Biblia Todo Logo
在线圣经

- 广告 -




Mɑtʉ̈ɔ 20:1 - Kɑɑ Fí

1 Yɛ́su pɛn ŋɡɔ: «nu-nɛfɔɔ-Sɛ́ ɡɔ́ɔ ḿbɔ́ pɔ pɑ́Ꞌ nu-wɛcɔ́ ŋu ẅí ɑ kɑ mʉ́ʉnɛ mbɑ́ꞋmbɑꞋɑ́, ŋ́ɡʉ lɔɔ ɡɑŋfɑꞋ pínɛ ɑ ɡʉ ńníꞋ ŋkɑ́Ꞌ yɛ́.»

参见章节 复制




Mɑtʉ̈ɔ 20:1
22 交叉引用  

Yɛ́su pɛn ŋɡɔ: «Nu-nɛfɔɔ-Sɛ́ pɛn ḿbɔ́ pɔ pɑ́Ꞌ nu-mɛŋkʉ mi ŋu mɑꞋnɛ tsɛt nɛkʉŋ-ŋki, mɛshú kúu tsɛtú ntɛ́ ntɛ́.


Yɛ́su pɛn ɛ́sẅíi wɔ́p nɛ́ yɛcɔ́ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑꞋ nu-ŋu ẅí ɑ kɑ pinɛ mbiyúu sʉ́Ꞌnɛ ŋkɑ́Ꞌ yɛ́.


Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.


Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.


Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»


Yɛ́su pɛn ńcú ŋɡɔ: «Pɔ́Ꞌɔ lɑ́, nu-nɛfɔɔ-Sɛ́ ɡʉ ńdɑ́Ꞌ ɛ́fí nu-pɔ́ɔŋɡɔɔ nɛɡɛ́m pi pɔ́p kɑ tíinɛ mɛkyɛꞋ mɔ́p, ŋ́ɡʉ nɛzɑ́Ꞌ ŋu mbɛ́ɛnɛ ẅí ɑ ɡʉ ńzɔ́Ꞌ.


«Pʉʉ jʉ́ɔ pɑ́Ꞌ nɛfɔɔ-Sɛ́ pɔ́nɛ. Ɛ́ pɔ́ pɔ pɑ́Ꞌ nu-wɛcɔ́ fɔɔ ẅí ɑ kɑ lɑ́Ꞌnɛ ńniitɛ mɑ́mɑ́ ndínɑ nǔu nu-lɑ́ɑndɑ́ mɔ́ɔ nɛ wɛ mbɛ́ɛnɛ.


Yɛ́su pɛn ńcú yɔ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑ́Ꞌ mɔ́zʉꞋ fɛntɛ yi mɑŋɡɛ́ lɔknɛ ɛ́fɛntɛ fɑlîn yi ɑ fʉꞋnɛ túkɑ́ŋ yɛ́tɑ́t ńtsɛp, ḿbúꞋ púꞋnɛ tɛ mɔ́zʉꞋ fɛntɛ ɛ̂yɑ́ ɡɛ, fɑlîn yi tsɛpnɛ ɛ̂yɑ́ kɔ́Ꞌ tsʉʉ.»


Yɛ́su pɛn ńcú yɛcɔ́ sɑknɛkɛt mbɔ̌ pɔ́p ŋɡɔ: «Nu-nɛfɔɔ-Sɛ́ ɡɔ́ɔ ḿbɔ́ pɑꞋ yɛcɔ́ ntɛ́ nɛsɑɑ-sɛ́súk yí ŋu kɑ pinɛ ḿbi yɛ ŋkɑ́Ꞌ yɛ́.


Ɛ́ ɡʉ ńdɑ́Ꞌ ḿbɔ́ pɔ pɑ́Ꞌ nu-ŋu ẅí ɑ kɑ tsʉ́Ꞌ nɛɡʉ nɛnɛn, ɛ́fúŋ ɡɑŋfɑꞋ pɛ́, ńnɑ́ ŋkɑ́p yɛ mbɔ̌ pɔ́p,


Mɛnu ŋkɑ́ ɛ̂yɑ́ ɡʉ ŋ́ɡɛ ḿbɔ́ pɑꞋ nu-ŋu ẅí ɑ tsʉꞋ nɛɡʉ nɛnɛn, fɛ́ɛ ndɑ́ yɛ mbɔ̌ ŋɡɑŋfɑꞋ wɛ́, ŋ́ɡɑ́ fɑꞋ yí ẅîwɑ́ ŋu ɡʉ ńtsʉ́ꞌ ḿbɔ́ ɛ́fɑꞋ, ńcú mbɔ̌ ŋu ẅí ɑ pyɛ́pnɛ ntsuŋkɑ́Ꞌ ŋɡɔ kɔɔ ɑ fʉ̈ɔ́nɛ ńdɛ́.


«Pʉʉ kúpmɛ mɑt wʉʉ, mbíꞌŋɡɔ ŋkɑ́ yi Sɛ́ ɡʉ ɛ́sɑ́Ꞌ nɛfɔɔ nɛ́ kẅɛ́Ꞌlɛ tɛ ḿbɔ́ ḿbɑ́ɑtɛ.»


Ŋkɑ́ kuꞋ Yɛ́su cú ŋɡɔ: «Pʉɔ-Yɛlúsɑlɛm, pʉɔ-Yɛlúsɑlɛm, pʉʉ ẅí pʉʉ jẅínɛ pɛŋɡɛ́mndʉ̈ɔ́Ꞌ-Sɛ́ jẅínɛ, ńdɔk mɛŋɡɔꞋ ńtɛ́m pʉɔ pínɛ Sɛ́ túunɛ wɔ́p mbɔ̌ pʉʉ ńjẅítɛ, ŋkɑ́ yɛsʉ́Ꞌʉ́ pɑ́Ꞌ n dɔɔnɛ nɛcúꞋlɛ wʉ́ʉ, pɑ́Ꞌ mɔ̂ŋɡɛ́p cúꞋlɛ pɔ́ɔ pɛ́ mɛpɑp yɛ́, pʉʉ kɛ́ ńdʉꞋ lʉꞋnɛ?


Yɛ́su pɛn ńcú ŋɡɔ: «Pʉʉ zúꞋ yɔ nu, ɛ́sẅíi wɑ́ɑ nɛ́ nu yí pʉʉ kɑ kwɑŋɛ́nɛ. Wɛcɔ́ ŋu kɑ lɑ́Ꞌ ŋ́ɡẅɛɛ mbɔ́ŋkʉ̈ɔ́ pɛ́ pɛ́pɑ́, ńcú mbɔ̌ nduŋmbi ŋɡɔ: “Mɔ́ɔ wɑɑ, ɡʉ ŋkɑ́Ꞌ lɔ́Ꞌnɛ ńjúk zúꞋu ɛ́fɑꞋ.”»


Pɔ́p pɛ́ ɡɑŋfɑꞋ niitɛ pɑ́Ꞌ ɑ ɡʉ ŋ́ɡɑ́ tɑ́Ꞌ pɑk-ŋkɑ́p mbɔ̌ tɑ́Ꞌ ŋu nǔu lɛ́Ꞌlɑ́Ꞌ. A ɡɔ́ɔ ŋ́kɛ́ ńcú pɔ́p ɡʉ nɛ́ ŋkɑ́Ꞌ yɛ́.


跟着我们:

广告


广告