Mɑtʉ̈ɔ 12:34 - Kɑɑ Fí

³⁴ Njẅɛt-mɛnɔ́, mbɔ pʉʉ pɔ́ pʉɔ kɛpɔŋ pɑ́Ꞌɑ, ńcú nu sʉ́Ꞌnɛ ŋɡɔ́ku? Ŋu cú pɔ nu yí ɛ́ tsɛt tʉ́m yɛ́.

Mɑtʉ̈ɔ 12:34 交叉引用

Lúkɑ́shi 6:45

Pʉʉ jí ŋɡɔ ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ; ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉ ńcẅɛt ntsu wɛ́, mbíꞋŋɡɔ ŋu cú pɔ nu yi ɛ́ tsɛt tʉ́m yɛ́.»

Mɑtʉ̈ɔ 15:18

Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ.

Ɛ́fɛ̂zɛ 4:29

ḿbɑ́ɑ mbɑ tɑ́Ꞌ sẅiŋɛ kɛpɔŋ nɛcẅɛt ntsu pʉʉ. Pʉʉ cú pɔ nu yi ɛ́ ɡʉ cẅɛ́lɛ́ nǔu yîyɑ́ ŋkɑ́, ɛ́ pɔ́ pɔ sẅiŋɛ sʉ́Ꞌnɛ yi ɛ́ ɡʉ cẅɛ́lɛ́ pɛcɔ́ pʉɔ pɔ́p nɛkẅiꞋ ńzɑ́p tʉ́m nǔu Sɛ́. Pʉʉ cú pɔ nu yi ɛ́ ɡʉ cẅɛ́lɛ́ mbɑ wɔ̌ lɑ́ nǔu pʉɔ pi pɔ́p sɛ́ ńzẅíꞋlɛ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.

Mɑtʉ̈ɔ 12:35

Pʉʉ jí ŋɡɔ: «Ŋu lɑɑ ŋ́ɡẅɛɛ tʉ́m sʉ́Ꞌnɛ, mbɔ ɑ ɡʉ ŋ́ɡẅɛɛ ntsu sʉ́Ꞌnɛ, ŋ́ɡẅɛɛ tʉ́m kɛpɔŋ, mbɔ sẅiŋɛ kɛpɔŋ ɡʉnɛ ńcẅɛt ntsu wɛ́.»

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

Mɑtʉ̈ɔ 23:33

Pʉʉ njẅɛt-mɛnɔ́, ḿbɔ́ pɛmɑ́sɛ́m-nɔ́, ḿbɔ́ pʉʉ ɡɛ pɑ́Ꞌɑ ńdɑ́Ꞌ ńnɑ́ kɛ́ kúu tsɛt múk?

Mɑtʉ̈ɔ 3:7

Jɑ̂ŋ jʉ́ɔ pɑ́Ꞌ pʉɔ nǔu nɔɔ-pɑfɑlísɑy pɔ́p pʉɔ nǔu nɔɔ-pɑsɑdukɑy tɔ́nɛ yɔ́p tɛ ńzɑ́ɑ, pɑ́Ꞌ ɑ ɡʉ ńnuꞋ wɔ́p ŋki, ɑ cú mbɔ̌ pɔ́p ŋɡɔ: «Njẅɛt mɛnɔ́, pɑtɑ́ɑ mɛzúŋ, wɔ̌ pɛnnɛ ɛ́sẅíi wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔɔnɛ tɛ ɛ́ pɔ́ ŋ́ɡʉ ḿvu nǔu pʉʉ?

Lúkɑ́shi 3:7

Jɑ̂ŋ cú pɔ́Ꞌɔ, pʉɔ tɛ ńzɑ́ɑ pɔ́ ńtɔ́ pɑ́Ꞌ ɑ ńnuꞋ wɔ́p ŋki. A pɔ́ ńcú mbɔ̌ pɔ́p ŋɡɔ: «Njẅɛt-mɛnɔ́, pɑtɑ́ɑ mɛzúŋ! Wɔ̌ sẅíinɛ wʉ́ʉ nɛkʉɔ ŋɡʉ̈ɔ́Ꞌ yi pʉʉ lɔ́ɔnɛ tɛ ɛ́ pɔ́ ŋ́ɡʉ ŋ́kúu nǔu pʉʉ?

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

Jɑ̂k 3:2

Pɛkŋɛ fɑɑnɛ mɛnu ntɛ́ ntɛ́ pɔ kɛ́ vuꞋ ŋu. Ŋu lɑɑ ḿbɔ́ ŋu ẅí ɑ kɑ́ tɔ́ nɛcú nu ɛ́fɑɑnɛ pɔ́, mbɔ ɑ ŋu kɛ́ lɔ́Ꞌ, ŋ́kuꞋ nɛɡẅɛɛtɛ mbʉʉ yɛ tsʉʉ.