Mɑtʉ̈ɔ 16:18 - Kɑɑ Fí

¹⁸ Ŋ ɡʉ ŋ́kɛ́ ḿbɛn ɛ́sẅíi wú, kwɑꞋ nɛ́nẅín, ŋɡɔ: «Ɔ Pyɛ̂, ńdɔk ńcú ŋɡɔ ŋɡɔꞋ, ŋ ɡʉ ŋ́ɡɛ ńtík cúꞋlɛ-pʉɔ pɑ́ɑ ndǔ ŋɡɔꞋ ɛ̂yɑ́. Tɛ mbɑ nɛvú pɔɔ lɑ́Ꞌ ŋ́kuꞋ nɛnʉꞋnɛ yîyɑ́ cúꞋlɛ pɔ́.

Mɑtʉ̈ɔ 16:18 交叉引用

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Jɑ̂ŋ 1:42

Ńdɔk Símɔ̂ŋ, ŋ́ɡʉ nɛjɔ́ŋ Yɛ́su, Yɛ́su tsuŋ ńdíŋɛ Símɔ̂ŋ tɛ ńcú mbɔ̌ wɛ́ ŋɡɔ: «Ɔ Símɔ̂ŋ mɔ́ɔ-Jɑ̂ŋ. Pɛ́ ɡʉ ŋ́ɡɛ ɛ́fúŋ wú ŋɡɔ Kɛfɑs», ɛ́ lɔk ḿbɔ́ ńcú ŋɡɔ Pyɛ̂.

Ɛ́bɛlʉʉ 12:28

Pɑ́Ꞌ pɛkŋɛ ɡʉ ńdɑ́Ꞌ ḿbɔ́ tsɛt nu nɛfɔɔ ni yɛcɔ́ yúu kɛ́ ńnʉꞋnɛ ńzɔŋɛ pɔ́ lɑ, pɛkŋɛ ɡɛ́mtɛ Sɛ́, ɛ́fɑ́Ꞌ mbɔ̌ wɛ́ nǔu ntɛ́ yi ɑ sɛ́ ŋ́kɔŋ, ŋ́ɡɑ́ mbʉʉ sɛ́, ḿbɔ́k wɛ́.

ŊwɑꞋnɛ-Gɑŋntúu Yɛ́su Kɛlístɔ 2:47

Pɔ́p kɑ pɔ́ ŋ́ɡúꞋlɛ Sɛ́ tɛꞋ. Lɑ́Ꞌ tsʉʉ kɔŋ yɔ́p ntɛ́ nɛnɑ́ŋ. Ɛ́ pɔ́ lɛ́Ꞌ tsʉʉ, Tsɑpʉɔ pɔ́ ńdɔk pʉɔ pi ɑ ɡɛnɛ pɔ́p luk, ńdɔk ŋ́kẅiꞋ nɔɔ yɔ́p.

1 Timɔtɛ́ɛ 3:15

nɛpɔ́ yi n dɑɑ mbɔɔ fɛ́Ꞌnɛ ńtɔ́ pɔ́, ɔ fúŋ yɔ ŋwɑꞋnɛ, ńzúꞋ pɑ́Ꞌ pʉɔ-Sɛ́ ɡẅɛɛnɛ nɛnɛn pɔ́Ꞌɔ, tsɛt cúꞋlɛ-pɔ́ɔ-Sɛ́. Yîyɑ́ cúꞋlɛ pɔ́ yi pʉɔ-Sɛ́ ẅi ɑ ntʉʉ. CúꞋlɛ ɛ̂yɑ́ tík ntɔ́ɔ nǔu nu nɛ́nẅín pɑ́Ꞌ ntɔ́ɔ-ndɑ́.

Ɛ́fɛ̂zɛ 5:32

Yɔ ntsɛm ɡú tɛꞋ, n cú pɑ́Ꞌɑ nǔu Kɛlístɔ mbɑ nǔu cúꞋlɛ-pʉɔ pɛ́.

