Mɑtʉ̈ɔ 19:21 - Kɑɑ Fí

²¹ Yɛ́su pʉ̈ɔt mbɔ̌ wɛ́ ŋɡɔ: «Ɔ lɑɑ ḿbɔ́ ńdɔɔ nɛmɛkŋɛ ńdẅiklɛ, ɔ ɡʉ ɛ́fɛn yúu pinɛ ɔ ɡẅɛɛnɛ tsʉʉ, ŋ́ɡɑ́ ŋkɑ́p mbɔ̌ pɑkɛ́yúu, ŋ́ɡɔ́ɔ ŋ́kɛ́ ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Mɑtʉ̈ɔ 19:21 交叉引用

Mɑ́lɛ́kúshi 10:21

Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 18:22

Yɛ́su zẅíꞋlɛ lɑ́ ńtsɔ́Ꞌ mbɔ̌ wɛ́ ŋɡɔ: «Tɑ́Ꞌ yúu yɛmɔ́Ꞌ kɛ́ ḿbɛ́t ńjɑ́k mbɔ̌ wu. Gʉ ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɛkɛyúu, ŋ́ɡɛ ńdɑ́Ꞌ ŋ́ɡẅɛɛ yúu tʉʉ ndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»

Lúkɑ́shi 12:33

Pʉʉ fɛn yúu mi pʉʉ ɡẅɛɛnɛ, ŋ́ɡɑ́ ŋkɑ́p mbɔ̌ pɛkɛyúu, ńdɔk ŋ́ɡẅɛɛ pɔ́ɔpɑɑ-ŋkɑ́p pi ḿbɔ́ ɛ́ pɔɔ tɔ́ktɛ, ńdɔk ńdẅɛꞋ fuꞋ yʉ́ʉ nɛjɔ́ŋ Sɛ́. Ɛ́ zʉꞋ yi ɛ́ lɑɑ ḿbɔ́ zúꞋu, ɛ́ pɔɔ mɛ, pɛtsɔ́ŋ pɔɔ kuꞋ nɛjɔ pɔ́, shʉ́ɔꞋŋɡɔ́Ꞌ pɔɔ kuꞋ nɛjʉ́ pɔ́.

Lúkɑ́shi 14:33

Pɔ́Ꞌɔ Yɛ́su cú mbɔ̌ pɔ́p ŋɡɔ: «Ɛ́ ndʉ́ŋndʉŋ pɔ́Ꞌɔ, mbɑ wɔ̌ lɑ́ tsɛtsɛt pʉʉ lɑɑ ḿbɔɔ piitɛ ńnɑ́ yúu tsʉʉ yi ɑ ɡẅɛɛnɛ pɔ́, mbɔ ɑ kɛ́ kuꞋ nɛpɔ́ ŋɡɑŋkuwɑɑ pɔ́.»

ŊwɑꞋnɛ-Gɑŋntúu Yɛ́su Kɛlístɔ 2:45

Pɔ́p kɑ pɔ́ ɛ́fɛn mɛtsɛ́tsɑ́Ꞌ mɔ́p mbɑ yúu tʉʉndɛn yɔ́p, ńdɔk ŋkɑ́p ńtɔ́ pɛ́ ɡɑptɛ ŋ́ɡɑ́ yɛ mbɑ wɔ̌lɑ́ pɔ pɑ́Ꞌ ɛ́ ɡʉ ŋ́kuꞋ nǔu yɛ́ nu.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

Lúkɑ́shi 9:23

Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.

Jɑ̂ŋ 10:27

Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Lúkɑ́shi 16:9

Yɛ́su cú mbɔ̌ pɔ́p ŋɡɔ: «Pʉʉ lɔk yʉ́ʉ yúu ndǔ tsɛ́tsɑ́Ꞌ yɔ yi ɛ́ fúklɛ́nɛ wʉ́ʉ, ŋ́kúu kwɑꞋ súu yi ɛ́ ńtswɛ́ kɛ́ mɛ, ɛ́ lɑ́Ꞌ ńtʉ́ʉ ŋkɑ́ yi yîyɑ́ yúu kɑ́ pɛ́t ɡú pɔ́, pɔ́p lɔk wʉ́ʉ ŋ́kúu tsɛt mɛndɑ́ mi ɛ́ ńdɑ́Ꞌ ḿbɛ́ pɔ́, pʉʉ tswɛ́ ḿbɔ́ zúꞋu.

Mɑtʉ̈ɔ 19:28

Yɛ́su pʉ̈ɔt ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pɛ́ ɡʉ ńdɑ́Ꞌ ŋ́kúu tsɛt ŋɡɔŋ fí, Mɔ́ɔ-Ŋu nɑ́ŋ ndǔ kɔꞋ-nɛfɔɔ nɛ́ ni ɛ́ ɡẅɛɛ nɛɡúꞋ, pʉʉ pʉɔ ntsɔ̌ppɑ́ nɛ́ nɛɡɛ́m pi pʉʉ kɑ cʉ́ɔnɛ nzʉʉ mɔ, pɛn ńnɑ́ŋ yʉ́ʉ ndǔ mɛkɔꞋ ntsɔ̌ppɑ́ nɛ́ nɛɡɛ́m, ŋ́ŋɑk pʉɔ-Íslɑyɛ̂l, njẅɛtndɑ́ ntsɔ̌ppɑ́ nɛ́ nɛɡɛ́m.»

Mɑtʉ̈ɔ 16:24

Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.

