Mɑtʉ̈ɔ 12:42 - Kɑɑ Fí

⁴² Ɛ́ ɡʉ ńdɑ́Ꞌ lɛ́Ꞌ yi Sɛ́ ŋ́ŋɑk pʉɔmɛsɔŋ, mɑ́ɑfɔɔ ɡwɛ́-pʉɔ-Shɛ́bɑ lɔ sɛ́ ńtɔ́ ńtʉ́ʉ, ńzɑ́p nu tú-pʉɔ pínɛ pɔ́p ndǔ mbí ŋkɔ̂ɔnɛ, mbíꞌŋɡɔ ɑ kɑ zúꞋ ŋɡɔ jínu-fɔɔ Sɑlɛ́mɔ lɛɛ yɛ́ pʉɔtsʉʉ, ɛ́fú tɛ lɑ́Ꞌ yɛ́ ńdɔ sɛ́ ńtɔ́, ńdɔk mík mɛ́ ńjʉ́ɔ yɛ́. Pɔ́Ꞌɔ ŋkɔ̂ɔnɛ, ŋu ẅí ɑ pɛnnɛ ɛ́sẅíi wʉ́ʉ nɛ́ nu lɔ́Ꞌnɛ pʉʉ pɔɔ pɛ́m, yɛ́ jínu tsɑ yɛ́ fɔɔ Sɑlɛ́mɔ.

Mɑtʉ̈ɔ 12:42 交叉引用

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Jɑ̂ŋ 1:18

Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.

Mɑtʉ̈ɔ 3:17

Ŋɡi-ŋu fú tʉ́nɛ́pú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ.»

Mɑtʉ̈ɔ 12:41

Lɑ́ ɛ sẅíi wʉ́ʉ, ɛ́ ɡʉ ńdɑ́Ꞌ lɛ́Ꞌ yi Sɛ́ ŋ́ŋɑk pʉɔmɛsɔŋ, pʉɔ Niniivɛ lɔ sɛ́ ńtɔ́ ńtʉ́ʉ, ńzɑ́p nu tú-pʉɔ pínɛ pɔ́p ndǔ mbí ŋkɔ̂ɔnɛ. MbíꞋŋɡɔ Yɔ́nɑ́ɑshi kɑ cú nu mbɔ̌ pɔ́p, pɔ́p zúꞋ, ŋ́kúp mɑt wɔp. Pɔ́Ꞌɔ, ŋkɔ̂ɔnɛ ŋu ẅí ɑ pɛnnɛ ɛ́sẅíi wʉ́ʉ nɛ́ nu lɔ́Ꞌnɛ pʉʉ pɔɔ pɛ́m, tsɑ Yɔ́nɑ́ɑshi.

Mɑtʉ̈ɔ 12:6

Pɔ́Ꞌɔ, ŋ kɛ́ ɛ́sẅíi wʉ́ʉ, wɛcɔ́ ŋu zɑꞋnɛ mɛfɑꞋ mɛ́ ńtsɑ mɛ zʉꞋ-nɔŋpɔꞋ-Sɛ́.