27 Lɑ́ Yɛ́su ɡɔ́ɔ ńcú mbɔ̌ pɔ́p ŋɡɔ: Pʉʉ pɔ́tnɛ ńnɑ́ŋ, ɑ pɔ́ mɔ, kɔɔ pʉʉ pɔ́k.
N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.
Ɛ́ ɡɛ ḿbɔ́ nɛtúꞋ, Tsɑpʉɔ tɔ́ ńcú mbɔ̌ Pɔ̂l ŋɡɔ: «Sɑ́Ꞌ pɔ mɛtʉʉ. Ɔ kɑ cú ŋu ẅi mɔ jʉ́ Yɛlúsɑlɛm wɔ. Ɛ́ pɛn ḿbɔ́ ḿbíkŋɛ ŋɡɔ ɔ pɛn ńcú ŋu ẅi mɔ jʉ́ tʉ́sɔŋ-Lɔ́mɑ.»
Lɑ́ Yɛ́su cú mbɔ̌ pɔ́p ŋɡɔ: «kɔɔ pʉʉ pɔ́k, ɑ pɔ́ mɔ.»
Yɛ́su tɔ́, ńzɑ́p pɔ́ nǔu pɔ́p, ńcú ŋɡɔ: «Pʉʉ lɔ sɛ́, kɔɔ pʉʉ pɛn ḿbɔ́k.»
Ŋ́kúu zúꞋu, pɛ́ lɔk wɛcɔ́ ŋɡɑŋkẅíꞋlɛ ńtɔ́, ɑ nɔɔ ndǔ pɑ́ŋtɛ. Yɛ́su jʉ́ɔ ntɛ́ yi, mbɛ́ɛnɛ yí pɔ́p lɔknɛ wɛ́ ńtɔ́, lɔknɛ ńzɑ́p tʉ́m nǔu wɛ́, ńcú mbɔ̌ ŋɡɑŋkẅíꞋlɛ ŋɡɔ: «Mɔ́ɔ wɑɑ kɔɔ pɔ́k! Pɛ́ likŋɛ mɛnu kɛpɔŋ mú ŋ́ɡɑ́ mbɔ̌ ɡu.»
Cʉ̈ɔꞋ-Sɛ́ cú ŋɡɔ: «Mɑlíyɑ, kɔɔ pɔ́k, Sɛ́ cʉɔꞌ wú.
Lɑ́ Cʉ̈ɔꞋ-Sɛ́ cú mbɔ̌ wɛ́ ŋɡɔ: «Sɑkɑlíyɑ, kɔɔ kíi ḿbɔ́k, Sɛ́ zúꞋ mɔ́ nu yi ɔ júknɛ ńcɛꞋlɛ wɛ́ nǔu, tɛ ɑ ŋ́ɡɛ ńcʉ̈ɔꞋ nzwɛ́ wu Lísɑpɛ, pʉʉnɛ ḿbí tɑ́Ꞌ mɔ́ɔ mbɛ́ɛnɛ, ɔ cẅi lík yɛ́ ŋɡɔ Jâŋ.
Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Kɔɔ pʉʉ pɔ́k.» Pʉʉ ɡʉ ńcú mbɔ̌ pɔ́ɔpɛ́mɑ́ pɑ́ɑ, ŋɡɔ pɔ́p ɡʉ nɛ́ Ŋɡɑlilɛɛ, ŋɡɔ pɔ́p ɡʉ ńjʉ́ɔ wɑ́ɑ pɔ zúꞋu.
Lɑ́ Cʉ̈ɔꞋ-Sɛ́ ɛ̂wɑ́ cú mbɔ̌ pɔ́p ŋɡɔ: «Kɔɔ pʉʉ pɔ́k! N tɔ́ pɔ nɛpʉ́ wʉ́ʉ nɛ́ nu sʉ́Ꞌnɛ, ɛ́ pɔ́ yi ɛ́ ɡɛ ŋ́ɡɑ́ mɑ́mɑ́ tsɑ́ɑtɛ tsɛt ŋɡɔŋ wʉ́ʉ.
Pyɛ̂ ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Tsɑpʉɔ ɑ lɑɑ ḿbɔ́ kwɑꞋ ɡu, ɔ ɡɛ n nɛn ndǔ ŋki ńtɔ́ ńzɑ́Ꞌ wú.»
Cʉ̈ɔꞋ-Sɛ́ cú mbɔ̌ pɑŋɡɛ́ ɛ̂pɑ́ ŋɡɔ: «Kɔɔ pʉʉ pɔ́k, n jí ŋɡɔ pʉʉ tɔ́ lɔɔ Yɛ́su ẅí pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ lɑ́.»
Pɔ́p pɛtsʉʉ kɑ pɔ́ ńjʉ́ɔ wɛ́ pɑꞋ ɑ tɔ́nɛ, ńcʉ̈ɔꞋ, lɑ́ Yɛ́su ɡɔ́ɔ ɛ́fúŋ wɔ́p, ɛ́sẅíi wɔ́p ŋɡɔ: «Pʉʉ pɔ́tnɛ ńnɑ́ŋ, ɑ pɔ́ mɔ, kɔɔ pʉʉ pɔ́k.»
Tɛ mbɑ Jɑ̂ŋ pɔ́p Jɑ̂k, pɔ́ɔ-Zɛbɛdɛ, pɛsúu-Simɔ̂ŋ, pɛn ŋ́ɡɔ́ɔ ḿbɔ́k yɔ́p tɛꞋ. Lɑ́ Yɛ́su cú mbɔ̌ Simɔ̂ŋ ŋɡɔ: «Kɔɔ pɔ́k tɛꞋ, tɛ ɛ́fú lɔ́Ꞌnɛ, ɔ ɡʉ ńnɑ́ nɛɡẅɛɛ mɛshú ńtsʉ́ꞌ ńcúꞋlɛ pɔ pʉɔmɛsɔŋ.
Pʉɔ pɑ́ɑ, pʉʉ pɔ́ pɔ mbɔ́ntɑ́Ꞌ, lɑ́ kɔɔ pʉʉ pɔ́k! MbíꞋŋɡɔ Tɑ̌ɑ wʉ́ʉ Sɛ́ kɑ jʉ́ɔ ŋɡɔ ɑ ɡɛ ŋ́ɡɑ́ mbɔ́tnɛ-nɛfɔɔ mbɔ̌ pʉʉ.
