Mɑtʉ̈ɔ 17:18 - Kɑɑ Fí

¹⁸ Pɔ́p lɔk wɛ́ ńtɔ́, Yɛ́su cʉ́ɔk zẅikŋɛ kɛpɔŋ ɛ̂yɑ́, ɑ cẅɛt nǔu mɔ́ɔ ɛ̂wɑ́, ɑ ɡɔ́ɔ ɛ́fíitɛ pɔ ŋkɑ́ yîyɑ́.

Mɑtʉ̈ɔ 17:18 交叉引用

Mɑtʉ̈ɔ 9:22

Yɛ́su shɔtnɛ, ńjʉ́ɔ wɛ́, ńcú mbɔ̌ wɛ́ ŋɡɔ: «Mɑ́ɑ, kɔɔ pɔ́k, ntɛ́ yi ɔ lɔknɛ ńzɑ́p tʉ́m yú nǔu mɔ lɑɑ, ɡɛ ɔ fíitɛ.» A ɡɔ́ɔ ɛ́fíitɛ pɔ ŋkɑ́ ɛ̂yɑ́ ŋkɑ́ ɛ̂yɑ́.

ŊwɑꞋnɛ-Gɑŋntúu Yɛ́su Kɛlístɔ 16:18

A kɛ́ ŋ́ɡɛ pɔ pɔ́Ꞌɔ, nǔu mɛlɛ́Ꞌ tɛ ńzɑ́ɑ. Pɔ̂l ɡɑɑpɛ tsɛtsɛt ńzɑ́ŋ lɔ́ŋ, ɛ́shɔtnɛ ńcú mbɔ̌ zẅikŋɛ kɛpɔŋ ŋɡɔ: «N dɔk lík-Yɛ́su Kɛlístɔ ńcú ŋɡɔ ɔ fú nǔu mɑŋɡɛ́ wɑ́ ńcẅɛt!» Zẅikŋɛ kɛpɔŋ ɡɔ́ɔ ɛ́fú nǔu wɛ́ ńcẅɛt.

Lúkɑ́shi 9:42

Tɑ́-mɔ́ɔ pɔ́ ńdɔk wɛ́ ńtɔ́, zẅikŋɛ kɛpɔŋ ɛ̂yɑ́ pɛn ŋ́ɡẅɛɛ wɛ́ ńtɛ́m sɛ́, ɛ́ tsʉ́Ꞌnɛ wɛ́ nɛ́ tʉʉ. Yɛ́su cɔ́k zẅikŋɛ kɛpɔŋ ɛ̂yɑ́, ɑ nɑ́ mɔ́ɔ ɑ fíitɛ. Yɛ́su ɡẅɛɛ pɔ́ yɛ́, ŋ́ɡɑ́ wɛ́ mbɔ̌ tɑ́t-wɛ.

Lúkɑ́shi 8:29

Ńcú pɔ́Ꞌɔ, mbíꞋŋɡɔ ɛ́ kɑ ɡɔ ḿbɔ́, mbɔ Yɛ́su cɔ́k yîyɑ́ Zẅikŋɛ kɛpɔŋ ŋɡɔ ɛ́ fú nǔu wɛ́ ńcẅɛt. Zẅikŋɛ kɛpɔŋ ɛ̂yɑ́ kɑ pɔ́ pɑꞋɑ, mbɔ ɛ́ zɛɛ ńtɔ́, ḿbʉ́ʉpɛ wɛ́. Ḿbɔ́ ɛ́ lɑɑ ḿbɔ́ tɛ ŋ́ɡẅɛɛ wɛ́, ɑ lɔ sɛ́ ŋ́kʉɔ pɛ́ zuŋ wɛ́ ŋ́ɡẅɛɛ, ńdɔk mɛŋkʉ-tẅín ŋ́kút wɛ́, ńníꞋ kɔꞋ mɛku wɛ́. A zɑ́Ꞌtɛ ŋkʉ-tʉ́n, ḿbʉ̈ɔ́Ꞌ kɔꞋ zẅikŋɛ kɛpɔŋ ɛ̂yɑ́ lɔk wɛ́ ŋ́kʉɔ pɔ nɛ́ kɔ̂ŋtɛt.

