41 Mɔ́ɔ-Ŋu ɡʉ ńdɑ́Ꞌ ńtúu pɛcʉ̈ɔ́Ꞌ pɛ́, pɔ́p fú tsɛtsɛt pʉɔ pɛ́ ńcẅɛɛtɛ ŋɡɑŋ ŋkwɑꞋnɛ mbɑ pʉɔ kɛpɔŋ,
ńtúu pɛcʉ̈ɔ́Ꞌ pɛ́, ŋkɑ́ yi pɛ́ tɔ́ŋnɛ mɑ́mɑ́ ntɑŋ-nɛsɔŋ-shʉ́ɔ, ńdɔk ńcúꞋlɛ pʉɔ pɛ́ pi ɑ kɑ tsɔ́Ꞌnɛ ndǔ mbí mɛsɑ́k mɛ́nɛ́kwɑ, pɔ́p fú mɛshʉ́ mɛshʉ́ ńtɔ́.
Lɑ́ yɛcɔ́ yúu mi ntsɛ́llɛ́ nǔu, kɛ́ ɡɛ ńdɛɛ tɛ ŋ́kúu zúꞋu pɔ́. Tɛ mbɑ sɑ̌ɑ ŋu ɑ nǔu pɑɡɛ mɛnu ndǔmbí, mbɑ nǔu ɡɑŋcɔtnu. NdɑꞋ pʉɔ pi mɛlík mɔ́p tsɛt ŋwɑꞋnɛ-Mɔ́ɔ-Njinjɔ yi lík-pʉɔ pí pɔ́p ɡẅɛɛnɛ luk kɛ́mɛ tsɛtú, ɡʉ ńdɑ́Ꞌ ŋ́kúu zúꞋu.
Ndɔɔ tú-pʉɔ pínɛ pɔ́p ndǔ yɔ mbí, ŋ́ɡɛ pʉɔ fɑɑnɛ mɛnu! Ɛ́ nɛ́nẅín mɛnu ɛ̂mɑ́ ńdɑ́Ꞌ ńjɑ́k pɔ́. Lɑ́ pʉ́ktú kɛ́ ḿbɔ́ ŋu ẅí ɑ ɡʉ ŋ́ɡɛ ŋɡɔ ŋu fɑɑnɛ sɛ̂ndúŋ!
Nu-pɛcʉ̈ɔ́Ꞌ-Sɛ́ zɛɛ pɑ́Ꞌɑ ḿbɔ́ kʉ̈ɔ́? Pɔ́p pɔ́ pɔ mɛzẅikŋɛ mi ɛ́ fɑꞋnɛ mbɔ̌ Sɛ́, ɑ sɛ́ ńtúu wɔ́p ŋɡɔ pɔ́p ɡʉ ɛ́fɑꞋ fɑꞋ yi ɛ́ ɡʉ cẅɛ́lɛ́ pʉɔ pi jʉ́ Sɛ́ ɡʉ ńtɑ́ɑ ŋ́ɡɛ pɔ́p luk.
Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.
Ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ, nǔu ndẅiknzʉʉ lɛ́Ꞌmbí. Pɛcʉ̈ɔ́Ꞌ-Sɛ́ ɡʉ ńdɑ́Ꞌ ńtɔ́, ɛ́fú tsɛtsɛt ɡɑŋnu nɛ́nẅín, ńdɔɔ pʉɔ kɛpɔŋ,
Ńtúu pɛcʉ̈ɔ́Ꞌ-Sɛ́, pɔ́p cúꞋlɛ pʉɔ pɛ́ pi ɑ kɑ tsɔ́Ꞌnɛ ndǔ mbí mɛsɑ́k mɛ́nɛ́kwɑ, pɔ́p fú mɛshʉ́ mɛshʉ́ ńtɔ́.
Yɛ́su pʉ̈ɔt mbɔ̌ wɛ́ ŋɡɔ pɛkwɛt ɡẅɛɛ mɛmbʉ́, pɛshʉ́ŋ pɛn ŋ́ɡẅɛɛ mɛŋkɑɑ mɔ́p. Lɑ́ Mɔ́ɔ-Ŋu kɑ́ ɡẅɛɛ zʉꞋ yí ɛ́ lɑɑ ḿbɔ́ ɑ jẅiitɛ zúꞋu pɔ́.
A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»
