsʉ́Ꞌ ḿbɔ́ ńdɔk ńzɔŋ ŋu wɔ. Ɛ́ lɑɑ ńtsʉ́Ꞌ ŋ́kʉ̈ɔ́k tɛ ɔ kẅiꞋ pɔ lɑ́ɑ lɑ́, mbɔ mɔ ŋ́ɡɛ tsʉꞋ nɛpɛn nzʉʉ, tsɔ́Ꞌ, ŋ́ɡɑ́ mbɔ̌ ɡu.»

Lúkɑ́shi 1:15

A ŋ́ɡɛ ńdɑ́Ꞌ ḿbɔ́ mbɔ̌ Sɛ́ ḿbɔ́ ŋu tɛꞋ. A ńdɑ́Ꞌ ḿbɔɔ mɛluꞋ ńnɔ́ pɔ́, tɛ mbɑ kʉ̈ɔ́ lɑ́ yi ḿbɔ́ ŋu nɔ́ ḿbɑ́. A ŋ́ɡɛ ńdɑ́Ꞌ ńzɛɛ ŋ́ɡɔ ńcẅɛt nɛpɛm-mɑ́ wɛ, mbɔ Zẅikŋɛ Lɛ́ɛnɛ́nɛ jʉ́ mɔ́ wɛ́.

Mɑtʉ̈ɔ 22:19

Pʉʉ nyɛt wɑ́ɑ nɛ́ ŋkɑ́p yi pɛ́ lɔknɛ ŋ́ɡɑ́ ntsup. Pɔ́p lɔk pɑk-ŋkɑ́p ńtɔ́, ńnyɛt wɛ́.

Mɑtʉ̈ɔ 20:13

Ŋɡɑŋkɑ́Ꞌ tsɔ́Ꞌ mbɔ̌ wɛcɔ́ tɑ́Ꞌ ŋu nǔu pɔ́p ŋɡɔ: «Súu wɑɑ, ŋ kɑ́ fɑɑnɛ yɛcɔ́ nu mbɔ̌ ɡu pɔ́. Pûu lɑ́Ꞌ ńniitɛ tɛ ḿbɔ́ tɑ́Ꞌ ŋu, pɑ́Ꞌ ɔ ɡʉ cẅɛ́ɛ tɑ́Ꞌ pɑk-ŋkɑ́p nǔu lɛ́Ꞌlɑ́Ꞌ.»

Mɑtʉ̈ɔ 18:28

Lɑ́ ŋɡɑŋfɑꞋ wɑ́ fú mbi fɔɔ ŋ́ɡʉ ŋ́kúu sɛ̂ndúŋ, ḿbuutɛ wɛcɔ́ súu nɛ ŋɡɑŋfɑꞋ, mbɔ ẅîwɑ́ ŋɡɑŋfɑꞋ kɑ tɔ́ ńcẅɛ́ɛ ŋkɑ́p yɛ́ tɛ ɛ́ pɔ́ ŋkɑ́p pɑk ŋkʉ. A puutɛ wɛ́ pɔ́Ꞌɔ, ŋ́ɡẅɛɛ wɛ́, ńtík ŋɡɑk lɔ́ŋ wɛ́, ńcú ŋɡɔ: «Gɑ́ ŋkɑ́p yɑɑ yɑ́ pɔ ŋkɔ̂ɔnɛ.»

Mɑtʉ̈ɔ 9:37

Pɔ́Ꞌɔ, ɑ ɡɔɔ ŋ́kɛ́ ńcú mbɔ̌ ɡɑŋku pɛ́ ŋɡɔ: «Yúu pinɛ pɛ́ ɡʉnɛ ŋkɑ́Ꞌ nɛlɔk zɑ́ɑ tɛꞋ, ndɛn ɡɑŋfɑꞋ pɛn kʉ̈ɔ́k.

Mɑtʉ̈ɔ 20:1

Yɛ́su pɛn ŋɡɔ: «nu-nɛfɔɔ-Sɛ́ ɡɔ́ɔ ḿbɔ́ pɔ pɑ́Ꞌ nu-wɛcɔ́ ŋu ẅí ɑ kɑ mʉ́ʉnɛ mbɑ́ꞋmbɑꞋɑ́, ŋ́ɡʉ lɔɔ ɡɑŋfɑꞋ pínɛ ɑ ɡʉ ńníꞋ ŋkɑ́Ꞌ yɛ́.»

Mɑtʉ̈ɔ 20:3

Nɛm yɛ́nɛ́pfuꞋú pɛn ŋ́kuꞋ, ɑ pɛn ńcẅɛt njɛ́Ꞌ yɛ́, ńjʉ́ɔ pɛcɔ́ ɡɑŋfɑꞋ pɛn ńtʉ́ʉ mɛfyɑkŋɛ-ndúŋ, mbɔɔ pɔ́ ŋ́ɡɛ yɛcɔ́ yúu pɔ́.

Mɑ́lɛ́kúshi 12:15

Yɛ́su jʉ́ɔ pɑꞋ pɔ́p pɔ́ pɔ pɑŋkɔŋmík, ńtsɔ́Ꞌ mbɔ̌ pɔ́p ŋɡɔ: «Pʉʉ ŋ́kwɑꞋlɛ wɑ́ɑ mɛlɑ́Ꞌ kʉ̈ɔ́? Pʉʉ lɔk pɑk-ŋkɑ́p ńtɔ́ ńnyɛt wɑ́ɑ.»

Lúkɑ́shi 20:24

«Pʉʉ ńnyɛt wɑ́ɑ nɛ́ pɑk-ŋkɑ́p.» Pɛ́ ɡɑ́ mbɔ̌ wɛ́. A píknɛ ŋɡɔ: «Yɔ shʉ́-wɔ̌ ẅi ɛ́ nǔu ŋkɑ́p? Yɔ pɔ́ lík wɔ̌ yi ɛ́ nǔu?» Pɔ́p tsɔ́Ꞌ mbɔ̌ wɛ́ ŋɡɔ: «Ɛ́ wɛ Kɑ́sɑ, lík pɛn ḿbɔ́ pɔ yɛ́.»

Mɑtʉ̈ɔ 20:9

Pʉɔ pínɛ pɔ́p zɛ yɔ́p fɑꞋ nǔu nɛm yɛ́tɑ́ɑ ntsuŋkẅɛ́Ꞌ tɔ́, pɛ́ ɡɑ́ tɑ́Ꞌ pɑk-ŋkɑ́p mbɔ̌ mbɑ wɔ̌ lɑ́ nǔu pɔ́p.