Mɑtʉ̈ɔ 12:36 - Kɑɑ Fí

³⁶ Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.

Mɑtʉ̈ɔ 12:36 交叉引用

Pʉɔ-Lɔ́mɑ 2:16

Yɔ pɑ́Ꞌ Ŋkʉʉ Sʉ́Ꞌnɛ-Sɛ́ ẅí mɔ sɛ́ ńdɛꞋlɛ ńcúnɛ pɑ́Ꞌ Sɛ́ ɡʉ ńdɑ́Ꞌ ńzɑ́Ꞌ ntsɑŋ mbɑ wɔ̌ lɑ́. Ɛ́ ɡʉ ńdɑ́Ꞌ ḿbɔ́ yîyɑ́ lɛ́Ꞌ, Sɛ́ cú mbɔ̌ Yɛ́su Kɛlístɔ, ɑ ŋɑk pʉɔ nǔu kʉ̈ɔ́ lɑ́ yi ɛ́ lʉɔmɛ́nɛ tsɛt tʉ́m pɔ́p.

Mɛnu ɛ́ ńdɑ́Ꞌ ńcẅɛt 20:12

M bɛn ńjʉ́ɔ pɛpfúsɛ́, pɛ pɛlʉ́m mbɑ mbɔ́ŋkʉ̈ɔ́, pɔ́p tʉ́ʉtɛ mbi kɔꞋ-nɛfɔɔ. M bɛn ńjʉ́ɔ pɑ́Ꞌ pɛ́ ŋíɛꞋnɛ mɛŋwɑꞋnɛ. Pɛ́ ɡɛ ḿbɛn ŋ́ŋíɛꞋ yɛcɔ́, ɛ́ pɔ́ yi pɛ́ kɑ ŋwɑꞋnɛ́nɛ mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú. Pɛ́ lɔk yúu mi pɛ́ kɑ ŋwɑꞋnɛnɛ tsɛt mɛŋwɑꞋnɛ ŋ́ŋɑk pɛpfúsɛ́, ŋ́ŋɑk wɔ́p pɔ pɑ́Ꞌ mɛfɑꞋ mɔ́p kɑ pɔ́nɛ.

Mɑtʉ̈ɔ 10:15

Mɔ ɛ́sẅíi wʉ́ʉ, kwɑꞋ nɛ́nẅín, lɛ́Ꞌ yi Sɛ́ ɡʉ ńdɑ́Ꞌ ḿbɔ́ ńzɑ́Ꞌ mɛtsɑŋ-pʉɔmɛsɔŋ, ŋɡʉ̈ɔ́Ꞌ-pîpɑ́ pʉɔ zɑ́ɑ ńtsɑ yɛ́ pʉɔ-Sɔdɔ́m pɔ́p yɛ́ pʉɔ-Ŋɡɔmɔ̂ɔ.

Mɑtʉ̈ɔ 11:22

Ɛ́ yúu mi ɛ́ ɡɛnɛ n cú ŋɡɔ: Ɛ́ ɡʉ ńdɑ́Ꞌ ḿbɔ́ lɛ́Ꞌ yi Sɛ́ ŋ́ŋɑk pʉɔmɛsɔŋ, yí ŋɡʉ̈ɔ́Ꞌ lɛɛ yɛ́ pʉɔ-Til pɔ́p yɛ́ pʉɔ-Sidɔ́ŋ,

Mɑtʉ̈ɔ 12:37

Sɛ́ ɡʉ ńdɑ́Ꞌ ńdɔk pɔ nu yí ɛ́ kɑ cẅɛtnɛ ntsu mbɑ wɔ̌ lɑ́, ńzɑ́Ꞌ ntsɑŋ yɛ́, ɑ pɔɔ vu, ɑ luk. Ŋ́kɛ́ ḿvu ɑ kúu ŋɡʉ̈ɔ́Ꞌ.»

Pʉɔ-Lɔ́mɑ 14:12

Pɛkŋɛ lɔk pɑ́Ꞌɑ ńjʉ́ɔ ŋɡɔ mbɑ wɔ̌ lɑ́ tsɛtsɛt pɛkŋɛ ɡʉ ńdɑ́Ꞌ tʉ́ʉ mbi Sɛ́, kwɑꞋ jʉ́ pɛ́ɛtɛ́nɛ ntsu wɛ́ nǔu pɑ́Ꞌ ɑ kɑ ɡɛnɛ.

Jɑ̂k 3:6

Lʉ́m pɛn ḿbɔ́ yɛ́ pɔ pɑ́Ꞌ múk, ḿbɔ́ zʉꞋ yí mɛnu kɛpɔŋ fúnɛ zúꞋu. Lʉ́m-ŋu nǔu mɛkɛm-mbʉʉ-ŋu, ḿbɔ́ yi kɛm ɛ́ níꞋnɛ ntsɛ́llɛ́ nǔu mbɑp-mbʉʉ tsʉʉ. Ɛ́ ɡʉ nɛkɛlɛmúk, ḿbɛ́ɛ múk, ńtɔ́ ńdɔk ńtɔɔ nɛnɑ́ŋ-ŋu pɔ tsʉʉ.