Mɑtʉ̈ɔ 14:19 - Kɑɑ Fí

¹⁹ ńcú pɔ́Ꞌɔ, ńcú mbɔ̌ lɑ́Ꞌ ŋɡɔ: “Pɔ́p pʉ̈ɔ́Ꞌ nɛɡíi ńnɑ́ŋ ndǔ, ḿbɛ́ɛ mbɛlɛ̂ɛt ɛ̂yɑ́ ntɑ́Ꞌ yɛtɑɑ, nɛ́ mɛshú mîmɑ́ mbɑŋ yɛ́pɑ́, ḿbʉꞋ tú yɛ́ ńdíŋɛ tʉ́, ŋ́ɡɛ́mtɛ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.”»

Mɑtʉ̈ɔ 14:19 交叉引用

Lúkɑ́shi 24:30

Ŋkɑ́ nɛjʉ́ yúu ɡɛ ŋ́kuꞋ, pɔ́p nɑ́ŋ sɛ́, ɑ pɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ pɔ́p.

ŊwɑꞋnɛ-Gɑŋntúu Yɛ́su Kɛlístɔ 27:35

Pɔ̂l cú pɔ́Ꞌɔ, ḿbɛ́ɛ mbɛlɛ̂ɛt, ńtʉ́ʉ mbi pʉɔ tsʉʉ, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌ, ńzɛ nɛkwɛ́t.

Mɑ́lɛ́kúshi 6:41

Yɛ́su cẅɛ́ɛ mbɛlɛ̂ɛt ɛ̂yɑ́ ntɑ́Ꞌ yɛ́tɑɑ pɔ́p mɛshú ɛ̂mɑ́ mbɑŋ yɛ́pɑ́, ḿbʉꞋ tú yɛ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ mbɛlɛ̂ɛt ŋ́ɡɑ́ mbɔ̌ ɡɑŋku pɛ́, nɛpɔ́ yi pɔ́p ɡʉ ŋ́ɡɑptɛ mbɔ̌ lɑ́Ꞌ, ḿbɛn ŋ́ɡɛ pɔ pɔ́Ꞌɔ, nǔu mɛshú.

1 Kɔlɛ̂ŋtɛ 11:24

ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ńcú ŋɡɔ: Yɔ mbɑp-mbʉʉ yɑɑ yi pɛ́ ŋ́ɡɑ́ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ ńdɔk ŋ́kẅíitɛ wɑ́ɑ».

Pʉɔ-Lɔ́mɑ 14:6

Ŋu ẅí ɑ ɡẅɛɛnɛ tɔŋ nǔu mɛlɛ́Ꞌlɑ́Ꞌ, ɑ ɡɛ tɔŋ pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ. Ŋu ẅí ɑ jʉ́ɔnɛ mbɑ kʉ̈ɔ́ lɑ́ ŋ́kwɛ́t yɛ́ kwɛ́tnɛ, pɔ́Ꞌɔ, pɔ nɛlɔk ŋ́ɡúꞋlɛ Tsɑpʉɔ, mbíꞋŋɡɔ ɑ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu. Ŋu ẅí ɑ pɛn ŋ́kɛ́ mbɔɔ jʉ́ɔ mbɑ kʉ̈ɔ́ lɑ́ ŋ́kwɛ́t kwɛ́tnɛ pɔ́, ɑ kɑ́ kwɛ́t pɔ́Ꞌɔ pɔ́, ɛ́ pɔ́ pɔ nɛlɔk ŋ́ɡúꞋlɛ Tsɑpʉɔ. A pɛn ḿbɔ́ ŋ́ɡɑ́ yɛ́ pɑ́Ꞌlɑ́ mbɔ̌ Sɛ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

1 Kɔlɛ̂ŋtɛ 10:16

Pɛkŋɛ sɛ́ ńnɔ́ ntúꞋ-mɛluꞋ yí pɛkŋɛ ɡɑ́nɛ pɑ́Ꞌlɑ́ mbɔ̌ Sɛ́ nǔu, pɛkŋɛ kɑ́ pɔ́ ńdɔk pɔ́Ꞌɔ, ńtɛmtɛ nǔu mɛci-Kɛlístɔ pɔɔ? Mbɛlɛ̂ɛt yí pɛkŋɛ pʉ̈ɔ́Ꞌtɛ́nɛ ŋ́ɡɑp, kɑ́ pɔ́ ńtɛmtɛ wɛkŋɛ nǔu mbɑp-mbʉʉ-Kɛlístɔ pɔ́ ɔɔ?

