Mɑtʉ̈ɔ 19:22 - Kɑɑ Fí

²² Mɔ́ɔsuu zúꞋ yɔ sẅiŋɛ, shʉ́ wɛ́ pfúu, ɑ tɛ́m ŋkwɛn yɛ́ ŋ́ɡʉ, mbíꞋŋɡɔ ɑ kɑ ɡẅɛɛ yúu tʉʉndɛn tɛꞋ.

Mɑtʉ̈ɔ 19:22 交叉引用

Mɑtʉ̈ɔ 6:24

Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Mɑtʉ̈ɔ 13:22

Mbiyúu mi ɛ́ vunɛ tsɛt nɛɡíi kɛpɔŋ, nu-pʉɔ pínɛ pɔ́p zúꞋnɛ sẅíŋɛ-Sɛ́, ŋ́ɡɛ ńzɛ nɛmʉk mɛnu-njí, ńzɛ nɛzɑ́p tʉ́m yɔ́p nǔu ŋkɑ́p. Yîyɑ́ yúu ɡɛ sẅíŋɛ-Sɛ́ mɛ tʉ́m pɔ́p kɛ́ pii.

Kɔlɔsíyɛ̂ŋ 3:5

Pɑ́Ꞌ ɛ́ pɔ́Ꞌɔ lɑ́, pʉʉ jẅí mɑt kɛpɔŋ wɛ ndǔ tsɛ́tsɑ́Ꞌ ẅí ɛ́ nǔu pʉʉ. Pɛ́ cú yúu pɑ́Ꞌ mbɛ́ɛnɛ nɛfúŋ pɑŋɡɛ́, pɑŋɡɛ́ nɛlɔɔ mbɛ́ɛnɛ, yúu pɑ́Ꞌ nu-mpfuꞋ, yúu pɑ́Ꞌ tʉ́m-ŋu nɛnɑ́ŋ ɛ́shí, pɑ́Ꞌ nɛɡẅɛɛ yɛcɔ́ ntɛ́ nɛtsɑ́ɑ yúu, pɑ́Ꞌ nɛtík tʉ́m nǔu yúu, mbíꞋŋɡɔ nɛtík tʉ́m nǔu yúu, ɛ́ pɛn ḿbɔ́ pɔ yɛcɔ́ ntɛ́ nɛɡúꞋlɛ yúu ŋɡɔ ɛ́ Sɛ́.

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

Mɑ́lɛ́kúshi 10:22

Ŋu wɑ́ zúꞋ yɔ sẅiŋɛ, shʉ́ wɛ́ ɡɔ́ɔ ḿpfúu. A tɛ́m ŋkwɛn yɛ́, ŋ́ɡɔ ŋ́ɡʉ, ńcɔ́ŋɛ tú yɛ́ cɔ́ŋɛ́nɛ, mbíꞌŋɡɔ ɑ kɑ ɡẅɛɛ yúu tʉʉndɛn tɛꞋ.

Mɑtʉ̈ɔ 16:26

Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?

Lúkɑ́shi 18:23

A zúꞋ, shʉ́ wɛ́ pfúu, mbíꞋŋɡɔ ɑ kɑ ɡẅɛɛ yúu-ŋkɑ́p tɛꞋ.

Mɑtʉ̈ɔ 14:9

Fɔɔ zúꞋ ḿbuu ḿmʉk tɛꞋ. Lɑ́ nɛpɔ́ yi ɑ lɑ́Ꞌ ńcú mbi pɛɡʉʉ pɛ́ tɛ ŋ́kɑɑ ɡɛ, ɑ cú ŋɡɔ pɛ́ ɡɑ́ tú-Jɑ̂ŋ mbɔ̌ mɔ́ɔ mɑŋɡɛ́ ɛ̂wɑ́,

Mɑ́lɛ́kúshi 6:26

Fɔɔ zúꞋ, shʉ́ wɛ́ ɡɔ́ɔ ḿpfúu, lɑ́ nɛpɔ́ yi ɑ lɑ́Ꞌ ńcú mbi pɛɡʉʉ pɛ́ tɛ ŋ́kɑɑ ɡɛ ɑ pɔɔ jí nɛlʉꞋ pɔ́.

Mɑtʉ̈ɔ 19:21

Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑtʉ̈ɔ 19:23

Yɛ́su cú mbɔ̌ ɡɑŋku pɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, ŋɡɔ Ɛ́ tɛn mbɔ̌ ŋɡɑŋyúu nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.»

Jɑ̂ŋ 16:20

Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńdɑɑ, ńtswɑ́ɑ mbʉʉ yʉʉ, pʉɔ-ndǔmbí pɔ́ ńtsɑ́ɑtɛ yɔ́p tsɑ́ɑtɛ́nɛ. Pʉʉ nɑ́ŋ tsɛt nɛmʉk; lɑ́ nɛmʉk wʉʉ ɛ̂wɑ́ ɡɛ ɛ́shɔtnɛ ńtsʉ́Ꞌ pɔ tsɑ́ɑtɛ.»