Mɑ́lɛ́kúshi 5:8

Ŋu ɛ̂wɑ́ kɑ ɡɔ́ ńcú pɔ́Ꞌɔ, ɛ́ pɔ́, mbɔ Yɛ́su cú mbɔ̌ mɛzẅikŋɛ kɛpɔŋ ŋɡɔ pɔ́p fú nǔu wɛ́ ńcẅɛt.

Mɑ́lɛ́kúshi 1:34

Yɛ́su ɡɛ mɛɡɔɔ ntɛ́ nɛ́ ntɛ́ nǔu pʉɔ tɛ ńzɑ́ɑ mɛ, ḿbɛn ńzuŋ mɛzẅikŋɛ kɛpɔŋ tɛ ńzɑ́ɑ nǔu pʉɔ. A ŋkɑɑ pɛ́m tɛ yɛcɔ́ zẅikŋɛ kɛpɔŋ ɛ̂yɑ́ cú nu pɔ́, mbíꞌŋɡɔ pɔ́p kɑ pɔ́ ńjí ŋu ẅí ɑ jʉ́.

Mɑtʉ̈ɔ 15:28

Yɛ́su ɡɔ́ɔ ŋ́kɛ́ ńtsɔ́Ꞌ ŋɡɔ: «Mɑ́ɑmɑɑ! Ɔ zɑ́p tʉ́m nǔu mɔ tɛꞋ. Ɛ́ pɔŋ ŋɡɔ yúu mi ɔ sɛ́ ńtsɑ́ɑ puutɛ!» Yɛ́su cú pɔ́Ꞌɔ, mɔ́ɔ-mɑŋɡɛ́ wɑ́ ɡɔ́ɔ ɛ́fíitɛ pɔ kwɑꞋ ŋkɑ́ ɛ̂yɑ́.

Mɑtʉ̈ɔ 12:22

Pɛ́ lɔk wɛcɔ́ ŋu ńtɔ́ mbi Yɛ́su, mbɔ zẅikŋɛ kɛpɔŋ kɑ ɡɛ ɑ fʉ, ḿbɛn ńtsʉ́Ꞌ cípúꞋ. Yɛ́su ɡɛ ŋu ɛ̂wɑ́ fíitɛ, ŋ́ɡɔ́ɔ ńzɛ nɛsẅíŋɛ, mbɑ nɛjʉ́ɔ zʉꞋ sʉ́Ꞌnɛ.

Lúkɑ́shi 4:41

Mɛzẅikŋɛ kɛpɔŋ pɔ́ ŋ́ɡɔ́ ɛ́fú nǔu nɛlʉ́m wɔp ńcẅɛt, ŋ́kíi ńcú ŋɡɔ: «Ɔ mɔ́ɔ-Sɛ́.» Lɑ́ Yɛ́su cɔ́k wɔ́p, ḿbɔɔ pɛ́m ŋɡɔ pɔ́p cú nu pɔ́, mbíꞋŋɡɔ pɔ́p kɑ jí ŋɡɔ Yɛ́su Nzɑ́Ꞌŋkʉ-puꞋ ẅí Sɛ́ kɑ kɑꞋnɛ mbɔ̌ pʉɔmɛsɔŋ.

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

Mɑtʉ̈ɔ 17:19

Pɔ́p ɡɑŋku pɛ́ ɡɛ ḿbɔ́ zɛnɛ pɔ́p, pɔ́p píkŋɛ wɛ́ ŋɡɔ: «Kʉ̈ɔ́ lɑ́Ꞌnɛ ŋ́ɡɛ ŋɡɔ, pɛk pɔɔ kuꞋ nɛzuŋ zẅikŋɛ kɛpɔŋ ɛ̂yɑ́ pɔ́ ɔɔ?»