26 Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?
Pɛ́ lɑɑ ńzɛɛ ŋ́ɡɔ́ɔ ńtíi ŋɡɔŋ yɔ tsʉʉ ŋ́ɡɑ́ mbɔ̌ ŋu, tɛ mbɑ pɔ́Ꞌɔ ɑ pɔɔ pɔ́ ŋ́ɡʉ ḿbɛ́ wɛ nɛpɔ́ pɛ́nɛ pɔ́, mbɔ ɛ́ ɡɛ ńcẅɛ́lɛ́ wɛ́ nǔu kʉ̈ɔ́? NdɑꞋ nɛɡɛ, ɑ kúu pɛ́.
Lɑ́, Sɛ́ cú mbɔ̌ wɛ́ ŋɡɔ: «Ɔ ɡʉɡʉʉ, ŋ ɡɛ ńdɔk wú ŋ́ɡʉ pɔ kwɑꞋ nɛtúꞋ lɔ́Ꞌnɛ. Yúu pi ɔ cúꞋlɛ́nɛ tsɛt mɛŋkɛn lɑ́ tsʉ́Ꞌ pɛ́ wɔ̌?»
Ábɛlɛhɑ̂m tsɔ́Ꞌ mbɔ̌ wɛ́ ŋɡɔ: «Mɔ́ɔ wɑɑ, kẅíitɛ pɑꞋ ɔ kɑ pɛ́t ndǔ mbí ḿbɔ́ tsɛt fuꞋ, Lɑzɑ̂ɑ pɔ́ ńjʉ́ɔ ŋɡʉ̈ɔ́Ꞌ, ɛ́ pɛn ḿbɔ́ ŋkɔ̂ɔnɛ, Lɑzɑ̂ɑ pɔ́ tsɛt fuꞋ, ɔ pɔ́ ńjʉ́ɔ ŋɡʉ̈ɔ́Ꞌ.
Lík yú yɛ́ pɔ́ tʉʉ lɑɑ ńtsʉ́ʉnɛ wú ɔ fɑɑnɛ nu, ɔ tsɔ́Ꞌ ḿmɛꞋ tɛ ŋɡɑ sɛsɑ. Mbi pɑ́Ꞌ mbɔ yɛcɔ́ tɑ́Ꞌ nǔu mɛkɛm mbʉʉ mú pɛ́, pɛ́ pɛn ŋ́kɛ́ ḿbɔɔ lɑ́Ꞌ ḿmɑꞋ wú tsɛt múk pɔ́.
Ŋu ẅí ɑ ɡʉ ńzɛɛ ńdɔɔ nɛpɑ́ɑ yɛ́ luk, pɔ́nɛ ŋu ẅí ɑ ɡʉ ḿbɛ́ yɛ luk ɛ̂yɑ́. Lɑ́ ŋu ẅí ɑ ḿbɛ́ wɛ luk mbíꞋ wɑ́ɑ, ẅîwɑ́ ŋu ɡʉ ńdɑ́Ꞌ ḿbɔ́ pɔ́ ɡú.
Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.