Ɛ́fɛ̂zɛ 3:10

ńnyɛt pɔ́Ꞌɔ, ńjí ŋɡɔ pɛtɑ́tndɑ́-yúu mi ɛ́ tɛ tʉ́ ɡẅɛɛ tʉʉ, mbɑ mɛtʉʉ tsʉʉ mi ɛ́ tɛ tʉ́ ɡʉ ńdúꞋnɛ cúꞋlɛ-pʉɔ-Kɛlístɔ, ńjí nu nǔu jínu-Sɛ́ tɛ cɔ́kŋɛ.

Mɛnu ɛ́ ńdɑ́Ꞌ ńcẅɛt 21:14

Pɛ́ kɑ lɔk mɛmɑ́ ŋɡɔꞋ ntsɔ̌ppɑ́ nɛ́ nɛɡɛ́m ńnɔŋ cʉ́-tɑ́ɑŋkɑ́Ꞌ ẅi ɛ́ kɑ zɛmɛ́nɛ tʉ́sɔŋ, mbɑ yɛ́tɛ́ ŋɡɔꞋ pɔ́ ŋ́ɡẅɛɛ lík tɑ́Ꞌ ŋu nǔu ɡɑŋntúu-Mɔ́ɔ-Njinjɔ pí pɔ́p m̄bɔ́nɛ ntsɔ̌ppɑ́ nɛ́ nɛɡɛ́m.

ŊwɑꞋnɛ-Gɑŋntúu Yɛ́su Kɛlístɔ 8:1

Ɛ́ kɑ fú lɛ́Ꞌ ɛ̂yɑ́, pɛ́ zɛ nɛnyɛt nɔɔ-pɑpɛ́m Yɛ́su nɛ́ ŋɡʉ̈ɔ́Ꞌ Yɛlúsɑlɛm tɛꞋ. Pɔ́p kʉɔ, ɛ́sɑt zʉꞋ nǔu shʉ́ Judɛ̂ pɔ́p Sɑmɑlîi tɛ ɛ́ tsʉ́Ꞌ pɔ ndɑꞋ ɡɑŋntúu-Yɛ́su Yɛlúsɑlɛm.

1 Timɔtɛ́ɛ 3:5

Ŋu lɑɑ ńzɛɛ mbɔɔ jí nɛlíŋɛ njɛ́Ꞌ yɛ pɔ́, ɑ líŋɛ cúꞋlɛ-pʉɔ-Sɛ́ ŋɡɔ́ku?

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Mɑtʉ̈ɔ 18:17

Lɑ́ ɑ kɛ́ ńdʉꞋ nɛzúꞋ nu yi pɔ́p cúnɛ, ɔ lɔk yɔ nu ŋ́ɡʉ cúꞋlɛ-pʉɔ-Sɛ́. A pɛn ńdʉꞋ nɛzúꞋ nu yí cúꞋlɛ cúnɛ, ɔ tsʉ́Ꞌ ńdíŋɛ wɛ́ pɔ pɑ́Ꞌ ŋu ẅí ɑ kɑ́ Jí Sɛ́ pɔ́, kɛ pɔ pɑ́Ꞌ pɛ́ líŋɛ́nɛ ńcẅɛ́ɛntsup-Pɑlɔ́mɑ ɔɔ.

Mɑtʉ̈ɔ 11:23

ŋ́ɡʉ nǔu pʉʉ pʉɔ-Kɑpɛɛnɑwúm, pʉʉ kwɑŋɛ ŋɡɔ Sɛ́ ɡʉ ŋ́kɑꞋ wʉ́ʉ kɑꞋnɛ tɛ pʉʉ kúu nɛpú pɔ́ ɔɔ? Ɛ sẅíi wʉ́ʉ ŋɡɔ: Ŋɡɑŋ, ɑ ɡʉ ŋ́kɔk wʉ́ʉ kɔknɛ pʉʉ ɡʉ tɛ ŋ́kúu lɑ́Ꞌ-pɛpfú sɛ́. MbíꞋŋɡɔ mɛŋkʉꞋnɛ mɛnu mi pɛ́ kɑ ɡɛnɛ lɑ́Ꞌ pʉʉ, ɑ m̄bɔ́ pɛ́Ꞌɛ ŋ́ɡɛ pɔ Sɔdɔ̂m, mbɔ Sɔdɔ̂m yɛ́ pɔ ɡú tɛ ŋ́kúu lɔ́Ꞌnɛ

