Mɑtʉ̈ɔ 16:27 - Kɑɑ Fí

²⁷ Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 16:27 交叉引用

2 Kɔlɛ̂ŋtɛ 5:10

mbíꞋŋɡɔ ɛ́ sɛ́ ḿbíkŋɛ ŋɡɔ pɛkŋɛ pɛtsʉʉ lɛɛ mbi Kɛlístɔ ɑ ŋɑk wɛkŋɛ, ɛ́ lɛɛ pɔ́Ꞌɔ, mbɑ wɔ̌ lɑ́ cẅɛ́ɛ yɛ tsɔ́ꞋfɑꞋ nǔu yúu mi ɑ kɑ ɡɛnɛ, ɛ́ pɔ́ yi sʉ́Ꞌnɛ kɛ yi kɛpɔŋ ɔɔ, ŋkɑ́ yi ɑ kɑ pɔ́nɛ tsɛt yîyɑ́ mbʉʉ.

Pʉɔ-Lɔ́mɑ 2:6

Ńtsɔ́Ꞌ fɑꞋ mbɑ wɔ̌ lɑ́ pɔ́ nǔu pɑꞋ ŋɡɑŋ kɑ lɔknɛ ɛ́fɑꞋ pɔ́Ꞌɔ,

Pʉɔ-Lɔ́mɑ 14:12

Pɛkŋɛ lɔk pɑ́Ꞌɑ ńjʉ́ɔ ŋɡɔ mbɑ wɔ̌ lɑ́ tsɛtsɛt pɛkŋɛ ɡʉ ńdɑ́Ꞌ tʉ́ʉ mbi Sɛ́, kwɑꞋ jʉ́ pɛ́ɛtɛ́nɛ ntsu wɛ́ nǔu pɑ́Ꞌ ɑ kɑ ɡɛnɛ.

Ɛ́fɛ̂zɛ 6:8

Pʉʉ kẅíitɛ ŋɡɔ, ŋu lɑɑ ḿbɔ́ ŋkwɑɑ, kɛ mbɔɔ ŋkwɑɑ pɔ́ ɔɔ, mbɔ Tsɑpʉɔ ɡʉ ńdɑ́Ꞌ tsʉ́Ꞌ nɛɡɑ́ tsɔ́ꞋfɑꞋ mbɑ wɔ̌ lɑ́, nǔu pɔ pɑ́Ꞌ ŋɡɑŋ kɑ lɔknɛ ɛ́fɑꞋ sʉ́Ꞌnɛ pɔ́Ꞌɔ.

Jẅidɛ 1:14

Ɛnɔ̂k ẅí ɑ nǔu mɛzuŋ sɑɑmbɑ́ nɛfú nǔu Ádɑm, ɑ kɑ zɑ́Ꞌ njí ńcẅi Ŋkʉʉ-Sɛ́ ẅí ɛ́ líŋɛ́nɛ wɔ́p ńcú ŋɡɔ: «Pʉʉ zúꞋ Tsɑpʉɔ ɡʉ ńdɔk pɛcʉ̈ɔ́Ꞌ pɛ́ pɛ Lɛ́ɛnɛ́nɛ, ńtɔ́ tɛ pɔ́p zɑ́ɑ zɑ́ɑnɛ tɛ ḿbɔ́ pɛ́ pɔɔ sɑ́ŋ ńjí ndɛn pɔ́.»

Mɛnu ɛ́ ńdɑ́Ꞌ ńcẅɛt 20:12

M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.

Mɑtʉ̈ɔ 25:31

Mɔ́ɔ-Ŋu ɡʉ ḿbɔ́ tɛ ńtɔ́ tsɛt nɛɡúꞋ wɛ, tɛ pɔ́p pɛcʉ̈ɔ́Ꞌ pɛ́ pɔ́nɛ, ɑ nɑ́ŋ ndǔ kɔꞋ yɛ́, ḿbɔ́ fɔɔ ẅí yɛcɔ́ yúu kɑ́ tsɑ wɛ́ pɔ́.

Lúkɑ́shi 21:27

Pɛ́ kɛ́ ŋ́ɡɔ́ɔ ńjʉ́ɔ Mɔ́ɔ-Ŋu pɔ́ tsɛt lɑ́ɑ ḿbɔ́ ńtɔ́, ŋ́ɡẅɛɛ Nɛŋwɑ́ŋɛ mbɑ mɑ́mɑ́ mɛtʉʉ.

Mɑ́lɛ́kúshi 14:62

Yɛ́su tsɔ́Ꞌ ŋɡɔ: «Mɔ jʉ́. Pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Sɛ́ ẅi yɛcɔ́ nu wɛ́ kɑ́ tsɑ. Ḿbɛn ńjʉ́ɔ ɑ fú tsɛt lɑ́ɑ tʉ́nɛ́pú ńtɔ́.»