Lúkɑ́shi 9:14

Ɛ́ ḿbɔ́ pɔ́Ꞌɔ, ŋumɛsɔŋ pɔ́ sɛ́ tɛꞋ, tɛ mbɛ́ɛnɛ ndɑꞋ ḿbɔ́ yúu ntsɑ́Ꞌ yɛtɑɑ. Pɔ́Ꞌɔ, Yɛ́su cú mbɔ̌ ɡɑŋku pɛ́ ŋɡɔ: «Pʉʉ ɡɛ pɔ́p nɑ́ŋ sɛ́ mɛɡɛ́mɛ́ntɑɑ, mɛɡɛ́mɛ́ntɑɑ.»

Mɑ́lɛ́kúshi 7:34

ŋ́ɡɔ́ɔ ŋ́kɛ́ ḿbʉꞋ mík mɛ́ ńdíŋɛ tʉ́, ńjẅi, ńcú ŋɡɔ: «Ɛfɑtɑ!» Ńdɔk ńcú ŋɡɔ: «Tsɔ́Ꞌnɛ!»

1 Kɔlɛ̂ŋtɛ 10:31

Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

Jɑ̂ŋ 6:23

Mɛcɔ́ mɛkɑnúꞋ pɛn ɛ́fú Tibɛ́liyɑ́dɛ, ńtɔ́ zʉꞋ yí Yɛ́su kɑ tʉ́ʉnɛ zúꞋu, ŋ́ɡɑ́ pɑꞋlɑ́ mbɔ̌ Sɛ́ nǔu mbɛlɛ̂ɛt, ŋ́ɡɑptɛ pɔ́p kwɛ́t lɑ́.

Mɑ́lɛ́kúshi 6:39

A cú mbɔ̌ pɔ́p ŋɡɔ: «Pʉʉ ɡɛ pʉɔ nɑ́ŋtɛ ndǔ nɛɡíi pɔ́tnɛ́nɛ mɛnɔɔ mɛnɔɔ.»

Jɑ̂ŋ 11:41

Pɛ́ pɔ́ tɛ kẅɛ́Ꞌlɛ ŋɡɔꞋ, Yɛ́su pʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋ ɡɑ́ pɑꞋlɑ́ pɑ́Ꞌ n cɛꞋlɛ́nɛ wú, ɔ zúꞋ.»

Lúkɑ́shi 22:19

A kɑ pɛn ḿbɛ́ɛ mbɛlɛ̂ɛt, ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ŋ́ɡɔ ŋ́ɡɑ́ mbɔ̌ ɡɑŋku pɛ́ ńcú ŋɡɔ: «Yɔ mbɑp-mbʉʉ yɑɑ yi pɛ́ ɡɑ́nɛ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑꞋnɛ ńdɔk ŋ́kẅíitɛ wɑ́ɑ.»

Lúkɑ́shi 9:16

Yɛ́su pɛ́ɛ mbɛlɛ̂ɛt yîyɑ́ ntɑ́Ꞌ yɛ́tɑɑ nɛ́ mɛshú mîmɑ́ mbɑŋ yɛ́pɑ́, ḿbʉꞋ tú yɛ́ ńdíŋɛ tʉ́, ŋ́ɡɑ́ pɑ́Ꞌlɑ́ mbɔ̌ Sɛ́; ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, nɛpɔ́ yi pɔ́p ŋ́ɡɑp mbɔ̌ lɑ́Ꞌ.

Mɑtʉ̈ɔ 14:18

Yɛ́su cú mbɔ̌ pɔ́p ŋɡɔ: «Pʉʉ lɔk ńtɔ́, ŋ́ɡɑ́ mbɔ̌ mɔ zɑꞋnɛ,

Lúkɑ́shi 22:17

A kɑ sẅíi wɔ́p pɔ́Ꞌɔ, ŋ́ɡɔ́ɔ ŋ́kɛ́ ńtíi ntúꞋ mɛluꞋ, ŋ́ɡɑ́ pɑ́Ꞌlɑ́ mbɔ̌ Sɛ́, ńcú mbɔ̌ pɔ́p ŋɡɔ: «Pʉʉ kɔ ntúꞋ yɔ ńnɔ́ tɛ ḿmɛk wʉ́ʉ.