Mɑtʉ̈ɔ 18:15 - Kɑɑ Fí

¹⁵ Mɔ́ɔmɑ́ wu lɑɑ ŋ́ɡɛ nu kɛpɔŋ nǔu ɡu, ɔ ɡʉ ńjʉ́ɔ wɛ́, pʉʉnɛ tʉ́ʉ pɛ́pɑ́, ɔ sẅíi wɛ́. A zúꞋ, tɛ ḿbɛ́m mɛfɑɑnɛ mɛ́, mbɔ ɔ cẅɛɛtɛ wɛ́ nǔu sɛ̂ndúŋ kɛpɔŋ.

Mɑtʉ̈ɔ 18:15 交叉引用

Kɔlɔsíyɛ̂ŋ 3:13

Pʉʉ ɡẅɛɛ sʉk tʉ́m tsɛtsɛt pʉʉ, ŋu wʉ́ʉ lɑɑ fɑɑnɛ nu pʉʉ likŋɛ ŋ́ɡɑ́ mbɔ̌ wɛ́, ńdikŋɛ mɛfɑɑnɛ mʉ́ʉ tsɛtsɛt pʉʉ nɛ́ pʉʉ, pɑ́Ꞌ Tsɑpʉɔ kɑ likŋɛ́nɛ mɛfɑɑnɛ mʉ́ʉ ɡúu lɑ́.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

2 Tɛsɑlɔník 3:15

Lɑ́, ḿbɑ́ɑ wʉ́ʉ nɛlɔk wɛ́ ŋ́ɡɛ ŋɡɑŋmbuu wʉʉ. Pʉʉ kɑkŋɛ wɛ́ pɔ pɑ́Ꞌ ɛ́ lɑɑ ḿbɔ́ ŋu kɑkŋɛ mɔ́ɔmɑ́ wɛ.

Mɑtʉ̈ɔ 18:35

Yɛ́su lẅiklɛ ńcú ŋɡɔ: «Ɛ́ ndʉ́ŋndʉŋ pɑ́Ꞌ Tɑ̌ɑ mɔ ẅí ɑ tʉ́nɛ́pú, ɑ ɡʉ ŋ́ɡɛ nǔu mbɑ wɔ̌ lɑ́ tsɛtsɛt pʉʉ, pɑ́Ꞌ ɑ lɑɑ mbɔɔ likŋɛ mɛfɑɑnɛ mɔ́ɔmɑ́ wɛ nɛ́ ŋɡɔŋ tʉ́m yɛ́ tsʉʉ pɔ́.»

Pʉɔ-Lɔ́mɑ 12:21

Kɔɔ ŋu pɛ́m tɛ nu yi ŋu ɡɛnɛ nǔu wɛ́ tsʉ́ʉnɛ wɛ́, ɑ ɡɛ nu kɛpɔŋ, tɛ ńtsʉ́Ꞌ pɔ́Ꞌɔ, ɑ lɔk nɛɡɛ nu sʉ́Ꞌnɛ, ḿbík nu kɛpɔŋ.

1 Pyɛ̂ 3:1

Mbɑ pʉʉ yʉ́ʉ pɑŋɡɛ́, pʉʉ kɔk mbʉʉ yʉʉ ŋ́ɡɑ́ sɛ́ mbi pɛlúu pʉ́ʉ, ɛ́ lɛɛ pɔ́Ꞌɔ, ḿbɔ́ yi pɛcɔ́ pʉɔ tsɛtsɛt pɔ́p sɛ́ ńdʉꞋ nɛzɑ́p tʉ́m nǔu sẅiŋɛ-sɛ́, pɔ́p cʉ́ɔ nzʉʉ pʉʉ kɛ́ pɔ́ yi pʉʉ cú nu, ɛ́fú nǔu mɑt wʉʉ.