Mɑ́lɛ́kúshi 8:38

Ŋu lɑɑ ŋ́kɔ́ sʉ́ʉ nɛpɔ́ wɑɑ ŋu, mbɑ nɛsẅíi nu yɑ́ɑ mbɔ̌ pʉɔ pɔnɛ pí pɔ́p ndǔ mbí ŋkɔ̂ɔnɛ, ḿbɔ́ njẅɛt-pʉɔ kɛpɔŋ lɑɑ, ḿbɔ́ pɑkɛ́jí Sɛ́, mbɔ Mɔ́ɔ-Ŋu ɡʉ ńdɑ́Ꞌ ḿbɛn ŋ́kɔ́ yɛ́ sʉ́ʉ nɛlɔk wɛ́ ŋ́ɡɛ wɛ ŋu, ŋkɑ́ yi ɑ ɡʉ ńdɑ́Ꞌ ḿbɛn nzʉʉ tsɛt nɛɡúꞋ-Tɑ́t wɛ, pɔ́p pɛcʉ̈ɔ́Ꞌ-Sɛ́ pɔ́nɛ.

Mɑtʉ̈ɔ 24:30

Lii-Mɔ́ɔ-Ŋu ɡɔ́ɔ ŋ́kɛ́ ńcẅɛt nɛpú. Mɛŋɡɔŋ mɛŋɡɔŋ mí ɛ́ ndǔ tsɛ́tsɑ́Ꞌ kʉ́ɔꞋ nɛvú ńdɑɑ, pɛ́ ɡɔ́ɔ ŋ́kɛ́ ńjʉ́ɔ Mɔ́ɔ-Ŋu pɔ́ tsɛt lɑ́ɑ tʉ́ nɛpú ḿbɔ́ ńtɔ́, ŋ́ɡẅɛɛ nɛŋwɑ́ŋɛ mbɑ mɑ́mɑ́ mɛtʉʉ,

Mɛnu ɛ́ ńdɑ́Ꞌ ńcẅɛt 1:7

Pʉʉ kɛ́ ńjí ŋɡɔ ɑ sɛ́ ńtɔ́. A ɡʉ ńdɑ́Ꞌ ńtɔ́ pɔ tsɛt mɛlɑ́ɑ. Mbɑ wɔ̌ lɑ́ ɡʉ ńdɑ́Ꞌ ńzɑ́p lík nǔu wɛ́, tɛ mbɑ pʉɔ pi pɔ́p kɑ sɔpnɛ ɡúŋ ŋɡíi yɛ́. Pʉɔ ŋɡɔŋ nɛ́ ŋɡɔŋ ndǔ tsɛ́tsɑ́Ꞌ ɡʉ ńdɑ́Ꞌ ńzẅík ŋɡɔ́ɔ, ŋ́kʉ́ɔꞋ nɛvú ntɛ́ wɛ́. Ɔ́ɔŋ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, tɛ yúu pɔɔ nǔu kúpmɛ. Ɛ́ pɔ́ꞌɔ.

ŊwɑꞋnɛ-Gɑŋntúu Yɛ́su Kɛlístɔ 1:11

ńcú mbɔ̌ pɔ́p ŋɡɔ: «Pɑŋɡɑlíliyɑ, pʉʉ tʉ́ʉ ńdíŋɛ tʉ́nɛ́pú mɛlɑ́Ꞌ kʉ̈ɔ́? Yɛ́su pʉ́ɔlɑ́, mbɔ Sɛ́ fú mbɔ̌ pʉʉ ɛ́sɑ́Ꞌ wɛ́ ńdɔk ŋ́ɡʉ nɛ́ tʉ́nɛ́pú, ɑ ɡʉ ŋ́ɡɛ ḿbɛn ḿbɛn nzʉʉ pɔ nǔu ntɛ́ yi pʉʉ jʉ́ɔnɛ ɑ lɔk ŋ́ɡʉ lɑ́.»

Mɑtʉ̈ɔ 26:64

Yɛ́su tsɔ́Ꞌ mbɔ̌ wɛ́ ŋɡɔ: Ɔ cú, lɑ́ ŋ kɛ́ niitɛ ɛ́sẅíi wʉ́ʉ, tɛ ɛ́fú ŋkɔ̂ɔnɛ, pʉʉ ɡʉ ŋ́ɡɛ ńjʉ́ɔ Mɔ́ɔ-Ŋu nɑ́ŋ nǔu ɡúŋ-pɔ́ tʉʉ-Ŋɡɑŋ-mɛtʉʉ tsʉʉ, ḿbɛn ńjʉ́ɔ ɑ pɔ́ ɛ́fú tsɛt lɑ́ɑ tʉ́nɛ́pú ńtɔ́.»

