Mɑtʉ̈ɔ 20:14 - Kɑɑ Fí

¹⁴ Kɔ ŋkɑ́p yu, ɛ́fú nɛjɔ́ŋ mɔ ńtsʉ́ʉtɛ. Ɛ́ ɡʉ nǔu ŋu ẅí ɑ tɔ́ pɔ nzʉʉ, mbɔ n jʉ́ɔ ŋɡɔ ŋ ɡʉ ŋ́ɡɑ́ ndʉ́ŋndʉŋ yúu mi ŋ ɡɑ́nɛ mbɔ̌ ɡu mbɔ̌ wɛ́.

Mɑtʉ̈ɔ 20:14 交叉引用

Jɑ̂ŋ 17:2

Ɔ kɑ ɡɑ́ mɛtʉʉ mbɔ̌ wɛ́ nɛlɔk ńdíŋɛ pʉɔmɛsɔŋ, ńjí ŋɡɔ ɑ ɡʉ ŋ́ɡɑ́ luk kɛ́ mɛ, mbɔ̌ pʉɔ tsʉʉ pí ɔ kɑ ɡɑ́nɛ mbɔ̌ wɛ́.»

Lúkɑ́shi 15:31

Tɑ́t wɛ cú ŋɡɔ: «Mɔ́ɔ wɑɑ, pûu júknɛ. Kʉ̈ɔ́ lɑ́ yi ŋ ɡẅɛɛnɛ pɔ yú.

Pʉɔ-Lɔ́mɑ 3:19

Mɔnɛ mɛnu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-nɛpʉ́ʉ-Sɛ́, pɛkŋɛ pɛn ńjí ŋɡɔ nu tsʉʉ yí nɛpʉ́ʉ cúnɛ, m biitɛ ńcú mbɔ̌ pɑyúdɑ pi nɛpʉ́ʉ ɛ̂nɑ́ sɑ́Ꞌnɛ wɔ́p. Pɑ́Ꞌ pɔ́p pɛn ḿbɔ́ yɔ́p pɔ ɡɑŋ-mɛfɑɑnɛ lɑ́, ntsu mbɑ wɛ́tɛ́ ŋumɛsɔŋ lɑ́, ɡʉ ńjʉ́ɔꞋnɛ, mbɑ wɔ̌ lɑ́ pɛn tʉ́ʉ mbi Sɛ́ ḿbɔ́ pɔ ŋu ẅí ɑ vunɛ ntsɑŋ.

Pʉɔ-Lɔ́mɑ 3:4

Ŋɡɑ́ŋ, ḿbɔ́ ɑ pɔɔ pɔ́Ꞌɔ ɡɛ. Tɛ mbɑ pɑ́Ꞌ pʉɔmɛsɔŋ tsʉʉ pɔ́ pɔ ɡɑŋcɔtnu, jʉ́ Sɛ́ lɔɔ ŋ́kɛ́ ńcú nu ḿbɛn ŋ́kúpmɛ pɔ́. Ɛ́ ndʉ́ŋndʉŋ pɑ́Ꞌ pɛ́ kɑ ŋwɑꞋnɛ́nɛ tsɛt ŋwɑꞋnɛ Sɛ́ ŋɡɔ: «Gu Sɛ́ pɔ́ tɛ ńcú nu pɛ́ ɡẅɛɛ nɛjí ŋɡɔ sẅiŋɛ yú ndʉ́ŋndʉŋ, ḿbɔ́ yi ŋu lɑɑ ŋ́ŋɑk wú ɑ pɔɔ wú jʉ́.»

Mɑtʉ̈ɔ 6:16

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:6

Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.

Mɑtʉ̈ɔ 6:2

Ɔ lɑɑ ḿbɔ́ ŋ́ɡʉ ŋ́ɡɑ́ ŋkɑ́p mbɔ̌ pɑkɛ́yúu, kɔɔ ɡɛ pɔ́ pɑ́Ꞌ pɛ́ ɡʉ tʉ́ʉ ḿbɔ́ ńjʉ́ɔ. Gɑŋnyɛtmbʉʉ ɡɛnɛ pɔ́Ꞌɔ. Pɔ́p kúu ndɑ́-cúꞋlɛ, ńtʉ́ʉ mbɑ mɛtú-ndúŋ lɑ́ ŋ́ɡɑ́ yúu, pɔ́Ꞌɔ, ŋɡɔ pʉɔ ɡʉ̈ɔꞋlɛ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Lúkɑ́shi 16:25

Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Mɔ́ɔ wɑɑ, kẅíitɛ pɑꞋ ɔ kɑ pɛ́t ndǔ mbí ḿbɔ́ tsɛt fuꞋ, Lɑzɑ̂ɑ pɔ́ ńjʉ́ɔ ŋɡʉ̈ɔ́Ꞌ, ɛ́ pɛn ḿbɔ́ ŋkɔ̂ɔnɛ, Lɑzɑ̂ɑ pɔ́ tsɛt fuꞋ, ɔ pɔ́ ńjʉ́ɔ ŋɡʉ̈ɔ́Ꞌ.

Mɑtʉ̈ɔ 20:13

Ŋɡɑŋkɑ́Ꞌ tsɔ́Ꞌ mbɔ̌ wɛcɔ́ tɑ́Ꞌ ŋu nǔu pɔ́p ŋɡɔ: «Súu wɑɑ, ŋ kɑ́ fɑɑnɛ yɛcɔ́ nu mbɔ̌ ɡu pɔ́. Pûu lɑ́Ꞌ ńniitɛ tɛ ḿbɔ́ tɑ́Ꞌ ŋu, pɑ́Ꞌ ɔ ɡʉ cẅɛ́ɛ tɑ́Ꞌ pɑk-ŋkɑ́p nǔu lɛ́Ꞌlɑ́Ꞌ.»

Mɑtʉ̈ɔ 20:15

Ŋ ɡẅɛɛ nɛlɔk ŋkɑ́p yɑɑ ŋ́ɡɛ yúu mi ŋ kɔŋnɛ, ɛ́ kɑ́ pɔ́ pɔ́Ꞌɔ pɔ́ kɛ? Kɛ ɔ zɑ́ŋ lɔ́ŋ ntɛ́ pɔ nu yí ɔ jʉ́ɔnɛ m bɔ́ ŋɡɑŋ-pɔŋtʉ́m ɔɔ?