Mɑtʉ̈ɔ 15:32 - Kɑɑ Fí

³² Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.»

Mɑtʉ̈ɔ 15:32 交叉引用

Mɑtʉ̈ɔ 9:36

ńjʉ́ɔ nɔɔ-lɑ́Ꞌ, mɛjʉ́ŋ mɔ́p kɔ́ wɛ́, mbíꞋŋɡɔ pɔ́p kɑ pɔ́ pɑ́Ꞌ nɔɔ-mɛnjinjɔ mí ntsiinɛ kɑ́ pɔ́ ɡú pɔ́. Pɔ́p pɔ́ mɛjʉ́ŋ mɛjʉ́ŋ, mbɔ pɔ́p tsɑ́ŋtɛ.

ŊwɑꞋnɛ-Gɑŋntúu Yɛ́su Kɛlístɔ 27:33

Pɛ́ pɔ́ ńzẅíꞋlɛ ŋɡɔ njí kiɛ, Pɔ̂l ńníꞋ tʉ́m-pʉɔ pɛtsʉʉ ŋɡɔ pɔ́p kwɛ́t mɔ́yúu, ńcú mbɔ̌ pɔ́p ŋɡɔ: «Ɛ́ ŋkɔ̂ɔnɛ ńdɔk ḿbɔ́ lɛ́Ꞌlɑ́Ꞌ ntsɔ̌pɛ́nɛ́kwɑ nɛ́ nɛɡɛ́m pɑ́Ꞌ pʉʉ kɑ zɛnɛ nɛpyɛ́p ŋɡɔ zʉꞋ pɔŋ, ḿbɛn ŋ́kɛ́ ḿbɔɔ ḿbɔ́ ŋ́kwɛ́t sɑ̌ɑ yúu pɔ́.»

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.

Lúkɑ́shi 7:13

Tsɑpʉɔ Yɛ́su jʉ́ɔ mpfúk ɛ̂wɑ́, mɛjʉ́ŋ mɛ́ kɔ́ wɛ́, ɑ cú mbɔ̌ wɛ́ ŋɡɔ: «Kɔɔ pɛn ŋ́kíi!»

Mɑ́lɛ́kúshi 9:22

A pɛn ḿbɔ́ tɛ zẅikŋɛ kɛpɔŋ ɛ̂yɑ́ ɡẅɛɛ wɛ́, ḿbɔ́ ḿmɑꞋ wɛ́ ɡɔ́ lɑ́, ḿmɑꞋ mɑꞋnɛ, kɛ tsɛt múk ɔɔ, kɛ tsɛt ŋki ɔɔ, ńdɔɔ pɔ shʉ́ nɛ́ kɛ́ ńjẅí wɛ́ jẅínɛ. Sɛ́sẅíi tsɑ́ɑ mɛjʉ́ŋ mɛ́k, ńcẅɛ́lɛ́ wɛ́k, ŋ́ɡɛ ɑ fíitɛ pɑꞋ ɔ lɑɑ ŋ́kuꞋ.

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

Mɑtʉ̈ɔ 20:34

Yɛ́su tsɑ́ɑ mɛjʉ́ŋ mɔ́p, ńzɑ́p mbɔ́ mɛ́ nǔu mík mɔ́p, ɛ́ ɡɔ́ɔ ńzɛ nɛjʉ́ɔ zʉꞋ, pɔ́p cʉ́ɔ nzʉʉ yɛ́.

Mɑtʉ̈ɔ 12:40

Ndʉ́ŋndʉŋ pɑ́Ꞌ Yɔ́nɑ́ɑshi kɑ nɑ́ŋnɛ tsɛt nɛpɛm-mɑ́mɑ́ shú lɛ́Ꞌ pɛtɑ́t lɑ́; Mɔ́ɔ-Ŋu ɡʉ ńdɑ́Ꞌ ŋ́ɡɛ yɛ́ lɛ́Ꞌ pɛtɑ́t tsɛt tsɛ́tsɑ́Ꞌ.

Mɑtʉ̈ɔ 14:13

Yɛ́su zúꞋ yɔ nu, ŋ́kúu tsɛt kɑnúꞋ ḿbɔ́ ŋ́ɡʉ nɛ́ zʉꞋ yi ŋu kɑ́ pɔ́ zúꞋu pɔ́. Lɑ́Ꞌ jí, ɛ́fú tsɛt mɛtʉ́sɔŋ ńcẅɛt, ńnɛn mbʉʉ-mɛkʉŋ ŋki ḿbiitɛ ńzɑ́Ꞌ wɛ́.

Mɑtʉ̈ɔ 15:33

Gɑŋku pɛ́ cú mbɔ̌ wɛ́ ŋɡɔ: «Mbɔ pɛk lɔk mbɛlɛ̂ɛt ɡɔ́, kɔ̂ŋtɛt yɔ, ńdɔk ńzẅík ndɛn lɑ́Ꞌ yɔ tɛ pɔ́p zwɛ́t?»