1 Pyɛ̂ 1:17

Pʉʉ ɡʉ ŋkɑ́ tsʉʉ yi pʉʉ cɛꞋlɛ́nɛ Sɛ́, yi pʉʉ fúŋnɛ Sɛ́ ŋɡɔ Tɑ́t wʉ́ʉ, ńdɔk mɛlɛ́Ꞌ lɑ́Ꞌ mi pʉʉ pɛ́tnɛ ŋ́ɡẅɛɛ ndǔ yɔ mbí, ńnyɛt tsɛt wʉʉ nɛnɑ́ŋ ŋɡɔ pʉʉ sɛ́ ŋ́ɡɑ́ mɛkuꞋ mɛ́. A ŋu ẅí ɑ zɑ́Ꞌnɛ ntsɑŋ-pʉɔmɛsɔŋ kɛ́ ɡẅɛɛ tɔŋ, ɛ́fú pɔ nǔu yúu mi ŋu ɡɛnɛ lɑ ńzɑ́Ꞌ ntsɑŋ-ŋɡɑŋ.

Lúkɑ́shi 22:69

Tɛ mbɑ pɔ́Ꞌɔ, ɛ́ ŋkɔ̂ɔnɛ pɑꞋɑ, mbɔ ɛ́ kɛ ŋ́ɡɔ́ɔ ŋ́kuꞋ pɑꞋ Sɛ́ ŋɡɑŋmɛtʉʉ tsʉʉ ɡʉ ńníꞋ Mɔ́ɔ-Ŋu nǔu ɡúŋ-pɔ́ yɛ yi tʉʉ.»

Lúkɑ́shi 9:26

Ŋu lɑɑ ŋ́kɔ́ sʉ́ʉ nɛpɔ́ wɑ́ɑ ŋu, mbɑ nɛsẅíi nu yɑ́ɑ, mbɔ mɔ́ɔ-ŋu ɡɛ ńdɑ́Ꞌ ŋ́kɔ́ sʉ́ʉ nɛlɔk wɛ́ ŋ́ɡɛ wɛ ŋu ŋkɑ́ yi ɑ ɡɛ ńdɑ́Ꞌ ḿbɛn nzʉʉ nɛ́ nɛɡúꞋ wɛ ẅí ɛ́ wɛ Sɛ́ lɑ́, mbɑ pɛcʉ̈ɔ́Ꞌ pɛ́.

Mɑtʉ̈ɔ 13:49

Ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌmbí. Pɛcʉ̈ɔ́Ꞌ-Sɛ́ ɡʉ ńdɑ́Ꞌ ńtɔ́, ɛ́fú tsɛtsɛt ɡɑŋnu nɛ́nẅín, ńdɔɔ pʉɔ kɛpɔŋ,

1 Tɛsɑlɔník 1:10

Pɔ́Ꞌɔ, ńtsʉ́Ꞌ ńzẅíꞋlɛ pɔ ŋɡɔ Mɔ́ɔ nɛ fú tʉ́nɛ́pú ńtɔ́, Mɔ́ɔ nɛ ɛ̂wɑ́ Yɛ́su, mbɔ Sɛ́ kɑ zẅíimɛ wɛ́ nǔu nɛvú. Jʉ́ sɛ́ nɛ mbɑ́ɑ wɛkŋɛ nǔu zɑ́ŋlɔ́ŋ-Sɛ́ yi ɛ́ sɛ́ ńtɔ́.

1 Tɛsɑlɔník 4:16

Ɛ́ ɡʉ ńdɑ́Ꞌ lɛ́Ꞌ ɛ̂yɑ́, pɛ́ zúꞋ yúu mi ɛ́ pʉ́nɛ, tɑ́tndɑ́-pɛcʉ̈ɔ́Ꞌ-Sɛ́ ɡʉ ńdɑ́Ꞌ ŋ́ɡɑ́ ŋɡi yɛ́ tʉ́ ńcú nu, pɛ́ ɡʉ ńzúꞋ ŋɡi-ntɑŋ-Sɛ́, kwɑꞋ Tsɑpʉɔ fú tʉ́nɛ́pú ḿpfúu, pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu wɛ́ piitɛ ńzẅíimɛ nǔu nɛvú.

