14 Ɛ́ tsɑ pɑfɑlísɑy, pɔ́p fú ndɑ́-cúꞋlɛ ńcẅɛt, ńcúꞋlɛ ńdɔɔ shʉ́ pɑ́Ꞌ pɔ́p ɡʉ ŋ́ɡɛ lɑ ńjẅí Yɛ́su.
Ɛ́ fú lɛ́Ꞌ ɛ̂yɑ́, pɛkɛ́m-pɑyúdɑ zɑ́p ŋɡɔ pɔ́p ɡʉ ńdɔɔ shʉ́ tɛ ńjẅí Yɛ́su.
Pɔ́p pɛn ńdɔɔ shʉ́ nɛɡẅɛɛ wɛ́, lɑ́ ɑ sẅiklɛ tsɛt mbɔ́ mɔ́p.
Ɛ́ fú ŋkɑ́ ɛ̂yɑ́, pɑyúdɑ mɛkŋɛ ŋ́ɡɑ́Ꞌ nɛlɔɔ yúu mi pɔ́p ɡʉ ɛ́fú nǔu ńjẅí Yɛ́su, mbíꞌŋɡɔ ɑ ŋkɑɑ fɑɑnɛ pɔ nɛpʉ́ʉ lɛ́Ꞌnji yɔ́p ndɑꞋ pɔ́, ɑ kɑ pɛn ḿbɔ́ ńcú ŋɡɔ Sɛ́ kwɑꞋ Tɑ́t wɛ, ńdɔk pɔ́Ꞌɔ, ńcú ŋɡɔ pɔ́p Sɛ́ pɔ́ pɔ ndʉ́ŋndʉŋ.
Pɑfɑlísɑy pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ jʉ́ɔ, ɛ́ pʉ́k wɔ́p tɛꞋ. Pɔ́p shɔtnɛ ḿbíkŋɛ tsɛtsɛt pɔ́p ŋɡɔ: «Pɛkŋɛ ɡʉ ŋ́ɡɛ ŋɡɔ ku nɛ́ Yɛ́su wɔ?»
Pɑfɑlísɑy ɡɔ́ɔ ɛ́fú ndɑ́-cúꞌlɛ ńcẅɛt, ŋ́ɡʉ pɔ́p pʉɔ-Ɛlɔ̂dɛ cúꞋlɛ nɛlɔɔ shʉ́ pɑꞋ pɔ́p ɡʉ ŋ́ɡɛ lɑ́ ńjẅí Yɛ́su.
ńcúꞋlɛ pɔ́Ꞌɔ, ńzɑ́p ŋɡɔ pɔ́p ɡʉ ɛ́sɔ́tɛ ŋ́ɡẅɛɛ Yɛ́su, ńjẅí wɛ́.
Ɛ́ kɑ ɡɔ́ ḿbɔ́, mbɔ pɛtɑ́tndɑ́-pɑnɔŋpɔꞋ, pɔ́p pɑfɑlísɑy kɑ cú ŋɡɔ, ŋu lɑɑ ḿbɔ́ ńjí zʉꞋ yí Yɛ́su zúꞋu, ɑ kíɛꞋ, pɛ́ ɡʉ ŋ́ɡẅɛɛ wɛ́.
Njí ɡɛ ŋ́kiɛ, ŋɡɔŋ pɛtɑ́tndɑ́-pɑnɔŋpɔꞋ, pɔ́p pɛkɛ́m-lɑ́Ꞌ mʉ́ʉ mbɑ́ꞋmbɑꞋɑ́, ńcúꞋlɛ ńzɑ́p ŋɡɔ pɔ́p ɡʉ ŋ́ɡɛ pɛ́ jẅí Yɛ́su,
Ɛ́ ɡɛ ḿbɔ́ ńtsʉ́Ꞌ ńjɑ́k lɛ́Ꞌ pɛ́pɑ́ pɛ́ jʉ́ ndínɑ ẅí pɛ́ kɑ pɔ́ ɛ́fúŋ nɛ́ Pɑ́skɑ, ḿbɔ́ mɛlɛ́Ꞌ mi pɛ́ kɑ pɔ́ ŋ́kwɛ́t mbɛlɛ̂ɛt kɛ́ fɛntɛ. Pɛtɑ́tndɑ́-pɑnɔŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔɔ shʉ́ pɑꞋ pɔ́p ɡʉ ɛ́sɔ́ ŋ́ɡẅɛɛ Yɛ́su, ńjẅí wɛ́,
Pɛtɑ́tndɑ́ pɑnɔ́ŋpɔꞋ pɔ́p pɑkyɛ́Ꞌtɛ nɛpʉ́ʉ-Mɔ̌sɛ̂ɛ pɔ́ ńdɔ́ɔ shʉ́ nɛɡɛ pɛ́ jẅí Yɛ́su, lɑ́ ḿbɔ́ ḿbɔ́k mík-lɑ́Ꞌ.
Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.
Pɑfɑlísɑy zúꞋ pɑ́Ꞌ lɑ́Ꞌ sɛ́ ɛ́sɔ́klɛ ntsu sɛ́ ŋ́kẅíi lík-Yɛ́su, pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛpɔ́p túu pɑpyɛ́p ndɑ́-nɔŋpɔꞋ ŋɡɔ pɔ́p ɡʉ ŋ́ɡẅɛɛ Yɛ́su.
Pɛcɔ́ pʉɔ nǔu pɔ́p pɔ́ ńdɔɔ nɛɡẅɛɛ Yɛ́su, lɑ́ wɛcɔ́ ŋu wɔ́p kɛ́ mbɔɔ kuꞋ nɛzɑ́p pɔ́ nǔu wɛ́ pɔ́.
Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.
Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.
