Mɑtʉ̈ɔ 15:31 - Kɑɑ Fí

³¹ CípúꞋ cú nu, ɡɑŋkẅíꞋlɛ fíitɛ, ɡɑŋpʉ̈ɔ́Ꞌtɛ mɛku nɛn sʉ́Ꞌnɛ, pɛfʉmík jʉ́ɔ zʉꞋ sʉ́Ꞌnɛ. Lɑ́Ꞌ jʉ́ɔ ḿmɑɑ tɛꞋ, ŋ́ɡɛ́mtɛ Sɛ́-pɑíslɑyɛ̂l.

Mɑtʉ̈ɔ 15:31 交叉引用

Mɑtʉ̈ɔ 9:8

Lɑ́Ꞌ jʉ́ɔ yɔ nu ḿbɔ́k Sɛ́, ŋ́ɡúꞋlɛ wɛ́ nǔu pɑ́Ꞌ ɑ ɡɑ́nɛ yɔ ntɛ́ mɛtʉʉ mbɔ̌ pʉɔmɛsɔŋ.

Lúkɑ́shi 18:43

Fumík ɛ̂wɑ́ ɡɔ́ɔ ḿbɛn ńjʉ́ɔ zʉꞋ, ńcʉ́ɔ nzʉʉ Yɛ́su, ńnɛn ŋ́ɡúꞋlɛ Sɛ́, lɑ́Ꞌ jʉ́ɔ yɔ nu, ŋ́ɡɔ́ɔ ńzɛ nɛ́ puu ŋ́ɡúꞋlɛ Sɛ́.

Lúkɑ́shi 7:16

Lɑ́Ꞌ yi ɛ́ ḿbɔ́nɛ sɛ́ kɑ jʉ́ɔ, pɔ́k ɡẅɛɛ wɔ́p pɛtsʉʉ, pɔ́p ɡúꞋlɛ Sɛ́, ńcú ŋɡɔ: «Mɑ́mɑ́ ŋɡɛ́mndʉ̈ɔ́Ꞌ-Sɛ́ tɔ́ lɑ́Ꞌ pɛkŋɛ, Sɛ́ tɔ́ ńcẅɛ́lɛ́ pʉɔ pɛ́.»

Mɑtʉ̈ɔ 18:8

Pɔ́Ꞌɔ lɑ́, ɛ́ lɑɑ ńtsʉ́Ꞌ yi pɔ́ yú kɛ ku yú ɔɔ, tsʉ́ʉnɛ wú, ɔ fɑɑnɛ nu, ɔ zɑ́Ꞌ ḿmɛꞋ tɛ ŋɡɑ sɛsɑ. Mbi ɡu nɛpɔ́ ŋkɛmpɔ́ kɛ kɛmku ɔɔ, ńdɑ́Ꞌ ḿbɔ́ ɡú, ńtsɑ pɑ́Ꞌ ɛ́ lɑɑ ḿbɔ́, ɔ ɡẅɛɛ mbɔ́ mú mɛmbɑ́ kɛ mɛku mú mɛmbɑ́ ɔɔ, ńdɑ́Ꞌ ŋ́kúu tsɛt múk ẅi ɛ́ kɛ́ lɑ́Ꞌ ḿbɛ́ pɔ́.

Mɑtʉ̈ɔ 9:33

Yɛ́su pɔ́ tɛ ńzuŋ yîyɑ́ zẅikŋɛ kɛpɔŋ, ntsɑꞋmbúꞋ ɛ̂wɑ́ ɡɔ́ɔ ńzɛ nɛcú nu. Lɑ́Ꞌ jʉ́ɔ ḿmɑɑ, ḿbɔ́ ńcú ŋɡɔ: Pɛ́ ŋ́kɑɑ mɔ́ zɛɛ ńjʉ́ɔ yɔ ntɛ́ nu tsɛt ŋɡɔŋ-pɑíslɑyɛ̂l pɔ́.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»

Lúkɑ́shi 14:21

Mɔ́ŋkʉ̈ɔ́ ɛ̂wɑ́ pɛn nzʉʉ, ɛ́sẅíi tɑ́t wɛ pɑ́Ꞌ pɔ́p cúnɛ, ɛ́ zɑ́ŋ wɛ́ tɛꞋ, ɑ pɛn ńtúu mɔ́ŋkʉ̈ɔ́ ɛ̂wɑ́, ńcú mbɔ̌ wɛ́ ŋɡɔ: «Kʉɔ nɛtʉʉ, ŋ́ɡʉ tʉ́sɔŋ ńtʉ́ʉ ndǔ zɑ́n, ńnɛn nǔu mɛndúŋ, ɛ́fúŋ pɛkɛyúu, ɛ́fúŋ pɛkʉ́ɔ, mbɑ pɛfumík pɔ́p pɛkɛmku pʉʉ pɔ́p tɔ́.»

