Mɑtʉ̈ɔ 18:3 - Kɑɑ Fí

³ ńcú ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kúpmɛ mɑt wʉʉ, tɛ ńtsʉ́Ꞌ ḿbɔ́ pɔ pɑ́Ꞌ mbɔ́ŋkʉ̈ɔ́ pɔ́, mbɔ pʉʉ kɛ́ lɑ́Ꞌ ŋ́kúu tsɛt nu-nɛfɔɔ-Sɛ́ pɔ́.

Mɑtʉ̈ɔ 18:3 交叉引用

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

Mɑtʉ̈ɔ 19:14

Yɛ́su cú ŋɡɔ: «Pʉʉ nɑ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ, kɔɔ pʉʉ zuŋ wɔ́p, pʉɔ pínɛ pɔ́p pɑ́Ꞌ mbɔ́ŋkʉ̈ɔ́ ɡẅɛɛnɛ nu nǔu nɛfɔɔ-Sɛ́,

1 Kɔlɛ̂ŋtɛ 14:20

Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Lúkɑ́shi 13:24

«Pʉʉ lɔ́ɔ shʉ́ pɔ nɛtɔ́k nǔu ntsundɑ́ ẅi ɛ́ kʉ́ʉpɛ kʉ́ʉbɛ́nɛ. Pʉʉ jí sʉ́Ꞌnɛ ŋɡɔ pʉɔ tɛ ńzɑ́ɑ ɡɛ ńdɑ́Ꞌ ńdɔ́ɔ nɛkúu tsɛtú lɑ́ ḿbɛn ŋ́kɛ́ ḿbɔɔ kuꞋ.»

ŊwɑꞋnɛ-Gɑŋntúu Yɛ́su Kɛlístɔ 3:19

Pɔ́Ꞌɔ lɑ́, pʉʉ kɛ́ ŋ́kúp mɑt wʉʉ, ḿbɛ́m Yɛ́su Kɛlístɔ. Sɛ́ likŋɛ mɛnu kɛpɔŋ mʉ́ʉ.

ŊwɑꞋnɛ-Gɑŋntúu Yɛ́su Kɛlístɔ 28:27

Ɔ́ɔŋ, pʉɔ-ŋɡɔŋ wɔ kɑ́ pɔ́ ŋ́kɔŋ nɛzúꞋ yɛcɔ́ yúu pɔ́. Pɔ́p kɑ zʉʉnɛ mɛtúutɛ́ mɔ́p, pɔ́p kɑ tsɛ́t mík mɔ́p. Pɔ́p kɑ́ pɔ́ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, ŋ́kɛ́ mbɔɔ pɔ́ ŋ́kɔŋ nɛlɔk mɛtúutɛ́ mɔ́p ńzúꞋ pɔ́. Pɔ́p jʉ́ɔꞋ tʉ́m yɔ́p mbíꞋŋɡɔ pɔ́p ŋ́kɔŋ nɛzúꞋ pɔ́, ŋ́kɛ́ ŋ́ɡɛtɛ pɔ pɔ́Ꞌɔ, ńjí ŋɡɔ pɔ́p kɛ́ pɛn mbɔ̌ mɔ Sɛ́, ŋ ɡɛ pɔ́p fíitɛ pɔ́.»

Jɑ̂ŋ 1:51

Yɛ́su pɛn ŋ́kẅiꞋ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńjʉ́ɔ ntsu-tʉ́nɛ́pú tsɔ́Ꞌnɛ ńtʉ́ʉ, pɛcʉ̈ɔ́Ꞌ-Sɛ́ pɔ́ ɛ́fú zúꞋu, ńcúŋ ńtɔ́ nǔu Mɔ́ɔ-Ŋu ḿbɛn ŋ́kɔ́Ꞌ nɛ́ tʉ́nɛ́pú.»

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Lúkɑ́shi 22:32

Lɑ́, n cɛꞋlɛ Sɛ́ nǔu tú yú, nɛpɔ́ yi ɔ kɛ́ puu ŋ́kɑ́ɑ kɑ́ɑnɛ nǔu nɛzɑ́p tʉ́m nǔu mɔ pɔ́. Ɔ ɡɛ ḿbɛn ḿbɔ́ tɛ ńtsuŋ ńzɑ́p tʉ́m yú nǔu mɔ, ḿbɔ́ ńníꞋ tʉ́m-pɔ́ɔpɛ́mɑ́ pú.»

Mɑ́lɛ́kúshi 4:12

Ɛ́ pɔ́Ꞌɔ lɑ́, ḿbɔ́ pɑꞋ pɛ́ kɑ ŋwɑꞋnɛnɛ ŋɡɔ: «Pɔ́p ɡʉ ḿbɔ́ ńdíŋɛ zʉꞋ, ŋ́kɛ́ ḿbɔɔ yúu jʉ́ɔ ḿbɔ́ ńzúꞋ zʉꞋ, ḿbɔɔ zúꞋ tɛ ńzúꞋ pɔ́. Ɛ́ pɛ́Ꞌɛ ḿbɔɔ pɔ́Ꞌɔ pɔ́, mbɔ pɔ́p ḿbɛn mbɔ̌ Sɛ́, ɑ likŋɛ mɛnu kɛpɔŋ mɔ́p.»

