Mɑtʉ̈ɔ 19:11 - Kɑɑ Fí

¹¹ Yɛ́su tsɔ́Ꞌ mbɔ̌ pɔ́p ŋɡɔ: «Pʉɔ tsʉʉ kɑ́ nɛkuꞋ nɛpɛ́m yɔ nu pɔ́. ŃdíꞋ ndɑꞋ pʉɔ pí Sɛ́ tɔ́ɔtɛ́nɛ wɔ́p.»

Mɑtʉ̈ɔ 19:11 交叉引用

1 Kɔlɛ̂ŋtɛ 7:17

Lɑ́ ŋ́ɡʉ nǔu mɔnɛ mɛnu tsʉʉ, mbɔ ɛ́ pɔŋ ŋɡɔ mbɑ wɔ̌ lɑ́ pɔ́ pɔ nǔu zʉꞋ yi Sɛ́ kɑ zɑ́pnɛ ŋɡɔ ɑ pɔ́ zúꞋu, ńnɑ́ŋ nǔu zʉꞋ yi Sɛ́ kɑ ɡɔ́ ɛ́fúŋ wɛ́ ɑ nɑ́ŋ zúꞋu. Ɛ́ yúu mi mɔ sɛ́ ńcú tsɛt mɛcúꞋlɛ-pʉɔ-Kɛlístɔ tsʉʉ ŋɡɔ pɛ́ ɡɛ.

1 Kɔlɛ̂ŋtɛ 7:35

Ɛ́ sẅíi wʉ́ʉ nɛ́ mɔnɛ mɛnu, pɔ nɛlɔk ńcẅɛ́lɛ wʉ́ʉ, ŋ kɑ́ pɔ́ ńdɔk ńdʉꞋ pɔ ɡwɑk mbi pʉʉ pɔ́. Mɔ sɛ́ ńtsɑ́ɑ ŋɡɔ pʉʉ tʉ́ʉ nǔu kʉ̈ɔ́ lɑ́, ŋ́ɡɛ pɔ yi ɛ́ pɔŋnɛ ŋɡɔ pɛ́ ɡɛ, ḿbɛn ḿbɔ́ ńtsɑ́ɑ ŋɡɔ pʉʉ lɑt mbʉʉ pɔ ndɑꞋ nǔu fɑꞋ-Tsɑpʉɔ.

1 Kɔlɛ̂ŋtɛ 7:2

Lɑ́ ɛ́ kɛ ńtsʉ́Ꞌ yi ŋu puutɛ mbɑ wɔ̌ lɑ́ pɔ́p nɛ́ nɔɔ nɔɔnɛ, wɛ́tɛ́ ŋu mbɛ́ɛnɛ lɑ́ kúꞋlɛ nzwɛ́ wɛ, wɛ́tɛ́ mɑŋɡɛ́ lɑ́ kúꞋlɛ ndúu mɛ.

Mɑtʉ̈ɔ 13:11

Yɛ́su pʉ̈ɔt mbɔ̌ pɔ́p ŋɡɔ: «Sɛ́ kɑ ɡɛ ŋɡɔ pʉʉ wɔ jínɛ nu nɛ́nẅín nǔu nɛfɔɔ-Sɛ́ ni ɛ́ kɑ lʉɔmɛ́nɛ, ŋ́ɡʉ nǔu pɔ́p ɑ pɔɔ ɡɛ ŋɡɔ pɔ́p jí pɔ́.

Mɑtʉ̈ɔ 19:10

Gɑŋku-Yɛ́su cú mbɔ̌ wɛ́ ŋɡɔ: «Lɑ́ɑndɑ́ lɑɑ ḿbɔ́ pɔ pɑ́Ꞌɑ, mbɔ mbi ŋu nɛnɑ́ŋ kɛ́ zɔ́Ꞌ.»

Mɑtʉ̈ɔ 19:12

Yúu mi ɛ́ ɡɛnɛ pʉɔ pɔɔ zɔ́Ꞌ, pɔ́ tɛ ńzɑ́ɑ: Ɛ́ ɡʉ nǔu pɛcɔ́ pʉɔ, pɔ́p pɔɔ kuꞋ nɛzɔ́Ꞌ pɔ́ tɛ ɛ́fú pɔ lɛ́Ꞌ nzɛnɛ, ŋ́ɡʉ nǔu pɛcɔ́, mbɔ pʉɔmɛsɔŋ kɑ ɡɛnɛ, ḿbɛn ŋ́ɡʉ nǔu pɛcɔ́, mbɔ pɔ́p kɑ pɛ́m nɛpɔ́ pɔ́Ꞌɔ, ntɛ́ nu-nɛfɔɔ-Sɛ́. Ŋu ẅí ɑ jʉ́ɔ nɛpɛ́m yɔ nu pɛ́m.