Mɑtʉ̈ɔ 17:2 - Kɑɑ Fí

² Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.

Mɑtʉ̈ɔ 17:2 交叉引用

Mɑtʉ̈ɔ 28:3

A kɑ pɔ́ ŋ́kyɛꞋ zʉꞋ pɑ́Ꞌ mɛnɛ́ɛ-mbʉŋ lɑ́, mɛndẅí mɛ́ pɛn ḿbɔ́ fúk tɛ ŋ́ŋwɑŋɛ.

Lúkɑ́shi 9:29

ŋ́kúu zúꞋu, ɑ pɔ́ ńcɛꞋlɛ Sɛ́, lii-shʉ́ wɛ́ kɛ́ ŋ́ɡɔ́ɔ ŋ́kúpmɛ, mɛndẅí mɛ́ ɡɔ́ɔ ɛ́fúk tɛ ŋ́ŋwɑŋɛ.

Mɛnu ɛ́ ńdɑ́Ꞌ ńcẅɛt 10:1

M bɛn ńjʉ́ɔ wɛcɔ́ Cʉ̈ɔꞋ-Sɛ́ ẅi ɑ ɡẅɛɛnɛ mɛtʉʉ, ɑ pɔ́ ɛ́fú tʉ́nɛ́pú ḿpfúu, yɛcɔ́ ntɛ́ mɛlɑ́ɑ pɔɔ mbʉʉ yɛ pɑ́Ꞌ ndẅí pɔɔ mbʉʉ-ŋu lɑ́. Ŋkɔŋ-ŋɡɛ́mnɔ́ zɛmɛ tú yɛ́. Shʉ́ wɛ́ pɔ́ pɑ́Ꞌ lík-nɛm lɑ́. Mɛntɑ́ɑ mɛ́ pɔ́ mɑꞋ mɛlʉ́m-múk mi ɛ́ pʉꞋnɛ́nɛ ńtʉ́ʉ tʉ́ʉnɛ lɑ́.

Mɛnu ɛ́ ńdɑ́Ꞌ ńcẅɛt 20:11

M bɛn ńjʉ́ɔ yɛcɔ́ mɑ́mɑ́ kɔꞋ-nɛfɔɔ tʉ́ʉ, ḿbɔ́ fúfú, n jʉ́ɔ mbɑ ŋu ẅí ɑ nɑ́ŋnɛ ndǔ. Tsɛ́tsɑ́Ꞌ pɔ́p nɛfɑŋ puu ɛ́fú mbi yɛ́ ŋ́kʉɔ. Yɔ́p zʉꞋ pɔɔ pɛn ḿbɔ́ zúꞋu pɔ́.

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Mɑ́lɛ́kúshi 9:3

Mɛndẅí mɛ́ tsʉꞋ ŋ́ŋwɑŋɛ ŋwɑŋɛ́nɛ, fúk tɛ yɛcɔ́ yúu mi ɛ́ lɑɑ ḿbɔ́ ŋu lɔk ɛ́suk ndẅí ndǔ tsɛ́tsɑ́Ꞌ tɛ ɛ́ fúk pɔ́Ꞌɔ, kɑ́ pɔ́ ɡú pɔ́.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Mɑtʉ̈ɔ 17:1

Ɛ́ lɛɛ lɛ́Ꞌ pɛ́nɛ́ntúkú, Yɛ́su fɑk Pyɛ̂, ŋ́ɡɛ Jɑ̂k, nɛ́ Jɑ̂ŋ ɑ pɔ́ mɔ́ɔmɑ́ pɛ́ Jɑ̂k, ńdɔk wɔ́p ŋ́ɡʉ ŋ́kɔ́Ꞌ ndǔ nɛcɔ́ mɑ́mɑ́ nɛŋkɔ́Ꞌ. Pɔ́p pɛ́pɔ́p pɔ́ zúꞋu zɛnɛ pɔ́p.

Mɑtʉ̈ɔ 17:3

Pɔ́p jʉ́ɔ, mbɔ Mɔ̌sɛ̂ɛ pɔ́p Ɛlíyɑ vukŋɛ vukŋɛnɛ ńcẅɛt, pɔ́p pɛ́ Yɛ́su pɔ́ ɛ́sẅíŋɛ.