3 Yɛ́su pʉ̈ɔt mbɔ̌ pɔ́p ŋɡɔ: «Ɛ́ ɡʉ nǔu pʉʉ, pʉʉ lɔk tswɛ́-lɑ́Ꞌ wʉʉ ŋ́ɡwɑ́k nɛpʉ́ʉ-Sɛ́ mɛlɑ́Ꞌ kʉ̈ɔ́?»
Ɛ́ nɛ́nẅín mɔ mɛnu fí njʉ̈ɔ̌ ɛ́ pɔŋ tɛꞋ lɑ́, mbíꞋŋɡɔ ɛ́ píkŋɛ nɛɡúꞋlɛ Sɛ́, ŋ́ɡɑ́ mbʉʉ sɛ́, ńnyɛt mbʉʉ nɛ́ ŋɡʉ̈ɔ́Ꞌ. Lɑ́ mîmɑ́ mɛyúu mbɔ ɛ́ pɔɔ cẅɛ́lɛ́ nǔu yɛcɔ́ yúu pɔ́. Ɛ́ cẅɛ́lɛ́ pɔ ndɑꞋ nɛɡɛ yúu mi ŋumɛsɔŋ kɔŋnɛ.
Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.
Pʉʉ zíꞋ nɔŋ-lɑ́Ꞌ wʉʉ pɔ́Ꞌɔ, ńdɔk ḿmɛꞋ sẅíŋɛ-Sɛ́. Pʉʉ pɛn ḿbɔ́ ŋ́ɡɛ lii-mɛnu ɛ̂mɑ́ tɛ ɛ́ zɑ́ɑ zɑ́ɑnɛ.
pɔ́p pɔɔ pɛn ńzúꞋ mɛnu-mɑ́pitsɔꞋ-pɑyúdɑ, ńcʉŋɛ nǔu pɔ́, tɛ mbɑ nɛpʉ́ʉ ni pʉɔ pi pɔ́p tɛ́mnɛ ŋkwɛn nǔu nu yi ɛ́ nɛ́nẅín zɑ́pnɛ.
«Mɛlɑ́Ꞌ kʉ̈ɔ́ ɡɑŋku pú kɑ́ nɛn nǔu nɔŋ-pʉɔ-ŋkɑ́mbi pɔ́ ɔɔ? Pɔ́p ɡɛ pɑ́Ꞌɑ ŋ́kwɛ́t yúu kɛ́ suk mbɔ́ mɔ́p nǔu ntɛ́ yi mɑt-lɑ́Ꞌ wɛkŋɛ sɛ́ ḿbíkŋɛ pɔ́ ɔɔ?»
Sɛ́ kɑ cú ŋɡɔ: «Gɛ mɛkuꞋ-tɑ́t wu pɔ́p mɑ́ wu, ḿbɛn ńcú ŋɡɔ: “Ŋu lɑɑ ńzɔɔtɛ tɑ́t wɛ kɛ mɑ́ wɛ ɔɔ, pɛ́ jẅí ŋɡɑŋ.”
