15 Ŋ ɡẅɛɛ nɛlɔk ŋkɑ́p yɑɑ ŋ́ɡɛ yúu mi ŋ kɔŋnɛ, ɛ́ kɑ́ pɔ́ pɔ́Ꞌɔ pɔ́ kɛ? Kɛ ɔ zɑ́ŋ lɔ́ŋ ntɛ́ pɔ nu yí ɔ jʉ́ɔnɛ m bɔ́ ŋɡɑŋ-pɔŋtʉ́m ɔɔ?
ḿbɔ́ ŋ́ɡɛ ɡɑ́ɑ, ḿbɔ́ ŋ́ɡẅɛɛ kɛ́ɡʉ̈ɔꞋ, ŋ́ɡẅɛɛ shíshí tʉ́m, ŋ́ɡẅɛɛ fúklɛ, ŋ́kúu nɛjúk kɛpɔŋ, ŋ́kɔ́Ꞌ lɔ́ŋ, ńtík sɔ́ɔ tú-ŋu, ŋ́ŋɑ́Ꞌ mbʉʉ, ńdʉꞋ ntík tsʉʉ.
Lɑ́ mík mú pɛn ḿbɔ́ tɛ sʉ́ʉ, mbɔ ɔ ɡʉ ńtsʉ́Ꞌ ḿbɔ́ pɔ tsɛt nzɛ́nzʉ́ʉ. Mík mú pɔ́ tɛ sʉ́ʉ pɑ́Ꞌ pɛ́ cúnɛ lɑɑ, mbɔ ɔ ɡʉ ńtsʉ́Ꞌ ḿbɔ́ pɔ tsɛt fɛ́m nzɛ́nzʉ́ʉ.
Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»
Pʉʉ kɑ pɔ́ yɛcɔ́ ŋkɑ́ ḿbɔ́ mbɔ̌ Sɛ́, mbɔ pʉʉ kɑ pfú mɔ́ mbíꞋ pɑ́Ꞌ pʉʉ kɑ pɔ́ ɡɑŋmɛfɑɑnɛ ḿbɛn ḿbɔ́ pɑɡɛ mɛnu kɛpɔŋ.
Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.
Kʉ̈ɔ́ zɛɛnɛ ŋ́ɡɛ ɔ kwɑŋɛ ŋɡɔ ɔ lɛɛ pɛcɔ́ pʉɔ? Ɔ ɡẅɛɛ kʉ̈ɔ́ tɛ ɛ́ pɔɔ pɔ́ pɔ yi Sɛ́ kɑ ɡɑ́nɛ mbɔ̌ ɡu pɔ́ ɔɔ? Ɛ́ lɑɑ ḿbɔ́ yi Sɛ́ kɑ ɡɑ́ mbɔ̌ ɡu ɡɑ́nɛ, mbɔ ɔ pɛn ńdɔk ŋ́ŋɑ́Ꞌtɛ pɔ pɑ́Ꞌ ŋkɑ́ yi Sɛ́ ŋkɑɑ ɡɑ́ mbɔ̌ ɡu ɡɑ́nɛ pɔ́ mɛlɑ́Ꞌ kʉ̈ɔ́?
Pɑyúdɑ jʉ́ɔ ndɛn lɑ́Ꞌ yi ɛ́ kɔ́Ꞌnɛ, ŋ́kɔ́Ꞌ lɔ́ŋ, ńzɛ nɛsɑ shuk-nu yí Pɔ̂l pɔ́p Pɑnɛpɑ́ɑshi cúnɛ, ńzɛ nɛzɔɔtɛ wɔ́p.
Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.
Pɔ́ɔpɛ́mɑ́ pɑ́ɑ, pʉʉ pɑ́ɑ nɛɡẅɛɛ sẅíitɛ tsɛtsɛt pʉʉ, ńjí ŋɡɔ Sɛ́ kɛ́ ɡɛ ńcú ŋɡɔ pʉʉ vu ntsɑŋ pɔ́, nzɑ́Ꞌmɛntsɑŋ tɔ́ tɛ ńtʉ́ʉ ntsundɑ́.
Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.
ɑ kɑ ɡɛ pɛkŋɛ pɛ Kɛlístɔ pɛn ḿbɔ́ ɡú, tɛ mbɑ pɑ́Ꞌ pɛkŋɛ kɑ pɔ́ mbɔ̌ wɛ́ yɛcɔ́ ŋkɑ́, mbɔ pɛkŋɛ kɑ pfú mbíꞋ mɛfɑɑnɛ mɛkŋɛ lɑ́. A kɑ lɔk pɔ pɔŋtʉ́m yɛ́ ŋ́ɡɛ pɛkŋɛ luk.
Kɔ ŋkɑ́p yu, ɛ́fú nɛjɔ́ŋ mɔ ńtsʉ́ʉtɛ. Ɛ́ ɡʉ nǔu ŋu ẅí ɑ tɔ́ pɔ nzʉʉ, mbɔ n jʉ́ɔ ŋɡɔ ŋ ɡʉ ŋ́ɡɑ́ ndʉ́ŋndʉŋ yúu mi ŋ ɡɑ́nɛ mbɔ̌ ɡu mbɔ̌ wɛ́.