2 Pyɛ̂ 1:11

Ɛ́ pɔ́ pɔ́Ꞌɔ, pɛ́ lɑ́Ꞌ ɛ́sɑ́ɑnɛ sɑ́ɑnɛ́nɛ ńtsɔ́Ꞌ ndúŋ ẅi ɛ́ ɡʉnɛ ŋ́kúu tsɛt nɛfɔɔ kɛ́mɛ-Yɛ́su Kɛlístɔ, ŋ́ɡɑ́ mbɔ̌ pʉʉ. A Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Mɑtʉ̈ɔ 19:23

Yɛ́su cú mbɔ̌ ɡɑŋku pɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, ŋɡɔ Ɛ́ tɛn mbɔ̌ ŋɡɑŋyúu nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.»

Mɑtʉ̈ɔ 13:15

MbíꞋŋɡɔ tʉ́m pʉɔ-lɑ́Ꞌ pɔ́nɛ kɑ sʉk pɔ́p kɑ zʉnɛ mɛtúutɛ́ mɔ́p, ŋ́kẅíipɛ mík mɔ́p, ńdɔk ḿbɔɔ ŋ́kɔŋ nɛlɔk mík mɔ́p ńjʉ́ɔ zʉꞋ pɔ́, nɛlɔk mɛtúutɛ́ mɔ́p ńzúꞋ nu pɔ́, tʉ́m yɔ́p pɔɔ pɑ́klɛ. Pɔ́p pɔɔ kɔŋ nɛkúpmɛ mɑt wɔp pɔ́, ńdɔk ḿbɔɔ ŋ́kɔŋ ŋɡɔ ŋ ɡɛ pɔ́p fíitɛ pɔ́.»

Mɑtʉ̈ɔ 6:16

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p.

Mɑtʉ̈ɔ 6:5

Pʉʉ lɑɑ ḿbɔ́ ńcɛꞋlɛ Sɛ́, kɔɔ pʉʉ ɡɛ pɑ́Ꞌ ɡɑŋnyɛtmbʉʉ, pɔ́p kɔŋ nɛtʉ́ʉ tsɛt mɛndɑ́-cúꞋlɛ mbɑ mɛtú-ndúŋ lɑ́ ńcɛꞋlɛ Sɛ́, pɑ́Ꞌ pʉɔ tsʉʉ ɡʉ ńjʉ́ɔ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑtʉ̈ɔ 6:2

Ɔ lɑɑ ḿbɔ́ ŋ́ɡʉ ŋ́ɡɑ́ ŋkɑ́p mbɔ̌ pɑkɛ́yúu, kɔɔ ɡɛ pɔ́ pɑ́Ꞌ pɛ́ ɡʉ tʉ́ʉ ḿbɔ́ ńjʉ́ɔ. Gɑŋnyɛtmbʉʉ ɡɛnɛ pɔ́Ꞌɔ. Pɔ́p kúu ndɑ́-cúꞋlɛ, ńtʉ́ʉ mbɑ mɛtú-ndúŋ lɑ́ ŋ́ɡɑ́ yúu, pɔ́Ꞌɔ, ŋɡɔ pʉɔ ɡʉ̈ɔꞋlɛ wɔ́p. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p kɑ lɑ́Ꞌmɔ́ ńcẅɛ́ɛ tsɔ́ꞋfɑꞋ yɔ́p.

Mɑtʉ̈ɔ 5:18

Lɑ́ ŋ kɛ́ ɛ́sẅíi wʉ́ʉ, kwɑꞋ nɛ́nẅín, nɛpú pɔ́p tsɛ́tsɑ́Ꞌ lɑɑ ńdɑ́Ꞌ ńnɑ́ŋ pɔ ŋɡɔ́ku lɑ́, mɔ́ɔ mɔ́zʉꞋ-nu ŋɡɔ pítɛ́ kɛ mbɑ mɔ́ɔ mɔ́yúu ŋkɑŋ-ŋwɑꞋnɛ pɔɔ nǔu nɛpʉ́ʉ ɛ̂nɑ́ pɛ́. Ɛ́ kɛ́ ḿbɔ́ pɔ pɔ́Ꞌɔ, tɛ ŋ́kúu ŋkɑ́ yi mbɑ kʉ̈ɔ́lɑ́ yi nɛpʉ́ʉ cúnɛ puutɛnɛ.

Mɑtʉ̈ɔ 18:2

Yɛ́su fúŋ mɔ́yúu mɔ́ɔ, ńtík wɛ́ mbi pɔ́p,

Mɑtʉ̈ɔ 18:4

Ŋu ẅí ɑ kɔknɛ mbʉʉ yɛ́ ŋ́ɡɑ́ sɛ́ tɛ ńtsʉ́Ꞌ pɑ́Ꞌ ɡɛɡʉʉ yɔ lɑ́, ɑ ŋu ẅí ɑ wɛ ɡwɛ́ tsɛt nɛfɔɔ-Sɛ́.