Mɑtʉ̈ɔ 13:41

Mɔ́ɔ-Ŋu ɡʉ ńdɑ́Ꞌ ńtúu pɛcʉ̈ɔ́Ꞌ pɛ́, pɔ́p fú tsɛtsɛt pʉɔ pɛ́ ńcẅɛɛtɛ ŋɡɑŋ ŋkwɑꞋnɛ mbɑ pʉɔ kɛpɔŋ,

1 Kɔlɛ̂ŋtɛ 8:8

Jínɛ ŋɡɔ yúupɛ́jʉ́ kɑ́ pɔ́nɛ ŋ́ɡɛ lɑ́ Sɛ́ kẅiꞋ ŋ́kɔŋ wɛkŋɛ pɔ́. Pɛkŋɛ lɑɑ mbɔɔ ŋ́kwɛ́t, mbɔ pɛkŋɛ kɑ́ pɛ́ yɛcɔ́ yúu pɔ́, ŋ́kwɛ́t, mbɔ yɛcɔ́ yúu kɑ́ kẅiꞋ nǔu pɛkŋɛ pɔ́.

Mɑtʉ̈ɔ 8:20

Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.

Jɑ̂ŋ 21:22

Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»

Jɑ̂ŋ 21:23

Yɛ́su cú yɔ nu nǔu ẅîwɑ́ ŋɡɑŋku wɛ pɑ́Ꞌnɛ, pɑpɛ́m Yɛ́su tsʉʉ tsʉ́Ꞌ ḿbɔ́ ɛ́sẅíitɛ sẅíitɛ́nɛ ŋɡɔ ẅîwɑ́ ŋɡɑŋku wɛ kɛ́ lɑ́Ꞌ ḿpfú pɔ́. Lɑ́, mbɔ Yɛ́su ŋkɑɑ cú ŋɡɔ ɑ kɛ́ lɑ́Ꞌ ḿpfú pɔ́ pɔ́. Mbɔ ɑ cú pɔ ŋɡɔ, ɑ lɑɑ ŋ́kɔŋ ŋɡɔ ẅîwɑ́ ŋu pɔ́ pɔ ɡú tɛ ɑ lɑ́Ꞌ ḿbɛn ńtɔ́, mbɔ yɛ́ nu-pyɛ̂ nǔu ḿbɔ́ kʉ̈ɔ́ ɔɔ.

1 Kɔlɛ̂ŋtɛ 3:13

Mbɔ ɛ́ kɑ pɔ́ yɛcɔ́ lɔ́Ꞌ pɔ́. FɑꞋ-mbɑ wɔ̌ lɑ́ ɡʉ ńdɑ́Ꞌ ńcẅɛt mɑ́ntɑ́ɑ. Pɛ́ ɡʉ ńdɑ́Ꞌ ńjʉ́ɔ nǔu lɛ́Ꞌ yi pɛ́ ŋɑknɛ mɛtsɑŋ. MbíꞋŋɡɔ múk ɡʉ ńdɑ́Ꞌ ńdɛɛ nǔu fɑꞋ mbɑ wɔ̌ lɑ́ tɛ pɛ́ jʉ́ɔ pɑ́Ꞌ ɛ́ zúꞋu ḿbɔ́ pɔ́Ꞌɔ.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Kɔlɔsíyɛ̂ŋ 3:25

Lɑ́ ŋ́kɛ́ ḿbɔ́ yi ŋu lɑɑ ŋ́ɡɛ yúu mi ɛ́ kɑ́ pɔŋ, mbɔ Sɛ́ ɡʉ ńdɑ́Ꞌ ŋ́ɡɑ́ pɔ yúu mi ɛ́ kuꞋnɛ nǔu wɛ́ mbɔ̌ wɛ́, mbíꞋŋɡɔ ɑ lɔɔ ŋ́ɡɛ tɔŋ pɔ́.

Jɑ̂k 5:7

Pɔ́ɔpɛ́mɑ́ pɑ́ɑ, pɔ́Ꞌɔ lɑ́ pʉʉ lɔk kɔk mbʉʉ ńzẅíꞋlɛ tɛ ŋ́kúu ŋkɑ́ yi Tsɑpʉɔ ɡʉ ńtɔ́. Pʉʉ jʉ́ɔ pɑ́Ꞌ nzʉ́Ꞌnɑŋ kɑ lɑ́Ꞌ ńdɔk pɔ kɔkmbʉʉ ńzẅíꞋlɛ ŋɡɔ tsɛ́tsɑ́Ꞌ zɛ́m yúu sʉ́Ꞌnɛ, ɛ́ zɛ́m, ɑ kɑ́p ntú, ńzẅíꞋlɛ tɛ ńtɑ́ɑ ḿbɛn ŋ́kɑ́p nzʉʉ.

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.