36 ḾbúꞋ mbɔ́ mbɔ̌ wɛ́ ŋɡɔ ɑ sǐi ḿbɛ́m, pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ tsʉʉ pí pɔ́p kɑ ɡẅɛɛnɛ nɛcɔ́ŋ-ndẅí ɛ̂nɑ́ fíitɛ.
Pʉɔ tsʉʉ kɑ pɔ́ ńdɔɔ nɛkuu wɛ́, mbíꞋŋɡɔ mɛtʉʉ kɑ pɔ́ fú nǔu wɛ́, ńzɔŋ wɔ́p pɛ́tsʉʉ.
Ɛ́ ɡɔ́ ḿbɔ́, mbɔ ɑ ɡɛ pʉɔ tɛ ńzɑ́ɑ fíitɛ, tɛ pʉɔ tsʉʉ pi ɡɔɔ m̄bɔ́nɛ nǔu pɔ́p nɑ́ɑtɛ wɛ́, ńzɑ́p mbɔ́ nǔu wɛ́.
Ɛ́ nǔu ŋkɔ̂ɔnɛ, pʉʉ sɛ́ ńjʉ́ɔ ŋɡɑŋ-kẅíꞋlɛ wɔ, ḿbɛn ḿbɔ́ ńjí wɛ́. Ɛ́ lɛɛ pɔ nǔu wɛk nɛzɑ́p tʉ́m nǔu Yɛ́su ɛ̂wɑ́ lɑ lík yɛ́ ɡɑ́ mɛtʉʉ mbɔ̌ wɛ́, ɑ lɔk ńdɔ sɛ́ ńtʉ́ʉ mbi pʉʉ. Ɛ́ lɛɛ pɔ nǔu nɛzɑ́p tʉ́m nǔu Yɛ́su lɑ ɑ fíitɛ pɑ́Ꞌ pʉʉ sɛ́ ńjʉ́ɔ lɑɑ.
Tɛ ɛ́ lɑɑ ḿbɔ́ yi mbɔ pʉʉ púꞋ mɔ́ɔ lɛ́Ꞌnji, ḿbɔ́k pɑ́Ꞌ pʉʉ ɡʉ ɛ́fɑɑnɛ nɛpʉ́ʉ-Mɔ̌sɛ̂ɛ, pʉʉ pɛn ńzɑ́ŋ lɔ́ŋ nǔu mɔ ŋɡɔ ŋ ɡɛ ŋu fíitɛ lɛ́Ꞌnji mɛlɑ́Ꞌ kʉ̈ɔ́?
Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.
Pɔ́p pɔ́ ŋ́ɡɛ kʉ̈ɔ́ lɑ́ ḿbɔ́ ńdɔɔ ŋɡɔ pɛ́ jʉ́ɔ wɔ́p. Ɛ́ yúu mi ɛ́ ɡɛnɛ pɔ́p ɡʉ nǔu pɔ́ɔ mɛtɔ́Ꞌlɛ mi pɛ́ níꞋnɛ sẅíŋɛ-Sɛ́ tsɛtú ŋ́kút nǔu nɛzíi mbɑ nǔu pɔ́ lɑ́, ŋ́ɡɛ mɔ́p ɛ́ ɡúꞋ tɛꞋ. Pɔ́p pɛn ŋ́ɡɛ ŋɡɔ mɛcɔ́ŋ-ndẅí mɔ́p mi pɛ́ mɑꞋnɛ ńdɔk ńcɛꞋlɛ Sɛ́ sɑk tɛ ńtsɑ.
ŋ́ɡɔ́ ḿpfúu tɛ ńtʉ́ʉ sɛ́, pɛ́ lii Yɛ́su, ŋ́ɡɔ́ɔ ŋ́kʉɔtɛ, ŋ́ɡʉ tsɛt mɛnjɛ́Ꞌ tsʉʉ ŋ́ɡɛ pɛ́ lɔk ɡɑŋɡɔɔ tsʉʉ ńtɔ́.
A pɔ́ ńdɛɛ mbɑ ɡɔ́ lɑ́, kɛ pɔ tʉ́sɔŋ ɔɔ, kɛ pɔ tsɛt mɛnjɛ́Ꞌ ɔɔ, pɛ́ pɔ́ ńtíi pɛŋɡɔɔ ńdɔk ńtɔ́, ńnɔŋ zʉꞋ yi ɑ ɡʉ ńdɛɛ zúꞋu, ḿbuꞋ mbɔ́ mbɔ̌ wɛ́ ŋɡɔ ɑ pɛ́m pɔ́p ɡẅɛɛ pɔ ndɑꞋ nɛcɔ́ŋ-ndẅí nɛ́. Pʉɔ pi pɔ́p kuunɛ nɛcɔ́ŋ-ndẅí ɛ̂nɑ́, fíitɛ tsʉʉ.
Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.