1 Kɔlɛ̂ŋtɛ 8:12

Pʉʉ lɑɑ ŋ́ɡɛ nu kɛpɔŋ nɛ́ yɔ ntɛ́ nǔu pɔ́ɔpɛ́mɑ́ pʉʉ, nɛɡɛ yúu mi ɛ́ ɡʉ ŋ́ɡɑ́ɑnɛ wɔ́p tsɛt tʉ́m yɔ́p yi ɛ́ pɛ́t ḿbɔ́t pɔ́tnɛ, mbɔ pʉʉ ɡɛ nu kɛpɔŋ pɔ nǔu Kɛlístɔ.

2 Kɔlɛ̂ŋtɛ 7:12

Pɑ́Ꞌ ŋ kɑ ŋwɑꞋnɛ́nɛ ŋwɑꞋnɛ ŋ́ɡɑ́ mbɔ̌ pʉʉ lɑ́, ŋ kɑ́ pɔ́ ŋ́ŋwɑꞋnɛ mbíꞋ ɡɑŋmɛfɑɑnɛ pɔ́, ŋ́kɛ́ ḿbɔɔ ŋ́ŋwɑꞋnɛ mbíꞋ ŋu ẅí pɛ́ ɡɛnɛ nu kɛpɔŋ nǔu wɛ́ pɔ́. Ḿbɔ́ ŋ́ŋwɑꞋnɛ pɔ ŋɡɔ pʉʉ tʉ́ʉ mbi Sɛ́, ńjʉ́ɔ ntɛ́ yi pʉʉ ńdɔk ŋ́ɡwɛtnɛ nǔu nu yɛ́k.

1 Tɛsɑlɔník 4:6

Lɑ́ ɛ́ ɡʉ nǔu nu-mɑŋɡɛ́, kɔɔ ŋu ɡɛ nu kɛpɔŋ nǔu mɔ́ɔmɑ́ wɛ, kɔɔ ɑ zɛɛ ɛ́fúklɛ wɛ́ mbɑ fúklɛ́nɛ, mbíꞋŋɡɔ Tsɑpʉɔ wɛkŋɛ ɡʉ ńdɑ́Ꞌ ńníꞋ ŋɡʉ̈ɔ́Ꞌ tú-pʉɔ pinɛ pɔ́p ɡɛnɛ pɔ́Ꞌɔ. Pɛk kɑ lɑ́Ꞌ ɛ́sẅíi wʉ́ʉ tɛ ńtsuŋ ɛ́sẅíi.

Mɑtʉ̈ɔ 18:14

Ɛ́ kɛ ḿbɔ́ pɔ pɔ́Ꞌɔ nǔu Tɑ̌ɑ wʉʉ ẅí ɑ tʉ́nɛ́pú, ɑ kɑ́ kɔŋ ŋɡɔ wɛcɔ́ tɑ́Ꞌ nǔu mbɔ́ŋkʉ̈ɔ́ pɛ́ pɛ́ pɔ́.

Mɑtʉ̈ɔ 18:21

Pyɛ̂ ɡɔ́ɔ ŋ́kɛ́ ńtɔ́ ḿbíkŋɛ Yɛ́su ŋɡɔ: «Ndɛ, mɔ́ɔmɑ́ mɔ lɑɑ ɛ́fɑɑnɛ nu mbɔ̌ mɔ, n dikŋɛ ŋ́ɡɑ́ mbɔ̌ wɛ́ ŋkɑ́ yɛsʉ́Ꞌ? Ŋkɑ́ sɑɑmbɑ́ kíi.»

Tîtɛ 3:10

Ŋu lɑɑ ḿbɔ́ ŋu ẅí ɑ mɑꞋnɛ fɑkŋɛ tsɛt cúꞋlɛ-pʉɔ Kɛlístɔ, ɔ pɑpmɛ wɛ́ tɑ́Ꞌ ŋkɑ́ ɑ pɔɔ zúꞋ, ɔ pɑ́ɑtɛ ḿbɛn ḿbɑpmɛ wɛ́ ɑ kɛ mbɔɔ zúꞋ, ɔ cẅɛɛtɛ wɛ́ tsɛtsɛt pʉɔ.