Lúkɑ́shi 6:40

Ḿbɛn ŋ́ɡɔ: NzíꞋfɑꞋ kɑ́ tsɑ tɑ̌ɑfɑꞋwɛ pɔ́. Lɑ́, nzíꞋfɑꞋ ẅí ɑ zíꞋ fɑꞋ tɛ ḿmɛk, ɡɛ yɛ́ pɑ́Ꞌ tɑ̌ɑfɑꞋ wɛ lɑ́.

Lúkɑ́shi 5:27

Yɛ́su ɡɛ pɔ́Ꞌɔ ńcẅɛt ḿbɔ́ ŋ́ɡʉ, ńjʉ́ɔ wɛcɔ́ ŋu ẅi pɛ́ fúŋnɛ wɛ́ ŋɡɔ Lɛ́vi, ɑ pɔ́ ńcẅɛ́ɛntsup-Pɑlɔ́mɑ, ɑ nɑ́ŋ zʉꞋ pɛ́ cẅɛ́ɛnɛ ntsup-pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Cʉ́ɔ nzʉʉ mɔ!»

Mɑ́lɛ́kúshi 8:34

Ŋ́ɡɔ́ɔ ŋ́kɛ́ ɛ́fúŋ lɑ́Ꞌ mbɑ ɡɑŋku pɛ́, ńcú mbɔ̌ pɔ́p ŋɡɔ: «Ŋu lɑɑ ŋ́ɡʉ ḿbɔ́ wɑɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.»

Mɑtʉ̈ɔ 9:9

Yɛ́su fú zúꞋu ŋ́ɡʉ, ŋ́ɡɔ ńdɛɛ zʉꞋ yí pɛ́ cẅɛ́ɛnɛ ntsup-Pɑlɔ́mɑ zúꞋu, wɛcɔ́ ŋu nɑ́ŋ, lík yɛ́ pɔ́ ŋɡɔ Mɑtʉ̈ɔ. Yɛ́su cú mbɔ̌ wɛ́ ŋɡɔ: Tɔ́ pûu tsʉ́Ꞌnɛ ńnɛn. A lɔ sɛ́, ńcʉ́ɔ nzʉʉ yɛ́.

Ɛ́bɛlʉʉ 10:34

Ŋɡɑŋtsɑ́ŋ kɑ pɔ́ ńjʉ́ɔ ŋɡʉ̈ɔ́Ꞌ, pʉʉ kúu yʉ́ʉ tsɛtsɛt pɔ́p. Ŋkɑ́ yi pɛ́ kɑ ɡẅɛɛnɛ yúu pʉ́ʉ ńcẅɛ́ɛ, pʉʉ lɔk pɔ tsɑ́ɑtɛ ḿbɛ́m pɛ́ cẅɛ́ɛ, mbíꞋŋɡɔ pʉʉ kɑ pɔ́ ńjí ŋɡɔ pʉʉ ɡẅɛɛ mɛcɔ́ mɛyúu ɛ́ pɔ́ mi ɛ́ pɔŋ ńdɛɛ mîmɑ́ ḿbɛn ḿbɔ́ mi ɛ́ ɡʉ ńdɑ́Ꞌ ḿbɔ́ pɔ ɡú.

Mɑ́lɛ́kúshi 2:14

A pɔ́ ńnɛn, ńjʉ́ɔ Lɛ́vi mɔ́ɔ-Alfɛ̂, ɑ nɑ́ŋ zʉꞋ yi ɑ kɑ pɔ́ ńcẅɛ́ɛ ntsup pʉɔ-Lɔ́mɑ zúꞋu. Yɛ́su cú mbɔ̌ wɛ́ ŋɡɔ: «Tɔ́ pǔu tsʉ́Ꞌnɛ ńnɛn.» Lɛ́vi lɔ sɛ́ ńcʉ́ɔ nzʉʉ yɛ́.

Mɑtʉ̈ɔ 8:22

Yɛ́su pʉ̈ɔt mbɔ̌ wɛ́ ŋɡɔ: «Cʉ́ɔ pɔ nzʉʉ mɔ, ńnɑ́ pɛpfú pɔ́p tẅíi pɛpfú pɔ́p.»

Mɑtʉ̈ɔ 4:19

Yɛ́su cú mbɔ̌ pɔ́p ŋɡɔ: «Pʉʉ tɔ́, ńcʉ́ɔ nzʉʉ mɔ, n dɔk wʉ́ʉ ŋ́ɡɛ pɑlɔɔ pʉɔmɛsɔŋ.»

Mɑtʉ̈ɔ 19:20

Mɔ́ɔsuu ɛ̂wɑ́ cú mbɔ̌ wɛ́ ŋɡɔ: «Mɔ, n dɔ ŋ́kɛ́ ńtswɛ́ ŋ́ɡẅɛɛ mɛnɛpʉ́ʉ ɛ̂mɑ́ ɡẅɛɛnɛ tsʉʉ, kʉ̈ɔ́ pɛ́tnɛ ńjɑ́k wɑ́ɑ?»

Mɑtʉ̈ɔ 19:22

Mɔ́ɔsuu zúꞋ yɔ sẅiŋɛ, shʉ́ wɛ́ pfúu, ɑ tɛ́m ŋkwɛn yɛ́ ŋ́ɡʉ, mbíꞋŋɡɔ ɑ kɑ ɡẅɛɛ yúu tʉʉndɛn tɛꞋ.