Mɑtʉ̈ɔ 10:2

Mɛlík-ɡɑŋntúu-Yɛ́su ntsɔ̌ppɑ́ nɛ́ nɛɡɛ́m ɛ̂yɑ́ pʉ́ɔ: Nduŋmbi Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂. Wɛcɔ́ pɔ́ Ndɛlɛ́yɑ ḿbɔ́ mɔ́ɔmɑ́ pɛ́ Pyɛ̂. Pɛcɔ́ pɔ́ Jɑ̂k mɔ́ɔ-Zɛbɛ́dɛ́ɛ pɔ́p mɔ́ɔmɑ́ wɛ Jɑ̂ŋ,

Mɛnu ɛ́ ńdɑ́Ꞌ ńcẅɛt 11:15

Cʉ̈ɔꞋ-Sɛ́ mbɑ́ɑtɛ sɑɑmbɑ́ tɔ́ŋ wɛ́ ntɑŋ. Pɛ́ zúꞋ mɛŋɡi pɔ́ tʉ́nɛ́pú ńdɔk ŋɡi tɛnnɛ ńcú ŋɡɔ: «Nɛsɑ́Ꞌ mbí tsʉ́Ꞌ ḿbɔ́ pɔ nǔu mbɔ́-Tsɑpʉɔ wɛkŋɛ mbɑ nǔu mbɔ́-Nzɑ́Ꞌŋkʉ ẅi ɑ kɑ tsɔ́Ꞌnɛ.» Ẅîwɑ́ nɛsɑ́Ꞌ ɡʉ ńdɑ́Ꞌ ḿbɔ́ nǔu mɛŋɡuꞋ mɛŋɡuꞋ.

1 Kɔlɛ̂ŋtɛ 15:55

Nɛvú, mú mɛtʉʉ lɔk ńjʉ́ ntsɔ lɛɛ nɛɡɔ́? Nɛvú, mú mɛ́tɛ́ lɛɛ nɛɡɔ́?

Mɑtʉ̈ɔ 4:18

Yɛ́su ɡɛ ḿbɔ́ ńnɛn mbʉʉ nɛkʉŋ-ŋki-Ŋɡɑlilɛɛ, ńjʉ́ɔ pɔ́ɔpɛ́mɑ́ pɛ́pɑ́. Símɔ ẅí pɛ́ pɛnnɛ ɛ́fúŋ wɛ́ ŋɡɔ Pyɛ̂, mbɑ Ndɛlɛ́yɑ ẅí ɑ mɔ́ɔmɑ́ pɛ́ Símɔ ɛ̂wɑ́. Pɔ́p pɔ́ ḿmɑꞋ mɛŋkʉ ŋki. MbíꞋŋɡɔ pɔ́p ḿbɔ́ pɑmɑꞋshú.

Mɑtʉ̈ɔ 7:24

«Ŋu lɑɑ ńtɔ́ ńtsɛ́t wɑ́ɑ, ńzẅíꞋlɛ sẅiŋɛ yɑ́ɑ, ŋ́ɡɛ pɑ́Ꞌ ɛ́ sɛ́ ḿbíkŋɛ, mbɔ ŋɡɑŋ fí wɛcɔ́ njínu wɑ́ ẅi, ɑ kɑ tsʉ́Ꞌ nɛkút ndɑ́ yɛ́, ńtúŋ zʉꞋ tɛ ńjʉ́ɔ mɑ́mɑ́ ŋɡɔꞋ, ńtík ndɑ́ ndǔ.

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.