Lúkɑ́shi 14:13

Ɔ lɑɑ ńdɑ́Ꞌ ḿbɔ́ ɛ́fúŋ tsɑ́ɑtɛ, ɔ fúŋ pɛkɛyúu, ɛ́fúŋ pɛkʉ́ɔ, ɛ́fúŋ pɛkɛmku, ɛ́fúŋ pɛfumík.

Mɑ́lɛ́kúshi 9:43

Pɔ́ yú lɑɑnɛ ḿbɔ́ ńtsʉ́ʉnɛ wú ńníꞋ tsɛt mɛfɑɑnɛ, ɔ zɑꞋ ḿmɛꞋ, mbi nɛpɔ́ ŋkɛmpɔ́, lɑ́ ŋ́kɛ́ ńdɑ́Ꞌ ḿbɔ́ ɡú, ńtsɑ nɛɡẅɛɛ mbɔ́ mɛmbɑ́, lɑ́ ḿbɛn ŋ́kúu tsɛt zʉꞋ yí múk zúꞋu, ḿbɔ́ yi ɛ́ ńdɑ́Ꞌ ḿbɛ́ yɛcɔ́ lɛ́Ꞌ pɔ́,

Mɑ́lɛ́kúshi 7:37

Pʉɔ tsʉʉ pɔ́ ńzúꞋ, ḿmɑɑ tɛ ńcú ŋɡɔ ɑ ɡɛ yɛ́ mbɑ kʉ̈ɔ́ lɑ́, ɛ́ pɔ́ pɔ sʉ́Ꞌnɛ. A ɡɛ pɛ́ mbúꞋ-mɛtúutɛ́ zúꞋ nu, mbɑ pɛ́cípuꞋ pɛn ɛ́sẅíŋɛ.

Mɑ́lɛ́kúshi 2:12

Pɔ́ꞌɔ lɑ́, ɑ ɡɔ́ɔ ńdɔ sɛ́ ńtíi pɑ́ŋtɛ wɛ, ńdɔk ḿbɔ́ ŋ́ɡʉ, lɑ́Ꞌ pɔ́ ńdíŋɛ, tɑ́ɑ lík mbɑ wɔ̌ lɑ́ cẅɛt, ɛ́ pɔ́ ŋ́kʉꞋnɛ wɛ́. Pɔ́p pɔ́ ŋ́ɡúꞋlɛ Sɛ́ ńcú ŋɡɔ: «Pɛk ŋkɑɑ mɔ zɛɛ ńjʉ́ɔ yɔ ntɛ́ nu pɔ́!»

Mɑtʉ̈ɔ 21:14

Pɛfʉmík mbɑ ɡɑŋpʉ̈ɔ́Ꞌtɛ mɛku pɛn ńtɔ́ nɛjɔ́ŋ Yɛ́su tsɛt zʉꞋ-nɔŋpɔꞋ, ɑ ɡɛ pɔ́p fíitɛ.

Mɑtʉ̈ɔ 8:10

Yɛ́su zúꞋ yɔ sẅiŋɛ yí ɛ́ cẅɛtnɛ ntsu-tɑ́tndɑ́-ntsɔ ŋ́ɡʉ̈ɔꞋtɛ wɛ́, ɛ́shɔtnɛ ńcú mbɔ̌ lɑ́Ꞌ yi ɛ́ nzʉʉ yɛ́ ŋɡɔ: «Ɛ sẅíi wʉ́ʉ, kwɑꞋ nɛ́nẅín, mbɑ tsɛt ŋɡɔŋ Pɑíslɑyɛ̂l, ŋ kɑ́ jʉ́ɔ wɛcɔ́ ŋu ẅí ɑ zɑ́pnɛ tʉ́m nǔu mɔ pɑ́Ꞌ jʉ́ pɔ́.

Mɑtʉ̈ɔ 9:32

Pɛfʉmík ɡɔ́ ɛ́fú ndɑ́ ńcẅɛt, pɛ́ lɔk wɛcɔ́ ŋu ńtɔ́ mbi Yɛ́su, mbɔ yɛcɔ́ zẅikŋɛ kɛpɔŋ kɑ ɡɛ ɑ tsʉ́Ꞌ ntsɑꞋmbúꞋ.

Mɑtʉ̈ɔ 15:30

Nɔɔ-lɑ́Ꞌ tɔ́, ŋ́ɡɔ́ ńtɔ́, ńdɔk ɡɑŋpʉ̈ɔ́Ꞌtɛ mɛku, pɔ́p pɛfʉmík, ŋ́ɡɛ ɡɑŋ-kẅíꞋlɛ, pɔ́p cípúꞋ, mbɑ pɛcɔ́ ɡɑŋɡɔɔ tɛ ńzɑ́ɑ. Pɔ́p lɔk wɔ́p ńtɔ́ mbi Yɛ́su pɔ́Ꞌɔ, ɑ ɡɛ pɔ́p fíitɛ pɛtsʉʉ.